121
yağan baxışlarından hiss edirdim ki, hələ də hirsləri soyumayıb, məni
bağışlamayıblar.
Biz ordan-burdan söhbət edirdik, birdən divardan asılmış televizorun
ekranından rəqs edən Nuridəni, bir az sonra isə stol arxasında oturanları
göstərərkən yanındakı bir qadınla söhbət edən Əminəni gördüm. Bir qədər
sonra siqaret çəkmək bəhanəsi ilə holla çıxdım. Az müddət orda qaldıqdan
sonra zala girib Əminəgilə yaxınlaşdım. Məni rəfiqəsinə ailəsinin dostu
kimi təqdim etdi. Nuridə rəqsdən sonra pörtmüşdü və mənimlə çox hay-
küylü qaydada görüşdü. Lakin Əminənin əhval-ruhiyyəsi də, görünüşü də
xoşuma gəlmədi. Xeyli arıqlamışdı, alnında və dodaqlarının yanında nazik
qırışlar özünə yol açmağa başlamışdı. Maraqlandıqda, bir qədər səhhətinin
qaydada olmadığını, müalicə olunduğunu dedi. Bu vaxt Nuridə yaxınlaşıb,
məni asta rəqsə, rusca o, «medlenniy» demişdi dəvət etmək istədiyini
bildirəndə, mən utana-utana dedim ki. axı mən həmin rəqsi bacarmıram.
Hətta universitetdə tələbə olarkən bir qədər də pulumdan keçib, rəqs
kursuna yazılmışdım, müəllimə isə bizə daha çox bal rəqslərini, valsı
öyrətməyə vaxt ayırdığından, mən dərslərə davamiyyətimi dayandırdım.
Sonra da rəqs etmək üçün nə elə şəraitim, nə də həvəsim olmamışdı. Elə
bil ki. mən də ikinci ser Uinston Çörçill idim. Nuridə əlacsız qalıb məni
milli rəqsə dəvət edəcəyini dedi, yenə bildirdim ki, bu sahədə də
qabiliyyətim yalnız pis fikirlər doğura bilər, ona görə də oynamaq
istəməzdim. Lakin Nuridə təklifində israr göstərməkdə davam etdi və mən
öz məclisimizə qayıdıb, tanıdığım, ünsiyyətdə olduğum kəndlilərimlə
söhbət edirdim ki, Nuridə mənə yaxınlaşdı. Xəfif təbəssümlə
yanımdakılara salam verib, məni rəqsə dəvət etdi. Stolun ətrafında
oturanlar çaş-baş qalmışdılar, bir hissəsi mənə iftixar hissi ilə baxırdı ki,
bəlkə məclisdəki ən gözəl qız onların yerlilərini tanıyır, hətta özü onu
oynamağa dəvət edir. Digərləri, xüsusən arvad tərəfdən qohumlarımın
nəzərləri ikrah hissini ifadə edirdi, bu baxışlardan oxumaq çətin deyildi
ki, gör bu qəddar nadan cavan qızlarla kef eləyə-eləyə bizim doğma
adamımızı vərəmlədib öldürdü. Mən çıxılmaz vəziyyətdə qalmışdım.
Dəvəti qəbul etməsəm, Nuridəni incitmiş olardım və o, bunun əvəzi kimi
Əminədə mənim haqqımda formalaşan pis fikri bir qədər də
dərinləşdirərdi. Mənim tərəddüd etdiyimi görən, mənə qarşı loyallıqları
hiss olunan yerlilərimin hərəsi bir tərəfdən məni məzəmmət etməyə
başladılar ki, qız-qadın dəvət edəndə hökmən qəbul edilməlidir, hətta
misal çəkdilər ki, kənddə müharibədən bir qılça ilə qayıtmış yaşlı kişi
122
daim qadınların, xüsusən öz cavan arvadının təkidi ilə protez ayağını yerə
asta basa-basa rəqs etməkdən qalmırmış. Bir sərxoş rəqs edən vaxt
təsadüfən onu itələyib yıxdıqda, bu əlil kişi qalxıb həmin pəhləvan kimi
oğlanın boğazından bir əli ilə yapışıb onu boğmağa başlamış, sonra isə
yumruqları ilə ağzının-burnunun qanını bir yerə qatıbmış. O hadisədən
sonra kənddə ən çox özündən deyənlər də ondan qorxmağa, çəkinməyə
başlamışdılar. Həmin kişi ölənə qədər heç kəsə can verməmişdi, öz
fərasəti, əziyyətə qatlaşması ilə yerlilərinin heyrətinə səbəb olmuşdu.
Kənd camaatının qaramal sürüsünün yolu onun həyətinin yandından
keçdiyindən, inək-camış bağına girib ziyan vururdu, çəpərini dağıdırdı.
Həmin kişi tək ayağı ilə bütün çəpəri boyu feodalların qəsrlərinin ətrafında
olan kimi dərin və enli xəndək qazdı, o təhlükədən də canını qurtardı.
Kənd ümumiyyətlə qəhrəmansız yaşaya bilmir. Real timsalı olmasa
da özləri uydurur, sonra da özləri də buna inanırlar. Məni əlilə
oxşatdıqlarını başa düşməsəm də, qalxıb rəqs meydançasına tərəf getdim.
Axı məni gözləyirdilər.
Mən qollarımı qaldıranda, Nuridə süzməyə başladı, hərəkətlərində,
plastikasında qeyri-adi bir zəriflik, incəlik var idi, musiqi ilə onun
hərəkətlərinin, jestlərinin hamahəngliyinə, harmoniyasına məəttəl
qalmışdım. Elə bil bu qızın qanında musiqi cağlayırdı. Hərəkətlərindəki
ifadəlilik, ekspressiya, gənclikdən xəbər verən həyatsevərlik aşıb daşırdı,
onun hissləri bütün bəndləri qırıb dağıdan daşqına, selə bənzəyirdi. Mən
onun yanında aramla qolunu qaldırıb salan robot kimi görünürdüm və
rəqsi də bacarmadığıma, layiqincə partnyorluq, sirdaşlıq edə bilmədiyimə
görə özümə acığım tuturdu. Bir də fikir verdim ki, həm rəqs edənlərin,
həm də ətrafdakıların nəzərləri bizə, yox, yalan deyirəm, Nuridəyə
dikilmişdir. Rəqs, hərəkət onun gözəlliyini daha da artırmışdı, məftun
gözlər də bundan xəbər verirdi. Axı kəpənək də kolleksiya qutusuna
sancaqla taxıldıqda onun qanadlarının rəngləri elə al-əlvan görünmür,
uçduqda, pərvazlandıqda günəşin şəfəqləri altında təbiət tərəfindən
silahlandırıldığı rənglər cilvələnməyə, bərq vurmağa başlayır, sən qövs-
quzehi daha gözəl mütənasiblikdə və parlaqlıqda görürsən, rənglərin bir-
birini sadəcə əvəz etməsi deyil, tamamlaması kimi seyr edirsən, onların bir
cazibədarlıq yarışına girdikləri qənaətinə gəlirsən. Bu parıltı bəlkə də çox
davam etsə, adamın ağlını da əlindən ala bilər. İndi Nuridə bədən
sahibindən daha çox, qanadları ilə müqayisədə digər ölçüləri kiçik, daha
zərif görünən, pərvazlanan kəpənəyə bənzəyirdi və uzun müddət əcnəbi
Dostları ilə paylaş: |