64
epidermisda suv to‘planadi. Ba’zi o‘simliklarning ustida mum izlari ham bo‘ladi. Masalan,
olxo‘rining mevasida, chinnigulning mevasida, karam bargida. Mum izlari qalinligi 0,1 mm
gacha bo‘lishi mumkin. Janubiy Amerikadagi, Voskovaya palma deb atalgan o‘simlikda mum
izlari 5 mm qalinlikda bo‘ladi. Mum murakkab tuzilgan efir bo‘lib, 100
0
temperaturada eriydi.
Mum ham kutikulaga o‘xshash vazifasini bajarib turadi. Epidermisda teshikchalar bo‘ladi. Bu
teshikchalarni ustitsa (ba’zan og‘izchalar deb ham ataladi) deb yuritiladi. Epidermis bilan
qoplangan o‘simlik organlari ustitsa yordamida suvlarni bug‘latib turadi. Gaz almashish
protsessi ham ustitsalar yordamida bo‘ladi. Ustitsalar doimo ochilib ham yopilib turadi.
Ustitsalarning ochilib ham yopilib turishi sharoitga bog‘liq bo‘ladi. Ustitsalarning ikki
tomonida berkituvchi (qamrovchi - zamыkayushie kletki) hujayra bor. Bu hujayra xlorofil
donachalari bo‘ladi.
Xlorofil donachalarida fotosintez protsessi bo‘lib, shakar to‘planadi. SHakarlarga
to‘yingan hujayra o‘ziga suvni tortadi. Natijada bu hujayra TURGOR xolati ro‘y beradi. Ana
shu vaqtda ustitsalarning teshigi ochiladi. Aksincha xolatda ya’ni fotosintez protsessi
to‘xtagan vaqtda ustitsalarning hujayralari so‘liydi, ya’ni plazmoliz ro‘y beradi.
Bu xolatda esa ustitsalarning teshiklari yopiladi. Demak ustitsalar ham ochilib, ham
yopilib turadi. Ustitsalarning tagida xavo turadigan bo‘shliq joyi bor. Demak mana shu
ustitsalar orqali o‘simliklar nafas olib, oziqlanib va ortiqcha suvlarni parlantirib turadi.
O‘simliklarda xavo ustitsalardan tashqari suv chiqarib turadigan ustitsalar ham bo‘ladi. Bu
ustitsalar gidatoda lar deb ataladi. Gidatodalar hamma vaqt ochiq bo‘ladi. CHunki uning
hujayralari hamma vaqt turgor xolatda turadi. Suvni chiqarib turishi gutatsiya deb ataladi.
(gutta tomchi). Gidatodalar barglarning er ustki organlarida bo‘ladi. Masalan, poya, barg va
boshqalar. O‘simlik ildizida ustitsalar bo‘lmaydi. Ustitsalar o‘simliklarning yashash sharoitiga
qarab bargning pastki epidermisi 1 kv mm satxda 100-300 tagacha ustitsalar bo‘lishi mumkin.
Kungaboqar bargining 1 kv, mm satxida 200 tagacha ustitsa bor.
Epidermisdan har xil tuklar o‘sib chiqadi. (valoski, trixoma) Tuklar havoning harakatini
susaytiradi, shuning natijasida o‘simliklar suvni kam bug‘latadi. SHuningdek tuklar o‘simliklar
issiqdan va sovuqdan saqlab turadi. Ba’zan tuklar boshqa vazifalarni ham bajarib turadi.
Masalan, labguldoshlar oilasiga kiruvchi o‘simliklardan bezli tuklar efir moylarini ishlab
chiqaradi.
Qichitqi, chayono‘t (krapiva) deb atalgan o‘simliklarning tuklari zaxarli bo‘ladi. SHu
bilan bu tuklar o‘simlikni muhofaza qiladi. Ba’zi bir o‘simliklarda tuklar tikanga aylanib
ketgan bo‘ladi. Masalan, yantoq, chaqir tikanak va boshqalar. Jiyda daraxti bargidagi tuklar
yulduzsimon shaklda bo‘ladi. Bu tuklar ko‘p
hujayrali, o‘siq bo‘ladi.
SHuning uchun ham jiyda
bargi oqish bo‘lib ko‘rinadi. Ildiz tuklari orqali oziq moddalarni suvda erigan xolda shimadi.
Ildiz tuklari tirik bo‘ladi. Ular qisqa umrli efemerdir. 10-20 kungacha yashaydi. SHuning
uchun ham ularning soni nixoyat darajada ko‘p bo‘ladi. Tuklar ildizning shimuvchi satxini
kengaytirib turadi.
IKKILAMCHI QOPLOVCH I TO‘QIMA - PERIDERMA
Birlamchi qoplovchi to‘qima epidermisning o‘simlik tanasining o‘sishi ta’siri oqibatida
bo‘lina borishi va ko‘payishi xar xil o‘simliklarda xar xil kechadi. Ayrim o‘simliklarda
epidermis bir necha oy, hatto bir necha yilgacha yashasa, boshqa o‘simliklarda bir necha
haftadan bir necha oyga qadar davom etadi. Ikkilamchi qoplovchi to‘qima fellogen deb atalgan
tug‘diruvchi to‘qimadan hosil bo‘ladi. Ba’zi bir o‘simliklarda fellogen epidermis tagida
joylashgan hujayralardan tuzilgan bo‘ladi. Masalan, qayin, dub, chinor, zarang daraxtlari.
Ba’zan fellogen epidermis-ning o‘zidan ham hosil bo‘ladi. Masalan, olma, tol va boshqalar.