95
8.
QƏHRƏMANOVA(ERGİN) YEGANƏ QÜRBƏT QIZI
Qəhrəmanova (Ergin) Yeganə Qürbət qızı 1976-cı il yanvarın 26-da Abşeron rayonunun Məhəmmədli kəndində anadan olmuşdur. 1983-c ildə
Məhəmmədli kənd orta məktəbinə daxil olmuş, 1993-cü ilə orta məktəbi bitirərək N.Tusi adına ADPU-nun filologiya fakültəsinə qəbul olmuşdur.
Universitetdə oxuduğu illərdə öz fəallığı ilə seçilmiş, fakültədə keçirilən konfransların, elmi və bədii yığıncaqların iştirakçısı, hətta təşkilatçısı
olmuşdur. M.Füzulinin 500 illik yubileyində, M.Şirəliyevin, Ə.Dəmirçizadənin və başqa görkəmli dilçilərin, bir çox ustad aşıqlarımızın yaradıcılıq
gecələrində çıxışlar etmişdir. Ilk dəfə ikinci kursda oxuyarkən TEC-in konfransında “Yunis İmrə və dərviş-sufi ədəbiyyatı” mövzusunda məruzəsinə III
kursda “Müasir Azərbaycan dilində feli bağlama şəkilçiləri”, IV kursda isə “Azərbaycan dilində feillərin lüğəvi məna qrupları” mövzusunda
məruzələrinə görə I yeri tutmuşdur.
1997-ci ildə universiteti fərqlənmə diplomu ilə bitirib “Azərbaycan dili” ixtisası üzrə magistraturaya daxil olmuşdur. “Çoxmənalı fellərin lüğəvi
cəhətdən təsnifinə dair” adlı ilk elmi məqaləsi “Dil məsələlərinə dair tematik toplu”da (ADPU, 1997, №2) nəşr olunmuşdur. Magistraturada oxuduğu
müddətdə mətbuatda elmi məqalələrlə çıxış etmiş, konfranslarda məruzələr etmişdir. 1999-cu ildə universitetdə keçirilən “Dədə Qorqud-1300”
konfransında “Kitabi-Dədə Qorqud” dastanında məsdərlərin qrammatik xüsusiyyətləri”, “Kitabi-Dədə Qorqud”da feli sifətlərin bəzi xüsusiyyətləri”
mövzularında məruzələrinə görə mükafata layiq görülmüşdür. Həmin ildə aspirantların və gənc tədqiqatçıların respublika elmi konfransında “-madan,-
mədən feli bağlama şəkilçisinin etimologiyası” mövzusunda məruzə etmişdir.
Yeganə Qəhrəmanova 1999-cu ildə magistraturanı da fərqlənmə diplomu ilə bitirərək “Kitabi-Dədə Qorqud”da təsriflənməyən fellər”
mövzusunda magistr dissertasiyasını müdafiə etmişdir. Həmin ildən universitetin Müasir Azərbaycan dli kafedrasında müəllimə kimi fəaliyyətə
başlamışdır. O, universitetimizin tarixində ilk magistr müəllimidir. 2003-cü ildə AMEA-nın Nəsimi adına Dilçilik İnstitutunun Azərbaycan dili tarixi
şöbəsinin disertantı olmuş, “Kitabi-Dədə Qorqud” dastanında təsriflənməyən fellər” mövzusunda namizədlik dissertasiyası üzərində çalışmış, 25 iyun
2007-ci il tarixində AMEA Nəsimi adına Dilçilik İnstitutunun nəzdində filologiya elmləri doktoru və filologiya elmləri namizədi elmi dərəcələri almaq
üçün təqdim olunan dissertasiyaların müdafiəsini keçirən Dissertasiya Şurasında (D. 01. 141) namizədlik dissertasiyası müdafiə etmişdir. Azərbaycan
Respublikasının prezidenti yanında Ali Attestasiya komissiyasının 20 may 2008-ci il tarixli (protokol №18-k) qərarı ilə filologiya elmləri üzrə fəlsəfə
doktoru elmi dərəcəsi almışdır.
2003-2006-cı illərdə Universitet TEC-in sədri, “Pedaqoji Unversitet xəbərləri” humanitar elmlər seriyasının redaktoru müavini vəzifələrində
çalışmışdır.
96
2011-ci ildə Təhsil Nazirliyi ilə Ailə, uşaq və sağlamlıq mərkəzinin orta məktəblərin X-XI sinifləri arasında
keçirilən “Zərifə Əliyeva: ana, qadın, həkim və ictimai xadm kimi” inşa müsabiqəsinin qiymətləndirilməsi üzrə
komissiyanın üzvü olmuşdur.
2011- ci ildən universitetin Gender mərkəzinin fəaliyyətində yaxından iştirak edir. 2012-ci ilin dekabr ayında
keçirilən qadın zorakılığı mövzusunda 4 həftəlik təlimdə həm iştirakçı, həm də təlimçi kimi iştirak edib sertifikat
almışdır. 2012-ci il sentyabar ayının 3-dən 10-a qədər BMT-nin “İnsan inkişafı” layihəsi çərçivəsində Bakıda təşkil olunmuş təlimin də iştirakçısı
olmuş, təlimçi sertifikatı almışdır.
