52
Uspenski kilsəsi bu möhtəşəm viranələr fonunda edam payası kimi göyə millənirdi.
Qəbiristanlıqdakı məscidin minarəsi isə günümüzədək salamat
qalmaqdadır. Yeni salınan kənd 1781-1935-ci illər arası Spassk Tatarskiy, indiki
adı (kilsə adı olduğuna görə Sovet illərində dəyişdirildi) 1935-ci ildən Kuybışevdir.
Smolnikov kitabında məscidin şəklini vermiş, buradakı uçuq divarlar və salamat
qalmış bir-iki hücrə onun bir zamankı əzəmətini çatdırmaqdadır. Ruslarla
məskunlaşdırılan məntəqə 1781-ci ildə böyüyüb yeni şəhərə çevrilmişdir. Məşhur
saray şairi və əyanı Derjavin vaxtilə ilk tədqiqlərini Bulqar şəhərinin tarixinə həsr
etmişdir. Çox maraqlıdır ki, Şərqdə hələ XII əsrdə ixtira olunmuş tüfəng rus
salnamələrində
109
"tyufık" kimi qeyd olunmaqla 1376-cı ildə ilk dəfə olaraq adı
Bulqar şəhərinin müdafiəsində çəkilir. Bir metrlik lülədən ibarət olan və daş qəlpə,
qırmalarla atəş açdığı göstərilir. Bulqar şəhərinə hücum edən ruslar bu döyüşdə i l k
dəfə gördükləri bu silahı "Qrom puşaxu" ifadəsiylə təsvir etmişlər. Buradan da bu
yeni silah puşka adı ilə Rusa daxil oldu.
BURYAD. İNDİ BRATSK
Buryad - ərazisi möhtəşəm Hun imperiyası hüdudlarına daxil olan qədim
diyar, müasir İrkutsk vilayətində şəhər. XVII əsrin əvvəllərindən başlayaraq bura
i lk rus, kazak bölükləri ayaq basır. 1629-cu ildə Yenisey Voevodası Yakov
Xripunov 30 gəmi ilə Anqara ilə gedib Oka çayının ağzına yetişdi. Qızıl Yarı
(sonralar rus qalası Krosnayarsk) istila edib möhkəmləndirən Xripunovun iştahı
böyük idi. О burada Oka buryadlarından görünməmiş həyasızlıqla elə yasaq tələb
etdi ki, özlüyündə xeyirxah, səmimi adamlar olan buryadların səbri tükənir. Onlar
bu çağırılmamış qonaqlara silahlı müqavimət göstərirlər. Lakin ataman Perfilyev
ehtiyatlı hərəkət edir; 1631-ci ildə sakitcə gəlib Anqaranın sol sahilində ağacdan
möhkəm qalaça tikdirir. Tezliklə buryadlar bir "gecə-qondu" kimi gizlincə və qısa
zamanda əlüstü tikilən rus qalasını görüb həyəcana gəldilər. Oka boyu xanları
silahlı hücuma keçib rus bölüklərini darmadağın edib qalanı da yandırdılar.
Get-gedə Anqara və Oka çaylarının sahillərini ələ keçirən ataman
Firsovun başçılığı altında rus və kazak birlikləri 1654-cü ildə Anqara və Okanın sol
sahilindəki qədim buryad, daha doğrusu, Buryaday kəndində hərbi qala tikdilər; bu
qala rusca Bratsk adlanmağa başladı
110
. Qala Anqara boyu azad, çölçü xalqın əl-
ayağını çar hökümətinin tətbiq etdiyi ağır vergilərlə-əmtəə ilə ödəniləcək
məhsuldan ibarət töyücü ilə bağlamaq məqsədilə salınmışdı. Burada yerli
xalqlardan: Buryad, Oyrot və tatarlardan "yasak" qəbul edilən məntəqə təşkil
109
Карамзин Н.М. История Государства Российского т. 6. М., Рипол-классик, с. 432
110
Мелхеев M. H. Географические названия Восточной Сибирии, 1969, с.27
53
edilmişdi. 1675-ci ilin yayında Çinə gedən rus diplomatı Nikolay Spafari Bratskda
(Buryadda) 20 yaşayış evi və provoslav kilsəsi olduğunu yazır
111
. Çar hökuməti
dövlətin on təhlükəli düşməni saydığı məhbusunu bura katorqaya göndərirdi. 1658-
ci ildə Balaqan çölündə Buryadların rus müstəmləkə zülmünə qarşı üsyanı başladı.
