113
Mikrobioloqun söylədiyinə görə, bədəndə əmələ gələn yeni
maddələr-anticisimlər zəifləməmiş mikroblarla mübarizə aparmaqla
orqanizmə kömək edir. Təhlükə mübarizə qüvvələrini səfərbər edir.
Orqanizmin təbii sirrləri bakteriya öldürən xüsusiyyətlərə malikdir,
bu xüsusən ən zəif bədən səthlərini qorumaq üçün vacib idi. Belə
olmasaydı, bütün insanlar ya çoxdan ölmüşdü və ya ən yaxşı halda inkişaf
edə bilməmişdi, çünki doğulandan bizim orqanizm havada, suda, torpaqda
olan saysız-hesabsız mikroblarla təmasda olur. Mikroblar daim dəriyə
hopur, buruna, ağıza, bağırsaqlara daxil olur. Onlardan çoxu ziyansızdır,
bəziləri hətta faydalıdır, həzmə kömək edənlər kimi orqanizm onların
mövcudluğuna dözür, lakin onların bağırsaqlardan kənara daxil olmasına
və həmçinin həddən çox artmasına maneəçilik törədir. Qan isə özünün
udan hüceyrələr ordusu vasitəsilə müəyyən qədər bu müdafiəni təmin edir.
Lakin bəzi, xüsusən bədənin həssas və asanlıqla zədələnən hissələri,
məsələn, selikli burun boşluğu və nəfəs yolları havadan mikrob
düşməsindən qorunmamışdır. Bu hissələrdə qan təminatı zəifdir, onlar
müdafiəsiz qala bilməzlər. Orqanizmin buraxdığı seliklərdə təbii müdafiə
vasitəsi rolu oynayan zülal maddəsi bəzən mikroorqanizmləri əridir,
mikrobların müdaxiləsinə qarşı təbii antiseptika hüceyrələrin birinci
müdafiə xətti rolunu oynayır. Patogen mikroblar isə orqanizmin müdafiə
gücünü yarıb keçməklə infeksiya əmələ gətirir. Onlar insanın təhlükəli
düşmənləri olduqlarından, onun müdafiə gücünə qalib gəlirlər.
Aleksandr Fleminq elə maddə axtarırdı ki, xəstənin hüceyrələrinə
zərər vurmadan patogen mikrobları məhv etsin. O, qeyri-adi kifi
öyrənməyə başladı. Kif kiçicik göbələk olub, bitki orqanizmi kimi qırmızı
qan kürəciklərindən də balacadır və havada olan sporların köməyi ilə
çoxalır. Onlar cücərib bir növ keçə kütələsinə çevrilirlər. Kif bir sıra
qorxulu patogen mikroblara qarşı məhvedici xüsusiyyətə malikdir. Çünki
o elə maddə buraxırdı ki, bir sıra ən qorxulu xəstəliklərin törədicilərinin
böyüməsini dayandırırdı. Fleminq qidalı bulyonda belə «penitsillium»
yetişdirdi.
Ən sadə canlı orqanizm-kif elə maddə buraxırdı ki, o digər canlı
orqanizmlər olan mikrobları öldürürdü. Bu iki növün dinc yanaşı yaşaması
mümkün deyildi.
Dünya elə qurulmuşdur ki, bütün canlı varlıqlar öz yaşayışları üçün
mübarizədə qorxulu düşmənlərə çevrilirlər. Onların hər biri özünə
başqasından qida, hava və məkan alır.
114
Patogen mikrobların çoxu böyük miqdarda suya və torpağa düşsələr
də, yaxşı ki, tezliklə ölürlər, yoxsa nə insanlar, nə də heyvanlar yaşaya
bilməzdi. Onları əsasən günəş və digər faydalı mikrobların təsiri öldürür.
Artıq qədim yunan əlyazmalarında bəzi epidemik xəstəliklərin digər
xəstəlikləri yatırdıqlarına şəhadət verən məlumatlar var idi. Aşağı canlı
varlıqlarda, yüksək heyvan və bitki aləmində olduğuna nisbətən həyat
daha çox dərəcədə həyatı öldürür.
Fleminqin icad etdiyi «penitsillin» adlanan maddə insan əzablarını
azaltmaqda inqilabi rol oynayacaqdı. Lakin bu qiymətli maddə təmiz
şəkildə olmalı idi. Amerikanların inadkarlığı və texnoloji istedadı köməyə
çatdı. Çürümüş yemişdə cücərən və yüksək məhsuldarlıq qabiliyyətinə
malik olan kifdən ən qiymətli ştammlar alındı.
Bu ştammın mənbəyi laboratoriyanın yerləşdiyi şəhərin adı ilə
Peoriya yemişi kimi məşhurlaşdı. İkinci Dünya Müharibəsinin qızğın
dövründə, 1943-cü ildə Birləşmiş Ştatların zavodları penitsillin istehsalını
həyata keçirdilər və böyük miqdarda bu xilasedici dərman vuruşan orduya
göndərildi.
Aleksandr Fleminq təbabət titanları dəstəsinə daxil oldu. Onun icadı
yer üzündə on milyonlarla adamın həyatını qoruyub saxladı, yəqin ki,
başqa bir dahi onunla bu sahədə çətinliklə müqayisəyə girə bilər.
