47
rada çox olduğunu görüb porsuq ovlamağa girişdilər. Bundan sonra Bityuq yurdu
Bobrovıy Yurt adlandırmağa başladılar
93
.
1684-cü ildə Bityuq çayı boyu bu torpaqlar Troitsk monastırına verildi.
Monastır çay boyu sahilləri ərazicə bölüb 12 yurd saldı. Bityuq yurd (Bobrov yurd)
dərin bir dərə ilə (dərə mənasında rusca türk sözü "ovraq"la yanaşı başqa bir türk
sözü "baerak, bayrak" işlənir) sərhədlənirdi.
Zəngin və bərəkətli Bityuq ərazisi 1685-ci ildə İvan Jolobovun
ekspedisiyası tərəfindən təsvir olundu. Azov səfərini qalibiyyətlə başa vuran I
Pyotr 1699-cu ildə Bityuq çayı üzərinə saray kəndlilərinin köçürülməsi barədə
fərman verir. Gələn yeni sakinlər bu təzə yerdə xəstələnib qırılarsa da və geri
dönürlərsə də Pyotr nəyin bahasına olur olsun Bityuq vadisini ruslarla
məskunlaşdırmaqdan vaz keçmir. Kostroma, Suzdal-Vladimir qəzalarından bura
kəndlilər köçürür. Köçürülənlər Bityuq yurta üstünlük verirdilər. Eləcə də Purut
döyüşündə məğlub olan Pyotr Azovu türklərə geri verərkən imkan tapıb Azovda
yerləşdirdiyi rus əhalisini oradan Bityuqa köçürür. Bityuq yurt (Bobrov) hərb
şəhəri sayılmağa başlayır.
Həm çay, həm də yaşayış məntəqəsinin adı olan türk sözü Bityuq rus
dilindəki saysız-hesabsız türk sözlərindən biridir. Bu dildə Bityuq "at cinslərindən
birinin, əsasən yük atının adıdır”
94
. Leksikoqraf V.Nikonov da Radlov lüğətinə
əsaslanaraq "dəvə" mənası bildirən bu sözü türk (qədim caqatay) sözü kimi qəbul
edir
95
.
Beləliklə çox ehtimal ki, həm də öz əlavə mənasında "sağlam, güclü"
çalarlarına da malik olan türk sözü bitük çayın adında məhz həmin mənası ilə ifadə
olunmuşdur. V.Dal da Voronej vilayətindəki çayın adının "güclü, coşqun"
mənasında işlənən bitük sözündən yarandığının göstərir
96
.
BALABAN, BALVANSKİY QORODOK.
NİKULİTSİN
1374-cü ildə Novqorod uşkuynikləri (qarovulçu, əslində soyğunçu
gəmiləri) 1000-dən artıq döyüşçü Vyatka çayına enib, oradan Kamaya, Kamadan
da Volqa çayına keçib aşağılara üz tuturlar. Qızıl Orda xanlarının zəngin
iqamətgahlarını hədəf seçən bu talançılar, (onların çoxavarlı quldur gəmiləri
93
Города Воронежской области, Воронеж, 1978 с 37
94
Фасмер Макс. Этимологический словарь русского языка, I т., М., Прогресс, 1986.
95
Никонов. В. Краткий топономический словарь М 1966 с 56
96
Вах: Шипова Е. Н. Словарь тюркизмов в русском языке, Алма-Ата, Наука, 1976, с. 82
48
uşkuynik adlanırdı) çay üstündəki abad tatar şəhərlərini yağmaya keçdilər. Çuvaş
və mari yaşayış məntəqələrini talayıb bütün Vyatka boyunu ələ keçirdilər. Özlərinə
yeni torpaq, hazır məskən arayan və böyük gücə malik ruslar bu şəhərlərdə
məskunlaşırdılar
97
. Ruslar həmin ildəcə (1374) Vytaka çayı sahilindəki qədim
Balvan şəhərini zəbt etmiş, əvvəl Bolvanskiy Qorodok desələr də, sonra onu
Nikulitsın adlandırdılar. Türk dillərində balban (bolvan) pəhləvan "igid, güclü
şəxs" mənalarını bildirmiş, nəhayət müasir türk dillərində, о cümlədən qazax,
özbək dillərində palvan, balvan, "güləşçi, pəhləvan" mənalarını ifadə etməkdədir.
N.Baskakov "İqor alayı haqqında dastan"ın türk leksikası" əsərində işlənən türk
sözləri içərisində mifik obraz adı olaraq bolvan (Tmu Tarkan bolvanı) kəliməsini
də göstərir. Bu sözü türk xalqlarının dilində işlənən balvan, palvam, polvon "güclü
adam, pəhləvan" sözü ilə bağlayır
98
. Türk dillərində böyük ov şahini balaban
adlanır. Müasir türk dillərindən isə yalnız Kırım tatarlarında və türkcə balaban
"böyük" mənasında saxlanılmaqdadır
99
.
Bolvanlar və ya Daş heykəllər (kamennıye babı) – insanabənzər statuylara
Cənubi Rus torpaqlarında, Qalisiyada, Prussiya əyalətlərində, Sibir, Orta Asiya,
müasir Monqolustan ərazilərində rast gəlinir. Daş heykəlləri və ya bolvanları ilk
təsvir edən Avropalı Rubrukoviç (XIII əsr) olub. О göstərirdi ki, bu daş heykəllər,
komanlar (poloveslər) ölkəsində kurqanlar üzərində qurulmuşdur.
XVII əsrə aid olan "Çertyojlar Kitabı"nda isə göstərilirdi ki, bu heykəllər
yolları, sərhədləri göstərən işarələr olmuşdur. Sonralar kiçik bolvanları elçilər
özlərilə səlahiyyət nişanəsi olaraq gəzdirirdilər. Bu xanın obrazı (şəkli) idi. Tarixi
Moskvada Bolvanovka yer adı olmuşdu. Karamzinin yazdığına görə bu meydanda
Orda səfirləri qəbul edilirdi. Rus knyazları Kremldən çıxıb piyada burayadək
gəlirdilər. Səfirlər əllərində basma "xan möhürü" və xan bolvanı "xanın obrazı,
heykəlciyi" tuturdular. Xandan gələn fərman oxunduğu zaman knyazların ayağı
altına sovol döşəyir, onlar dizləri üstə xəzlərin üstünə düşür, fərmanı dinləyirdilər.
İndi də о tarixi yer Bolvanovka adlanır. Sonralar rus çariçəsi olan Bizans şahzadəsi
Sofiyanın iradəsincə çar 1485-ci ildə həmin Bolvanovkada Spas Preobrajeniye
kilsəsini tikdirdi.
100
Bu abidə Sovet quruluşu illərində 1930-cu ildə söküldü.
Hazırda Xarkov, Odessa, Novoçerkassk şəhərlərində Qıpçaq çöllərindən
toplanıb gətirilmiş nəhəng daş heykəllər saxlanılır. Vaxtilə Moskva İmperatorluq
muzeyinin salonlarında, eləcə də həyətində 30 belə heykəl var idi. Ruslar belə
azman insan fiquruna "Kamen bolvan", "Kamen Devka", "Kamen çelovek"
deyirdilər.
97
История города Кирова, Киров, 1974, с.11.
98
Баскаков Н.Л. Тюркская лексика в «Слове о полку Игореве», М.,1985, с.29.
99
Д.С.Сетаров. Тюркизмы в руском названиях птицы - Советская тюркология, 1970,
№2, C.90
100
Карамзин Н.М. История Государства Российского, т. 6. с. 439.
Dostları ilə paylaş: |