2012-2015-ci ildən AMEA Elmi İnnovasiyalar Mərkəzində elmi-tədqiqat, təcrübi konstruktor işləri şöbəsində “Türk dillərində ümumi qrammatik
kateqoriyalar” mövzusunda elmi-tədqiqat işi yerinə yetirmişdir.
2012-2014-cü illərdə Təhsil Nazirliyi yanında dərslikləri qiymətləndirmə şurasında ekspert kimi iştirak etmiş, 2014-cü ildə TN-nin orta məktəb
müəllimləri arasında keçirdiyi “İlin müəllimi” müsabiqəsinin qiymətləndirilməsi üzrə komissiyanın üzvü olmuşdur.
2014-cü ildə Abşeron rayonu Məmmədli bələdiyyəsinə üzv seçilmişdir.
2014-cü ildə keçirilən I Bakı Elm festivalında “Kərkük türkmənlərinin dili” mövzusunda məruzə etmişdir.
2014-cü ilin iyun ayında Müasir Azərbaycan dili kafedrasının dosenti vəzifəsinə seçilmişdir.
2014-cü ildən ADPU-nun Müasir Azərbaycan dili kafedrasında elmlər doktoru proqramı üzrə “Azərbaycan dilində hal kateqoriyasının struktur-
semantik inkişafı” mövzusunda doktorluq dissertasiyası üzrində çalışır.
Fakültə Həmkarlar Təşkilatının üzvüdür.
“Kitabi-Dədə Qorqud” dastanında felin təsriflənməyən formaları” adlı dərs vəsaitinin, magistratura üçün “Elmi-pedaqoji təcrübə” adlı proqramın,
22 elmi məqalə və tezisin müəllifidir.
2005-ci ildən YAP-ın üzvüdür.
9.
KÖNÜL İBRAHIM QIZI SƏMƏDOVA
97
Könül İbrahim qızı Səmədova 1 may 1974-cü ildə Azərbaycan respublikasının Zaqatala rayonunun Qımır
kəndində anadan olmuşdur. 1980-ci ildə Zaqatala rayonu Qımır kənd orta məktəbinin I (birinci) sinfinə qəbul olunmuş,
1989-cu ildın isə Bakı şəhəri Həbib bəy Mahmudbəyov adına Texniki-humanitar litseyin humanitar bölməsində orta
təhsilini davam etdirmişdir. 1991-ci ildə litseyi əla qiymətlərlə bitirmiş, elə həmin ili də ADPU-nin filologiya
fakültəsinə qəbul olmuş, 1996-cı ildə həmin universiteti fərqlənmə diplomu ilə bitirmişdir.
Əmək fəaliyyətinə təyinatı üzrə 1996-cı ildə Zaqatala rayon Qımır kənd orta məktəbində Azərbaycan dili və ədəbiyyat müəllimi kimi başlamışdır.
Bir ildən sonra 1997-ci ildə Azərbaycan Dövlət Pedaqoji Universitetinin filologiya fakültəsinin aspiranturasına qəbul olmuşdur. 1997-2001-ci illərdə
aspiranturada oxumuşdur. 2004-cü ildə isə “Qərbi Azərbaycan – indiki Ermənistan etnotoponimlərinin arealları” mövzusunda namizədlik dissertasiyası
müdafiə edərək filologiya elmləri üzrə fəlsəfə doktoru elmi dərəcəsi almışdır. Elə həmin ildən də ADPU-nun filologiya fakültəsinin “Müasir
Azərbaycan dili” kafedrasında saathesabı dərs deməyə başlamış, eyni zamanda Xətai rayonu 147 saylı texniki-humanitar litseydə də Azərbaycan dili və
ədəbiyyatı müəllimi vəzifəsində işləmişdir.
2007-ci ildən ADPU-nun filologiya fakültəsinin “Müasir Azərbaycan dili” kafedrasında müəllim, 2010-cu ildən baş müəllim, 2014-cü ildən
dosent vəzifəsində işləyir.
30-dan çox elmi məqalənin, 2 dərs vəsaitinin (1. Qərbi Azərbaycan – indiki Ermənistan etnotoponimlərinin arealları; 2. “Şimal-Qərb qrupu
dialekt sözlərinin lüğəti və arealları”) və 1 proqramın (magistratura üçün “Elmi-tədqiqat təcrübəsi”) müəllifidir.
Hal-hazırda AMEA-nın Nəsimi adına Dilçilik institutunun dissertantıdır. “Azərbaycan dili Şimal_Qərb qrupu dialekt və şivələrində qıpçaq
elementləri” mövzusunda doktorluq dissertasiyası üzərində çalışır.
Səbail rayonu YAP-ın üzvüdür.
Ailəlidir. 2 övladı var.
10.
SEVINC SƏRHAD QIZI SADIQOVA
Sadıqova Sevinc Sərhad qızı 11 mart 1978-ci ildə Bakı şəhərində anadan olmuşdur. 1985-ci ildə Bakı şəhəri, Sabunçu rayonunun 252 saylı orta
məktəbinin I (birinci) sinfinə qəbul olunmuş, 1995-ci ildə həmin məktəbi əla qiymətlərlə bitirmişdir.
Dostları ilə paylaş: |