Penitsillin milyonlarla sətəlcəmlə xəstələnmiş adamı labüd ölümdən xilas
etdi, uşaq ölümü səviyyəsi xeyli aşağı düşdü. O, bəşəriyyət qarşısında bu
xidmətləri göstərmişdi.
İndi mənə də belə bir immunitet qazanmaq lazım idi ki, əsəbimi
tarıma çəkən hadisələr məni bütünlüklə məhv etməsin. Burada dahiyana
icada da ehtiyac yox. İndi, sadəcə olaraq şəfa gözlədiyim adam məni başa
düşməliydi. Mənim könlüm zəifləsə, adi zərbəyə davam gətirə
bilməyəcəkdi. Ona görə də onun müdafiə gücünün açarı işə düşməli, bu
bağlanmağa üz qoyan qapını yenə taybatay açmalı idi.
Bəs niyə görən mənə aid olan, mənim həyatımda toxunan bu ilmələr
belə zəifdir, adi müqavimət qüvvəsinə malik deyildir. Niyə mən bir günlük
kəpənəyə bənzəyən az ömürlü xoşbəxtliyimi də qoruyub hifz edə
bilmirəm.
Mən qədim müdriklərin vəsiyyətinə əməl edərək, öz vicdanım
qarşısında təmiz olmağa çalışıram. Hamıya qarşı xeyirxahlıq etmək
istəyirəm, ancaq çox hallarda məni düzgün başa düşmürlər. Davranışımın
məqsədini tam fərqli, yad bir şeydə axtarırlar. Mən nə qədər ağıllı qaydada
115
düşünsəm də, real işə gələndə istədiklərim alınmır, yaxşı nəticəyə ümid
etdiyim halda, yekun mənim gözlədiklərimə uyğun gəlmir, məni pərt edir.
Bir dəfə söhbət vaxtı Əminə kiminsə haqqında demişdi ki, o, sözdə
şirdirsə, əməldə, həyatda tülküdür. İndi təlaşa düşmüşdüm ki, birdən
mənim haqqımda da elə fikirləşər, bu isə mənim barəmdə ən ağır hökmə
bərabər olardı. Ancaq mənim özümə demişdi ki, sən savadlı, abırlı adam
olsan da, ancaq işinin uğurunda, həyata münasibətində bunun bir səmərəsi
görünmür. İnsan beynində hansı bilikləri gəzdirməsi ilə yox, öz ağlının,
zəhmətinin bəhrəsi ilə nə qədər müdrik olduğunu göstərə bilir. Müdriklik
özün haqqındakı yüksək fikirlərin məcmuu deyildir, sənin ölkənə, xalqına,
ailənə verdiyin fayda ilə ölçülür, birinci nə qədər böyüsə, şişsə insanın
qiyməti, dəyəri azalmağa başlayır, lakin zəhmətin bəhrəsi nə qədər artsa
bunu hamı görür, qiymətləndirir və bu insanın nüfuzunu, dəyərini
böyütməyə başlayır, onun həyatdakı mövqeyi və yeri möhkəmlənir. Öz
ailəsini dolandırmaq üçün heç nə qazanmayan kişi xalqına hansı xidmət
göstərə bilər. Axı təkcə dili fırlatmaq, danışmaq, nitq söyləmək,
çərənləmək fəaliyyət növü hesab olunmamalıdır, səs telləri ilə havanı
hərəkətə gətirmək qoçaqlıq sayılmamalıdır. İnsan boş danışığa güc
verdikdə, öz əqidəsinə uyğun olmayan sözlər danışdıqda riyakarlıqdan
başqa bir işlə məşğul olmur. Axı öz iradəsi ilə hərəkət etməyənə,
məcburiyyət qarşısında fəaliyyət göstərənə qədim dövrlərdə qul kimi
baxırdılar.
Bir-bir onun ağıllı söhbətləri yadıma düşürdü və onları təhlil etdikcə
güman edirdim ki, Əminə heç bir sözü elə-belə demir, ona hansısa fikrini,
mülahizəsini büküb mənə çatdırır. Bir dəfə azadlıq, sərbəstlik, müstəqil
fikir və əməl sahibi olmaq barədə xeyli söhbət etdi və mənə belə gəldi ki,
cəsarətsizliyimi, çox vaxt müti qaydada hərəkət etdiyimi sezdiyinə görə,
Ezop dili ilə mənim qüsurlarımı açıb göstərir, onlardan qurtulmaq, xilas
olmaq barədə mülahizələrini mücərrəd söhbət kimi bildirir. İndi mən fikrə
dalanda, hər sözünü sapa düzüb məna tutumu barədə analiz edəndə
görürəm ki, nə qədər uzaq mövzuda, mücərrəd söhbət olursa olsun, onların
hər birində konkret fikir mayalanıbmış, hansısa incə bir mətləb
gizlənibmiş. Sözünün təsirini gücləndirmək, kəsərini artırmaq üçün tarixə
müraciət edir, dahi şəxsiyyətlərdən misal çəkirdi və belə müdriklərə
arxalandığından nəinki onu təkzib etmək mümkün olmurdu, hətta onunla
mübahisə etmək də çətinləşirdi. Bir dəfə Diogendən maraqlı və ibrətamiz
misal çəkdi. O, Persiya çarına göndərdiyi məktubda yazmışdı: «Sən əsl
Dostları ilə paylaş: |