361
olan əhvalat, təsadüf və hadisələrə E. deyilir. Kino şəklinin məzmunca bitmiş
hissəsi; teatr tamaşasında əhvalatın inkişafı ilə birbaşa bağlı olmayan səhnə,
pərdə.
Eskepizm (escapism)
–
1) gündəlik həyatın reallıqlarından, problemlərindən
qaçmaq cəhdi, xüsusilə mənəvi və intellektual fəaliyyətin müxtəlif növlərində
abstrakt mülahizələr irəli sürmək; 2) asiyasilik, ictimaisiyasi həyatda iştirak
etməkdən qaçmaq.
Eskiz (scetch/outline)
–
1) bir şəklin, rəsmin və ya onun bir hissəsinin ilk
qaralaması. Ani çəkilən, sürətlə yerinə yetirilən ilkin rəsmə E. deyilir. Rəssam
gördüyü naturanı yadda saxlamaq üçün kağızda müəyyən cizgilər çəkir və
burada əşyanın ən vacib əlamətlərini əks etdirir. Sonra bu E.lərin əsasında
əsəri tamamlayır; 2) heykəltəraşlıq əsərinin kiçildilmiş miqyasda hazırlanan
ilk nümunəsi, modeli.
Estetik hiss (aesthetical feeling (emotion))
–
bizi əhatə edən gerçəkliyin es
tetik özünəməxsusluğunun: ictimai münasibətlərdə, insanların davranışında,
incəsənətdə gözəlliyin, ülviliyin qavranılması sayəsində insanda əmələ gələn
spesifik həyəcan. Belə gözəllik obyekti hər şey
–
təbiət və onda baş verən
müxtəlif hadisələr, ictimai həyat, insan, onun rəftarı, həmçinin varlığı düzgün
və yüksək bədii səviyyədə əks etdirən incəsənət (kino, teatr və s.) və ədəbiyyat
əsərləri ola bilər. E. h. ictimai xarakter daşıyır. Estetik tələb və normalar tarixən
şərtlənir, müxtəlif olur. Bu, bir tərəfdən həmin hissləri keçirən adamların dün
yagörüşü, ümumi inkişaf səviyyəsi, zövqləri, aldıqları tərbiyə, fərdi fərqlərə
malik olmaları, digər tərəfdən isə həmin hissləri doğuran obyektlərin hədsiz
çoxcəhətliliyi və müxtəlifliyi ilə izah olunur.
Estetik qavrayış (aesthetic(al) perception)
–
insanın ətrafdakı predmetlərin
gözəlliyini (onların formasını, rəngini, musiqi səsini və s.) hiss etmək
qabiliyyəti. E. q. hissi qavrayış əsasında müxtəlif predmetlərin insanın görmə
və eşitmə üzvlərinə təsir edərkən əsəb sisteminin oyanması, onun beyinə
verilməsi və orada yeni şəkil alması ilə əşyaların məkan formalarını, rəngini,
səsini və s. əks etdirmək (hiss etmək) qabiliyyəti əsasında inkişaf edir.
Estetik tərbiyə (aesthetical training)
–
insana həyatın və incəsənətin gözəllik
və ülviliyini qavramaq, başa düşmək, qiymətləndirmək və yaratmaq bacarı
ğının aşılanması və onun təkmilləşdirilməsinə yönəldilmiş tədbirlər sistemi.
E. t nin məqsədi cəmiyyət üzvlərinin əqli, siyasi, əxlaqi və fiziki cəhətdən
hərtərəfli inkişafına kömək etmək, onlarda gözəllik hissini təkmilləşdirmək,
gözəllik qanunları üzrə yaratmaq həvəsi oyatmaqdır.
Estetik zövq (aesthetic taste)
–
insanın təbiət və cəmiyyətin pred
met və hadisələrinin estetik xüsusiyyətlərini duymaq, başa düşmək və
qiymətləndirmək qabiliyyəti. E. z. insanın gerçəkliyə, estetik keyfiyyətlərin
zənginliyinə, ictimai praktika prosesində gözəllik, eybəcərlik, komiklik,
faciəvilik və s. kimi təsəvvürlər mövqeyindən verdiyi qiyməti ifadə edir.
Həmin qiymətvermənin predmeti incəsənət əsəri olduqda bu qabiliyyət “Es
tetik zövq” adlanır.
