38
İndi şəhər yaxınlığında "Batal paşa gölləri" adında torpağın əsil adı
saxlanılır. Qəhrəmanın adı da həmişə tarixlərdə sərəsgər Batal paşa kimi anılır.
BATUM
Bu gün Gürcüstanın liman şəhəri Batum Türkiyə sərhədlərinin
yaxınlığında yerləşir. Acarıstanın paytaxtıdır; vaxtilə Acarıstan və ya Acara
Gürcüstanın qərbində kiçik bir ölkə idi. Müsəlman acarların vətəni olan Acarıstan
qərbində Acara dağları, cənubunda Savsar və Arseyan dağları ilə Türkiyə, şərqində
Suram dağları və Ahıska vilayəti ilə həmsərhəddir. Qafqazın ən isti yeridir. Qara
dəniz sahillərində bu yer subtropik nəm iqlimə malikdir; maydan oktyabradək
çimərlik mövsümüdür. Batum altında ən səfalı yaylaq yerləri mövcuddur.
Laz bəyliyinin ixtiyarında olan Batum IX əsrdən Osmanlılar tərəfindən
alınır; Qanuni Sultan Süleyman dövründə Trabzon əyalətinə bağlı bir sancağ olaraq
təşkilatlandı. XVIII əsrin başlanğıcında Batum qalasının qorunmasını orada 200-
300 nəfərlik yeniçəri saxlanılırdı. Sultan Əbdüləziz dövründə Batumda Əziziyyə
adlı bir cami inşa edilmişdi
72
.
Malov qədim yazılı abidələrdə "batum" sözünün dərinlik mənasında (ölçü
bildirən söz kimi) işləndiyini (sünük batumu, süngü batumu) göstərir
73
. Batum XI
əsrdən möhkəm qala kimi məlumdur.
Gürcüstanın Rusiyaya ilhaq edilməsilə (1801) çarizmin bura maraqları
güclənir. 1875-1878-ci illər Rus-Türk müharibəsi nəticəsində isə Rusiya
Türkiyənin Bessarabiya, Kırım, Şimali-Qərbi Qafqaz, Qafqazın Qara dəniz
sahilləri, indiki Cənubi-Qərbi Gürcüstan, Cənubi Ukrayna torpaqlarına yiyələnir.
1877-ci ilin yayında türklərin Batum qalası işğal olunur. Şahzadə böyük knyaz
Konstantin Romanov (1853-1915) Batumun işğalından sonra da ondan bir türk
şəhəri kimi danışır və 1879-cu ilə aid yol qeydlərində yazır: qarşımızda dağlıq
sahillər göründü. Dağın ətəyində bir neçə məscidi ilə nəzərlərimizi cəlb edən kiçik
bir şəhər yerləşir. Bu Batum buxtasının ucunda yerləşən, ortasında mayak ucalan
türk qalası Batumdur. İndi artıq şəhərdə türklərlə yanaşı yunanlar və ermənilər də
yaşayır. Dağlarda, müəyyən qədər də olsa şəhərdə kabuletilər, acarlar, lazlar və
quriyalılar məskunlaşmışlar
74
. Batum San-Stefano və Berlin müqavilələri üzrə
Qars, Ərdəhan vilayətlərilə birlikdə Rusiyaya verilmiş, Brest-Litovsk andlaşmasına
72
Bax: İslam Ansiklopedisi, 5 c, s.210
73
Малов С.Е. Памятники древнетюркской пиcмeнности, М-Л., 1951.С.369.
74
Загадка К.Р. (Из дневников Великого князя К.К. Романова) - «Москва», 1994, №:1
с.134-183.
39
görə təkrar Türkiyəyə qaytarılmışdır.
I
Dünya müharibəsinin gedişində rus ordusu Anadolu-Qafqaz
cəbhələrindən çəkilməyə başladı. Lakin geri çəkilən rus qoşunu öz silahını
bölgədəki ermənilərə verməsilə bu ərazilərin yerli müsəlmanlarna qarşı zülm
başlandı. Brest-Litovsk sülh danışıqları başlayarkən Türkiyə 1877-1878-ci illər
Osmanlı-Rus müharibəsində itirdiyi üç tarixi vilayəti: Qars, Ərdəhan, Batumu geri
tələb etdi. 1918-ci ilin fevralında cana doyan III Osmanlı ordusu komandanı Vəhbi
paşa Ənvər paşadan aldığı əmrə əsasən hərəkətə keçdi; Osmanlının əldən verdiyi
şəhərləri-Qarsı, Ərdəhanı, aprelin 10-da isə Batumu azad etdi. 16 mart 1921-ci ildə
imzalanan Moskva müqaviləsinə görə Batum yenidən Gürcüstana verilmişdir.
1883-cü ildə Bakı-Batum dəmiryolu çəkilir. 1890-cı ildə Suram tuneli
çəkilməsilə iri limana çevrilən Batum limanı vasitəsilə Rusiya Avropa bazarlarını
kerosinlə təmin etməyə başladı. 1900-cü ildə Bakı-Batum neft kəməri (895 km.)
tikintisi başa çatdı.
Neftin nəqli üçün Bakıdan bura neft kəməri çəkilişindən sonra Batum iri
liman şəhərinə çevrilmişdi. Sovet dövrünə qədər şəhərin adı Batum olmuş, tarixi,
bədii əsərlərdə də beləcə saxlanılmışdır.
Acarıstanda da Xalvaçauri rayonu ərazisində daha bir Orta Batum kəndi
olmuş, 1948-ci ildə adı dəyişdirilərək gürcücə Tsinsvala qoyulmuşdur.
BATI. BATAYSK
Rostovdan cənuba doğru, ondan 11 km. məsafədə yerləşir. İndi Rostov-
Donun vilayət şəhəri və iri dəmiryol qovşağı olan bu şəhərin adı Qızıl Orda
imperiyası dövrü ilə səsləşir. Burada Batı xanın (öld.1255) qərargahı
yerləşdiyindən məntəqə də Batı (yerli tələffüzdə Bata) adlanmışdır. Həm də onu
nəzərə almaq lazımdır ki, 1743-cü ildə tərtib olunmuş məxfi hərbi xəritədə Rusiya
ilə Osmanlı dövləti arasında Azov ətrafı yerlərin sərhədləri qeyd olunarkən müasir
Bataysk şəhərinin yerindəki məntəqə Batı Çeqrak "Batı Suyu" (quyu, su mənbəyi)
deyə qeyd olunmuşdur
75
. (Qeyd: xəritədə adlar həm rusca həm də türkcə
yazılmışdır) Bu suat (suüstü yer) noqay və tatarların köçəri güzəranında çox
istifadə etdikləri mühüm bir düşərgə idi.
XVIII əsrin ortalarında Temerik çayı ağzında payız yarmarkası təşkil
olunurdu. Yarmarka gur və izdihamlı keçirdi; onu qorumaq üçün xüsusi kazak
bölükləri qarovula cəlb edilirdi. Kuban, Sal çöllərindən noqaylar bura mal-qara
sürüb gətirirdilər.Onlar Batı Sudan keçib gəlirdilər.
Batı (Batay) torpaqlarına rusların gəlmə tarixi Pyotrun Azov səfərilə
75
В. И. Грачев, Н. И. Решетняк. Батайск, Ростов-на-Дону, 1981. с. 7
Dostları ilə paylaş: |