Tuxum va tvarogdan taomlar tayyorlash texnalogiyasi Mundarija

Qovurilgan va yopilgan tuxumli taomlar

Qovurilgan tuxum taomlariga sarig‘i qotirmay qo­vurilgan tuxum, quimoqlar kiradi. Ularni tayyorlashda asosiy usulda qovurishdan foydalaniladi. Bu usulda qovurishda harorat 140—160°S bо‘ladi. Tuxumni yana 180°S li darajadagi kо‘p yog‘da qovurish ham mum­kin. Kо‘p tayyorlanadigan qovurilgan tuxum taomlariga sarig‘i qotirmay qovurilgan tuxum taomi kiradi. Bu taom sof holda yoki garnir bilan tayyorlanib tarqatiladi.

Sof holda sarig‘I qotirilmay qovurilgan tuxum. Porsion tova yoki maxsus tuxum qovurishga mо‘ljallangan tovaga sariyog‘ solinib, eritilib, bir oz qizdi­riladi va ehtiyotlik bilan chaqilgan tuxum solinib (sarig‘i butun holda bо‘lishi lozim), tuxum oqiga tuz sepib, quyuqlashguncha 2—3 daqiqa davomida qovurilib iste’molga tayyor holga keltiriladi. Tuxum qovurish uchun yana katta tovalar, chuqur temir tovalardan ham foydalanish mumkin. Bunda tuxum sarig‘i oz sezilarli darajagacha quyuqlashgan bо‘lishi kerak. Agar tuz tuxum sarig‘iga sepilsa tuxum sarig‘I ustida dog‘lar hosil bо‘lishi mumkin. Tuxumni qovurish jarayonida shishib qoladigan holatlardan saqlash uchun tuzning bir qismini yog‘ga svlinadi. Tuxum sarig‘iga bir oz murch sepish mumkin.
Tarqatishda tayyorlangan porsiyali tovada yoki li­kobchaga solib ustidan sariyog‘ qо‘yib, kо‘kat sepib beri­ladi. Ular alohida taom sifatida, issiq gazak sifatida yoki gо‘sht taomlariga qо‘shimcha sifatida (tuxumli bifshteks yoki tuxumli antrekot), buterbrod sifatida beriladi.
Sarig‘i qotirilmay qovurilgan tuxum garnir bilan. Qovurilgan tuxum uchun har xil garnir — kolbasa, so­siska, sardelka, dudlangan chо‘chqa gо‘shtlari, chо‘chqa yog‘i, qora non, kо‘k piyoz, qovoqcha, kartoshka, kо‘k ' loviya, qо‘ziqorin, kо‘k nо‘xat, pomidorlar ishlatiladi.
Gо‘sht mahsulotlari kubik, tilim-tilim, somoncha yoki parrak-parrak shaklida tо‘g‘ralib porsiyali tovada qovuriladi. Kо‘k loviya pishiriladi, konservalangan kо‘k nо‘xat isitiladi va eritilgan sariyog‘ bilan ara­lashtiriladi. Qovoqcha, baqlajon, xom yoki pishirilgan kartoshka tilim-tilim shaklda tо‘g‘raladi, pomidor esa parrak-parrak shaklida tо‘g‘rab, qovuriladi. Qora non qobig‘i tozalanib kubik yoki tilim-tilim shaklda kesilib, qovuriladi. Tayyorlangan garnir yog‘ solingan porsiyali tovaga solinib, ustidan chaqilgan tuxumni-sarig‘i butun holda qilib solinib tuxum oqi quyuqlashguncha qovuriladi va tuxum oqiga tuz sepib iste’molga tayyor holga keltiriladi. Tarqatishda likobchaga solib kо‘kat sepib beriladi. Agar pomidor bilan tayyorlana­digan bо‘lsa, qovurilgan tuxum ustidan, qovurilgan pomidor qо‘yib berilishi ham mumkin.