Ədəbi ssenari (literary script)
–
gələcək ekran məhsulunun səs və gö
rüntü həllini plastik dramaturji keçidlər, dialoqlar, montaj üsulları və digər
362
ifadə vasitələrinin köməyi ilə verən xüsusi ədəbi əsər. Çəkiləcək ekran
əsərinin tam dolğun təsəvvür edilməsi ssenaristin məharətindən və Ə. s.nin
mükəmməlliyindən çox asılıdır. Ekranda nələrin olacağı barədə sözlə ay
dın təsəvvür yaratmaq, dramaturji qanunlara və əyaniliyə əməl edərək əsas
elementlərin, kadrların uyğunluğunu tam göstərmək Ə.s. üçün əsas şərtdir.
Əldən çəkiliş (manual shooting)
–
TV çəkilişinin dayaqsız (ştativsiz) aparıl
ması. Bu halda operator görüntüləri çiyninə qoyduğu (TVdə), yaxud əsində
saxladığı (kinoda) kamera ilə çəkir. Ə. ç. yalnız operativ hadisə süjetlərinin
çəkilişi zamanı tətbiq olunur. Bütövlükdə çəkilişin ştativsiz (operator dayağı)
aparılması məqbul deyildir.
Əsas fokus (basic focus)
–
əsas optik oxun sonsuz uzaqlaşmış obyekti gös
tərən nöqtəsi. Hər bir linzada və hər bir obyektivdə iki əsas fokus olur: ön və
arxa.
Əsas xəbər proqramı (primenews)
–
axşam saatlarında (saat 20dən 22dək)
göstərilən, ən çox tamaşaçı toplayan və günün əsas xəbərlərini çatdıran geniş
informasiya proqramı.
Əsas işıq (main ligth)
–
hər yerdə rastlaşdığımız, ancaq bəlli qaynağı olma
yan işıq. Gün işığı birbaşa düşməyən yerlərdə (təbiətdə) belə işıqla üzləşirik.
Ə. i.ı süni yolla seyrəldici cihazlar dəstinin və güzgüləyicilərin köməyi ilə al
maq mümkündür.
Əyləncəli proqram (entertainment program)
–
müasir massmedianın
informasiya sahəsində əhəmiyyətli dərəcədə payı olan və müxtəlif oyunla
ra əsaslanan bədiimusiqi proqramları. Analitiklər Ə. p. ı təkcə medianın
asudə vaxt funksiyaları spektrinin genişləndirilməsi ilə deyil, həm də KİVin
reklam sponsorluğundan asılılığının güclənməsi ilə əlaqələndirirlər. Belə ki,
onlar əyləncəli proqramlardan özlərinin kommersiya maraqları üçün istifadə
edərək bunun köməyi ilə reklam həvəsləndirməsinin müxtəlif formalarını
təşkil edirlər. Ə. p. ın xəbər proqramları ilə birləşməsi prosesi də inkişaf edir.
Bu proseslər nəticəsində meydana çıxan infoteynment calaq janrları KİV
in kütləvi sahəsini daraldır və əyləncəliinformasiya proqramlarının yayım
şəbəkəsində mövqeyini möhkəmləndirir.
Fabula (plot/story
–
1) bədii əsərdə (kinofilmdə, teatr tamaşaasında, ədəbi
əsərdə) təsvir olunan hadisələrin müəyyən zaman ardıcıllığı ilə nəql olun
ması. F. Süjetlə sıx bağlıdır: hadisələrin xronoloji ardıcıllıqla təsvir olunduğu
bbədii əsərdə F. və süjet məfhumları birbirinə uyğun gəlir; 2) hadisələrin nəql
edilməsi üsulu. Bu termin çoxmənalı olduğuna görə bəzən süjet anlayışı ilə
səhv salınır. Əgər süjet dedikdə təsvir edilən hadisələrin xronoloji ardıcıllığı
başa düşülürsə, F. dedikdə hadisələrin nəqledilmə qaydası nəzərdə tutulur.
Bəzi ədəbiyyatşünaslar xronoloji ardıcıllığı F., onların bədii düzülüşünü isə sü
jet adlandırırlar. F. ədəbi əsərin məzmunu, burada təsvir olunan hadisələrdir.
Beləliklə, materialın F. düzülüşü süjet düzümündən onunla fərqlənir ki, bu
rada jurnalistin əsas işi hər hansı sosial təzahür, yaxud problemi aça biləcək
daha əlamətdar hadisələri fərqləndirməkdir.
Fakt (fact/case)
–
1) süjet və veriliş üçün ilkin material, hadisə, istinad
sənədi, əsas, dəlil, sübut; 2) fəlsəfi anlayış
–
obyektiv və elmi F. anlayışları bir