66
Bino va inshootlarni joylashtirish plani
Bunday plan asosida qurilish uchastkasi xududidagi
barcha yangi loyihalangan
hamda saqlanib qolinadigan binolar va inshootlarning joylashgan o‘rni aniqlanadi.
Binolarni joyga bog‘lash uchun chizmada quriladigan qurilish geodezik to‘ri
planning barcha qismini qamrab olgan bo‘lishi kerak. Bun-day to‘rni tomonlari 10 sm
bo‘lgan kvadrat ko‘rinishida chiziladi. Ko-ordinata boshi listning pastki chap
burchagida belgilanadi. Qurilish geodezik to‘rining koordinatalariga qarab raqamlari
(0, 1, 2,… va h.k) va rus alfavitidagi harflar (gorizontal o‘qlarni A, vertikal o‘qlarni B
harfi) bilan belgilanadi.
Shunday qilib, 0A –
koordinata boshi, 1A, 2A, 3A –
gorizontal o‘qlar, 0B – koordinata boshi, 1B,2B, 3B – vertikal o‘qlar. Koordinata
o‘qlari orasidagi masofa 100m ga teng bo‘ladi. Chizma masshtabi 1:500 bo‘lganda
har 50 m da oraliq o‘qlar kiritilishi mumkin (masalan, 0A+50, 1A, 1A+50 va h.k.).
Loyihalanayotgan bino koordinatasi aniq biror ob’ektga bog‘lan-gan bo‘lsa,
qurilish geodezik to‘rini chizishga hojat qolmaydi.
Bino va inshootlarni joylashish planida bino
konturi tasvirida otmostka, kirish
qismidagi pandus yoki maydonchalar, tashqi zinalar ko‘rsatiladi. Kontur ichida ostki
tomonda o‘ng burchakda binoning bosh planda belgilangan nomeri, chap burchagida
– qavatlar soni to‘g‘risida ma’lumot yoziladi.
Bino konturining diagonal bo‘yicha ikkita qarama-qarshi burchaklarida
binoning
koordinatsiya o‘qlari kesishgan nuqtalar uchun qurilish koordinatalari beriladi (1.29-
chizma). Bunday koordinatalar murakkab konfiguratsiyali yoki kontur chiziqlari
qurilish geodezik to‘rning koordinata chiziqlariga parallel bo‘lmagan
binolar uchun
barcha burchaklarda berilishi kerak. Markaziy kompozitsiyali (masalan, plani ayla-
nasimon) bino va inshootlar uchun bunday koordinatalar bino markazi va
yana birorta
ahamiyatli nuqta uchun beriladi. Chiziqli inshootlar uchun o‘qining koordinatasi yoki
boshlang‘ich va oxirgi nuqtalarining koordinatasi berilishi mumkin.