TÖVHİD – Allahın Qulları Üzərində Olan Haqqı 328
edərək yaxınlaşmaq deməkdir".
728
Allah: "Ey Muhəmməd! Allahı buraxıb,
yaratdıqlarına ibadət edən qömünün müşriklərinə de ki: “Ey qövmüm
başınıza bir bəla gəldikdə Allahı buraxıb Rəbb və İlah (övliya, seyyid, daş,
ağac) zənn etdiklərinizə yalvarırsınız? Gəlin baxaq görək sizdən bu zərəri dəf
edə biləcəklərmi. Siz onlara müqəddəs, ilah olaraq yalvarırsınız. Halbuki
onların buna gücləri çatmaz və əllərindən bir şey gəlməz. Buna ancaq onları və
sizi Yaradanın gücü çatar. Sizin yalvarıb-yaxardığınız o kimsələr özləri Allaha
yaxınlaşmaq, Onun rəhmətini, mərhəmətini, günahlarının bağılanmasını
qazanmaq üçün yol axtarırlar. Onlar qəbirlərində öz hallarını düşünürlər.
Gələn mələklərin suallarına nə cavab verəcəklərini düşünürlər, sizin onlara
yalvarıb-yaxarmanızdan isə xəbərsizdirlər; “Biz hər bir elçini, Allahın izni ilə,
ona məhz itaət edilsin deyə göndərdik. Əgər onlar özlərinə zülm etdikləri
zaman sənin yanına gəlib Allahdan bağışlanma diləsəydilər və Peyğəmbər də
onlar üçün bağışlanma diləsəydi, əlbəttə ki, Allahın tövbələri qəbul edən və
Rəhmli olduğunu görərdilər”. (ən-Nisa 64). Bu ayə Peyğəmbərin verdiyi
hökmdən uzaqlaşıb tağuta müraciət edən bəzi münafiqlər haqqında nazil
olmuşdur. Əgər onlar günahlarını etiraf edərək Peyğəmbərin yanına gələrək
tövbə edərlərsə, bu günahdan ötrü Allahdan bağışlanma diləyərlər,
Peyğəmbər də onlara şəfaətçi olaraq onlar üçün Allahdan bağışlanma
diləyərsə onların tövbələrini qəbul edəcəyini bəyan edir. Ayədə zaman
mənasına gələn "İz" kəliməsi keçmiş zamana dəlalət edir. Gələcəyə dəlalət
etməz. Allah "İzə" kəliməsini işlətmədi. Əksinə "İz" kəliməsini işlətdi. Bütün
bunlar da Peyğəmbər həyatda ikən baş vermişdir, ölümündən sonra yox.
729
"Halbuki sən onların arasında ola-ola Allah onlara əzab verən deyildir. (Tövbə
edib) bağışlanmalarını diləyərkən də Allah onlara əzab verməz". (əl-Ənfal 33).
Zəlalət əhli bu ayədən Peyğəmbərin həm həyatında, həm də ölümündən
sonra ümməti üçün istiğfar edəcəyini zənn etmişlər. Allah Peyğəmbərə
onların içində ikən və onların arasında onları Allaha ibadətə dəvət edərkən, o
topluluğa əsla əzab etməyəcəkdir. Çünki, Peyğəmbər onların içində olduğu
müddətdə ümməti üçün bir əmin-amanlıq sığortasıdır.
730
"Onlara Allah
tərəfindən əllərindəkini (Tövratı) təsdiq edən bir kitab (Quran) göndərildiyi
zaman onu qəbul etmədilər. Halbuki əvvəlcə kafirlərə qələbə çalmaq üçün
Allaha yalvarırdılar. Bildikləri (Peyğəmbər) gəldikdə isə ona inanmadılar.
Allah kafirlərə lənət eləsin". (əl-Bəqərə 89). Bir qrup insan bu ayənin təfsirində
İbn Abbas haqqında yalan uyduran bir ravinin dəlilini də gətirirlər. Bu
yalançının rəvayətinə görə Xeybər yəhudiləri Qatafanla döyüşlərində səhəri
728
Təbəri 4/226, 9/103-106, Alusi "Təfsiri Qurani Azim" 3/124, Şingiti "Advaul-Bəyan" 2/97-99, 3/598, İbn Kəsir
"Təfsir" 2/55.
729
Təbəri 4/ 157, Abdur-Rahmən əs-Səədi "Təfsir – ən-Nisa 64".
730
İbn Kəsir 2/ 319-320.