Lakin çox keçmir ki, Sibirin istilası geniş iri miqyaslı tədbirlərlə gerçəkləşir.
Buryadın istilasından az sonra 1661-ci il iyulun 6-da "İrkut çayı üstündə, Uşak ça-
yının ağzında qala tikirəm" deyə rus qulluq adamı olan Poxabov Yenisey
voevodasına məlumat verirdi. Yeni gələn ruslar şəhəri yanlış olaraq Bratsk
adlandırmaqda idilər. "Lakin о zaman qardaşlıq haqqında heç kim, о cümlədən
ruslar da düşünmürdülər deyə" Lev Uspenski bu barədə istehza ilə yazırdı
112
. İndi
bu şəhər güclü Bratsk hidroelektrik stansiyası ilə (1961) məşhurdur.
BÜRÜXAN. BÜRÜXANOVO. İNDİ: PERM
Hazırda Perm (əski Bürüxan) Kama çayı üzərində iri sənaye şəhəridir.
Kama çayına tatarlar Ak İdil deyirdilər. Rus salnamələrində Kama adına 1220-ci
ildə rast gəlinir. Ruslar Kamaya (bu çay Volqanın əsas qoludur) yiyələnməkdə
çətinlik çəkirdi. Noqaylar, kalmıklar, başqurdlar rusların aramsız hücumlarına
mətanətlə sinə gərirdilər. Lakin ruslar irəlilədikcə hərb qalaları tikir və bu hərbi
məskənlər "ostorojki", eləcə də "qorodki" (bu qədim rus sözləri "hasarlanmış,
yonulmuş tirlərdən çəkilmiş qala" mənasını ifadə edirdi) adlanırdı və rusların
dayaq məntəqələrinə çevrilirdi.
Tatarların lap ulu əcdadları hələ qədimdən Bürüxan, indiki Perm
vilayətinin sakinləri olmuşlar. Bəzi mülahizələrə görə Bürüxan şəhərinin adı bürü-
börü "qurd”+xan=Bürüxan şəxs adından yaranmışdır. О da qeyd olunmalıdır ki,
Bürüxan Sibir xalqlarında həm də "tapınma büt, sənəm, ilahi, pir" adıdır. Bu
heykəllər müqəddəs ruhların obrazları idi. Adətən misdən, gümüşdən tökülürdü
113
.
Bürüxan (Perm) tatarları öz etnik mənşələri etibarı ilə Kunqur tatarlarıdır.
Onlar Kazan tatarlarının etnik qolu sayılırlar. Kunqur tatarları indiki Perm,
Yekaterinburq vilayətlərinin əsl yerli sakinləri olmuşlar. Həm də Orta
Volqaboyunda tatarların bir hissəsi də zorla xristianlaşmadan qaçaraq XVI əsrdən
başlayaraq buraya köçməyə məcbur olmuşlar.
1472-ci ildə Bürüxan-Perm fəth edildi, deyə Karamzin yazır. Çar İvan Qroznı
111
Рудых В. М. Город Братск, Иркутск, 1972, с. 18.
112
Лев Успенский. Слова о словах. Имя дома твоего, с.531-532
113
Древнетюркский Словарь, Лен.,1969, с.127; Шилова Е. Н. Словарь тюркизмов в
русском языке, Алма-Ата, Наука, 1976, с.101
Dostları ilə paylaş: |