55
intellektual təsirini itirməyə başlamışdı və bir sosial institut kimi ona vurulan bu zərbə
Çində buddizmin tənəzzülünün başlanğıcı kimi əlamətdar oldu.
Bundan yeddi əsr sonra katolitsizmlə, Roma papası ilə əlaqəsini kəsməklə, yeni
anqlikan kilsəsi yaradan İngiltərə kralı VIII Henri də monastır torpaqlarını və
sərvətini ələ keçirməklə xeyli maddi fayda götürmüşdü. Yepiskop Con Fişer kralın bu
tədbirinin başlanğıcında ona etirazını bildirərək, obrazlı şəkildə dediyi kimi “meşədən
özünə bir sap xahiş edən balta ona nail olduqdan sonra həmin meşəni doğramağa
başlamışdı, bu vaxt odun daşqını əmələ gəlmişdi.” Kral da əvvəlcə bir monastır
istəmişdi, sadəlövh yepiskoplar onun xahişinə əməl etdikdə isə o, yepiskop Fişerin
xəbərdar etdiyi kimi, bütün monastır torpaqlarını ələ keçirmişdi. Ona ömrünün son
ilində Papa III Pavel kardinal rütbəsi vermişdi, çünki o, kralıın Anna Boleynlə
izdivacının qanuni qüvvəsini etiraf etməkdən imtina etmişdi. Kralın yeni kilsənin ali
başçısı olmasını tanımağı rədd etdiyindən 1535- ci ildə Con Fişerin boynu
vurulmuşdu. Bundan dörd əsr sonra Vatikan onu kanonlaşdırmış, Müqəddəs elan
etmişdi.
Ədəbiyyatda isə Tan dövrünün ən böyük şərəfi onun poeziyası idi. VIII əsrdən
başlayaraq şairlər süni diqqətdən və Cənub sülalələrinin saray poeziyası işlərindən
uzaqlaşdılar, yeni istiqamətlər və naturalizm kəsb etdilər. Artıq şairlər aydın və sadə
dildə yazırdılar. Sülalənin sonuna yaxın yeni poetik forma əmələ gəldi, bu, beş sözlü
və yeddi sözlü sətirdən az olan bir müntəzəm ölçüyə malik idi və üzə çıxdıqda nəğmə
mənasını verməli idi.
Tan imperatorlarının himayəsi altında təsviri sənətin inkişafına da diqqət
verilirdi. Mənzərə rəssamlığı sonrakı dövrlərin mistik təbiət rəngkarlığının müjdəçisi
oldu.
VIII və IX əsrlər böyümə və inkişaf dövrü idi. Münbit və məhsuldar torpaqları
olan Cənub, istehsalı xeyli artırırdı. Lakin hələ də Cənubda istifadə edilməyən
torpaqları olan geniş ərazilər qalırdı. Şəkər və çay kimi yeni qida növlərinin istehsalı
geniş surətdə artırdı. Məhsuldar Yantszı vadisində iki dəfə məhsul verən torpaq
sahələri vardı, burada düyü, qışda isə buğda və ya başqa dənli bitkilər becərilirdi.
Erkən Tan zamanlarında əsas ipək istehsal edən ərazilər şimali-şərqdə idi, sonra isə
Yantszı deltası regionunda ipək istehsalı artdı.
Ticarətin böyüməsi puldan daha çox istifadəyə səbəb oldu. Puldan və
gümüşdən artan istifadə isə həmçinin rəsmi maliyyəyə və hesablaşmalara təsir
göstərdi. Vergilər pulla ödənməyə başlandı. Daha çox varlanmış tacirlər duz satışı ilə
məşğul olurdular, iri şəhərlərdəki bankirlər və tacirlər sahil limanlarında dənizlərin o
tərəfi ilə ticarət aparırdılar. Xarici ticarətdə isə bu vaxtadək çinli olmayan tacirlər
56
ağalıq etmişdilər. Kanton şəhəri iri ticarət icmasına malik idi. Şimalın sahil ticarət
yoluna koreyalılar ağalıq edirdilər. Mərkəzi Asiya ilə quru yollarla aparılan ticarətin
əksəriyyəti Soqdiya və sonralar isə Uyğur tacirlərinin əlində idi. Mərkəzi Asiya,
Soqdiya və Persiya tacirləri yerli pərakəndə ticarətlə məşğul olurdular. Yalnız IX
əsrdə ticarətdə əcnəbi təsir azalmağa başladı.