TÖVHİD – Allahın Qulları Üzərində Olan Haqqı 329
yola çıxarkən bu dua ilə Allaha yalvarırdılar: "Allahım! Axır zamanda bizə
göndərəcəyini vədd etdiyin ummi Peyğəmbər haqqı üçün səndən onlara qarşı
bizə zəfər nəsib etməyini istəyirik".
731
Osman ibn Hənif rəvayət edir ki, kor bir kimsə Peyğəmbərin yanına
gələrək: "Mənim üçün Allaha dua et! Mənə şəfa versin"- dedi. Peyğəmbər :
"Əgər istərsən dua edim, istərsən səbr et bu sənin üçün daha xeyirlidir"- deyə
buyurdu. Adam: "Allaha dua et!"- dedi. Peyğəmbər ona gözəl şəkildə
dəstəmaz alıb iki rükət namaz qılmasını və bu şəkildə dua etməsini əmr etdi:
"Allahım, mən Səndən istəyirəm və Sənin Peyğəmbərin, rəhmət Peyğəmbəri
Muhəmməd ilə Sənə yönəlirəm. Ey Muhəmməd! Bu ehtiyacım üçün Rəbbimə
səninlə yönəldim. Diləyimi yerinə yetir. Allahım, onu mənə şəfaətçi et!"- dedi.
Adam Peyğəmbərin dediklərini etdikdən sonra gözləri açıldı.
732
Bu hədisdə
bidət əhli üçün heç bir əsas yoxdur. Əksinə bu hədis elə onların özlərinə bir
dəlildir. Çünki, kor kişi Peyğəmbərin yanına onun üçün dua etməsinə görə
gəlmişdi və bilirdi ki, Peyğəmbərin duası dərhal qəbul olur və Peyğəmbər
də ona necə dua etməsini öyrədir. Bu duada da heç bir məqamı, haqqı ilə
sözləri də yoxdur. Həmçinin Peyğəmbər də sağ idi. Diri insandan dua
etməsini istədi. Peyğəmbər də ona daha böyük bir xeyrin verilməsini
diləyərək ona dəstəmaz alıb iki rükət namaz qılaraq özü üçün dua etməsini
əmr etdi. Bu əməllərin hər biri də Allaha yaxınlaşmaq üçün itaət yollarıdır.
Peyğəmbər kor kişiyə dua etməklə kifayətlənmədi, üstəlik onu Allaha itaətə
və yaxınlıq ifadə edən əməllərlə məşğul etdi. Əbu Səid əl-Xudri rəvayət edir
ki, Peyğəmbər buyurdu: "Kim namaz üçün evdən çıxarkən – Allahım!
Səndən istəyənin haqqı üçün istəyirəm. Mən təkəbbürlüklə və istəksiz
çıxmadım – şəkilində dua edərsə Allah onun duasını olduğu kimi qəbul
edər".
733
Peyğəmbər buyurdu: "Allahın adıyla Allaha iman etdim. Ona
arxalandım. Güc və qüvvət Allahdandır. Allahım! Sənə dua edən və bu çıxış
səbəbinin haqqı üçün, şübhəsiz ki, mən şəfaətsiz çıxmadım".
734
Əlinin anası
Fatimə bint Əsədi dünyasını dəyişdikdə Peyğəmbər onun qəbrinin yanına
gələrək: "Dirildən və öldürən də Allahdır. O, ölümsüz bir həyata sahibdir.
Anam Fatimə bint Əsədin günahlarını bağışla. Öz Peyğəmbərinin və məndən
əvvəlki Peyğəmbərlərin haqqı ilə onun qəbrini genişləndir. Sən rəhmlilərin ən
Rəhmlisisən".
735
Ömər rəvayət edir ki, Peyğəmbər buyurdu: "Adəm xəta
etdiyi zaman dedi: “Ey Rəbbim! Muhəmmədin haqqı üçün məni bağışla".
Allah: "Mən hələ onu yaratmamışam. Sən haradan bilirsən?"- deyə buyurdu.
731
İbn Kəsir "Təfsir", əl-Beyhəqi "Dəlailun-Nubuvvə" 2/ 76, əl-Hakim "Mustədrək" 2/ 263 zəif hədis.
732
Əhməd 4/ 138, ət-Tirmizi 3831, əl-Albani "Səhih ət-Tirmizi" 3/ 172, "Səhih İbn Məcə" 1/ 231.
733
Əhməd 3/ 21, əl-Albani “Zəif” hədis 24.
734
əl-Albani “Zəif” hədis.
735
əl-Albani zəif hədis.
Dostları ilə paylaş: |