Tan sülaləsinin sonrakı dövrlərində məmurların çoxu öz pullarını kommersiya
fəaliyyətinə qoyurdular. İdarə edən siniflə tacirlər arasındakı sədd Han dövründən
mövcud olsa da, IX əsrdə surətlə yoxa çıxmağa başladı.
220-618-ci illərdəki erkən Altı Sülaləyə bənzəməyən Beş Sülalə kimi Tanın X
əsrdəki dövrü qısa müddətli olmaqla, Çin mədəniyyətinin təkamülünü sərt qaydada
pozmadı. Sosial, siyasi, iqtisadi və mədəni sahələrdə çox saydakı uzun müddətli
dəyişiklik meylləri artıq hərəkətdə idi və sonrakı Çin cəmiyyətini keçmişdən
xarakterik qaydada fərqləndirirdi. Tarixçilərin əksəriyyəti Tandan Suna keçidin əhatə
etdiyi bir sıra əsri böyük ayrılma dövrü kimi qiymətləndirirlər. Beş sülalə qısa dövrü
sadəcə keçid səhnəsi idi, onun hərbi və siyasi metamorfozaları dərin təsirə malik olan
dəyişikliklərin nümayişi idi.
Tan mədəniyyətinin çox uzağa gedən təsiri sərhəddə nomad, yarım nomad və
çoban xalqların qalxmasına səbəb oldu. Həmin vaxtdan etibarən XVII əsrdə yeni Tsin
sülaləsi qalxanadək Çin iki hissədən ibarət idi, hərbi cəhətdən güclü Şimaldan,
iqtisadi və mədəni cəhətdən varlı Cənubdan. Çində on müxtəlif çarlıq – şimalda
Tanqut və Xitan, cənubda isə səkkiz kiçik çarlıq meydana gəldi. Şimali-qərb küncdəki
Tibet xalqı olan tanqutlar Böyük Səddin indiki Kansudakı uzaq qurtaracağı ilə Huan
Honun Daxili Monqolustana birləşdiyi yerin arasındakı regionda yaşayırdı. Onların
yarımvahə iqtisadiyyatı, irriqasiya əkinçiliyi ilə çobanlığı birləşdirirdi. Onlar məşhur
İpək Yolunun çıxış məntəqələrinə nəzarət etməklə, Mərkəzi Asiya ilə Çin arasındakı
ticarətdə vasitəçilik edirdilər. Onlar dövlət dini kimi buddizmə uyğunlaşmışdılar,
hökumətdə və təhsildə isə Tan modelini seçmişdilər və öz dinləri üçün yazı əlifbasını
icad etmişdilər. Burada qarışıq olmaqla zəngin mədəniyyət çiçəklənirdi, mağaralarda
saxlanılan Çin, Tibet, Uyğur dillərindəki və digər dillərdəki 10 min dini rəsm, əl
yazısı və kitablar bunu sübut edir.
1038-ci ildə tanqutlar özlərinin Hsi Hsiya çarlığını elan etdilər və bu dövlət
Şimali Çinin qonşu dövlətləri ilə sərhəd toqquşmalarına cəlb olunmalarına
baxmayaraq, iki əsrə qədər yaşadı. Çarlığın sonu monqollar vasitəsilə gəldi, onlar
Çinin bütün hissələrini ilk köçəri işğalına məruz qoydular.
Beş sülalənin həmin dövrundə şimala tərəf yarımköçəri, lakin əsasən çoban
olan Xitan xalqı qalxdı, Xitan (və ya orta əsrlər Avropasında Marko Polonun
Dostları ilə paylaş: |