34
Oğlu Boris Konstantinoviç zamanı isə rus kəndləri Volqa sahilləri ilə Sura çayına
qədər yayıldılar; çuvaşlar, mordvalılar ruslarla bərabər Sura çayının sahillərində
qarışıq yaşamağa başladılar. Böyük Moskva knyazı III İvan 1479-cu ildə Nijni
Novqorodlulardan təşkil olunmuş qoşunu buraya səfərbər etdi. Birbaşa Roma
papasının tövsiyyəsi ilə sonuncu Bizans şəhzadəsi ilə evlənən III İvan tezliklə
tatar-türk əsilzadələrinə münasibətini sərtləşdirdi; onların xristianlığa keçməsi
sürətləndirildi. 1478-ci ildə indiyədək müstəqilliyini saxlamış Böyük Novqorodu
zəbt edib onun əhalisini bu ərazilərə, o cümlədən Balaxnaya köçürdü.
Şəhərdəki Nikol kilsəsi İvan Qroznının əmri ilə Kazanın alınması
münasibətilə tikilmişdi (1552). O, Kazan üzərinə gedərkən burada dayanıb düşərgə
salmışdı. Balaxnanın istilasından təxminən 100 il sonra çar İvan Vasilyeviç (İvan
Qroznı - o rus tarixində ilk "çar" titulu daşıyan hökmdardır; rus ölkəsində məhz
onun zamanmda Rossiya adlandırılmağa başladı) 1579-cu ildə Balaxnanın gəlirini türk
əslindən dönüb yenicə xristianlığı qəbul edən Q.Tevyaşova bağışladı. Tevyaşovlar
bu böyük ənamdan əvvəl də zəngin ticarət şəhəri Surojda tacirlik edirdilər
61
. XVI
əsrin I yarısında Balaxnada duz çıxartma işi çiçəklənir. Lakin çox keçmir ki, tənəzzülə
uğrayır.
I Pyotrun dənizlərə üz tutması ilə bağlı olaraq şəhərdə gəmiqayırma işi
tərəqqiyə başlayır. 1695-ci ildə burada I Pyotrun Azov yürüşü üçün gəmilərin ağac
qabırğaları hazırlanırdı. Bir qayda olaraq şəhərin adını türk dillərindən alınmış (əsli
fars) Balaxanı və Balaqan sözünün yüksəklik, üst tikintisi olmaqla "barak, çardaq,
ambar, saray, emalatxana təyinatli müvəqqəti tikili" mənasını qeyd edirlər
62
.
Bu halda onu hündür tikili, üst tikili, ev, yaşayış məskəni (kənd, oba)
mənasını ifadə edən söz kimi də qəbul etmək mümkündür. Türkmənistanda (Uzun
Adada) Balxanı dağları adının, eləcə də Balkan adının yüksəklik mənası ifadə etdiyi
nəzərə alınmalıdır.
Balaxna "Rusiyanın ilk vətəndaşı" kimi fəxri ada layiq görülən Mininin
vətənidir. Onun əcdadı Orda əsilzadələri hesab olunur. Böyük ədib Maksim
Qorkinin də anası kökü və soyu etibarı ilə Balaxnaya məxsusdurlar.
BALAKLAVA
Vaxtilə müstəqil məntəqə olan Balaklava indi müasir Sevastopol şəhərinə
daxil olan rayondur. (1957). Balaklava dərin və dar boğazı andıran buxta üzərində
yerləşir. 1357-ci ildə Balaklavanı genuyalılar tutmuşsa da 1475-dən türklərin
hakimiyyətində olmuşdur. Antik müəlliflər (Ptolomey, Strabon), Balaklavanı Sim-
61
Источниковедение иследования по истории Кубани, Кроснадар, 1975, с. 182-187
62
Владимир Даль. Толковый словарь т.1. М., 1955, с. 41
35
bolon adlandırmışdılar. Odur ki, Kırıma sahib olan çarizm Balaklava şəhərinin
adını Cembalo qoymuşdur. Lakin şəhər öz adıyla yaşamaqda və Axtiyara (müasir
Sevastopol) birləşməkdədir. Qədim türk dilində balik, baluk şəhər deməkdir
63
.
Baskakov bu qədim türk sözünün balık "şəhər", balıkçi "qubernator, vali" mənası
daşıdığını göstərir
64
. Balaklava kimi digər balık adlı yer adlarının mövcudluğu
göstərir ki, bu vahidlər qədim türk dillərində "sığınacaq, düşərgə, şəhər, qala"
mənasını bildirən balık sözündən yaranmışdır. Azərbaycanda Balık (İsmayıllı r.),
Qara Balıq (Tovuz r.) Özbəkistanda Balıqçı, Türkiyədə Balıkhisar və s. faktlara
rast gəlinməkdədir. Ermənistan ərazilərindəki türk toponimləri içərisində Balık,
Balıklı, Quşçu Balık adları da olmuşdur. Habelə Balakleyka çayı (şimali Donetskin
qolu) və üzərində Balakleya qalası Saratov vilayətində Balakovo şəhəri adları
həmin qədim mənanın təzahürləridir. Müasir dil üçün arxaikləşmiş, lakin əsl türk
adlarının tərkibində öz qədim ilkin mənasını və şəklini saxlamış belə sözlərə
nəzərən demək mümkündür ki, bu faktlar dilimizin qədim, hətta yazıya qədərki
dövrün bitgin, leksik mənzərəsinin bərpa edilərək öyrənilməsi işində lazımlı
mənbələrdir.
Balaklava qalasından Övliya Çələbi "canqurtaran liman Balıklava qalası"
deyə bəhs edir və qalanın təbii təsvirini verməklə bu günlərin oxucusuna da lazımi
mənzərəni yetirə bilir: "Tatarlar bura balığı çox olduğu üçün Balıklağı kirman
deyərlər. Qala yalçın, qırmızı rəngli qayalar üzərində yüksəlmiş üç girişli bir
qurğudur. Bəzi yeri dənizdən təpəsinədək 500 mimar arşını ucalığındadır. Qaladan
dənizə baxıldıqda gəmilər milçək kimi görünürlər." Ardınca qalanın Bəyazidin
dövründə təmir edilib möhkəmləndirildiyini qeyd edərək Balıklava qalasının
təsvirinə girişən səyyah özünəməxsus canlı və eyni zamanda şirin bir tərzdə qalanı
müfəssəl təsvir edir: qüllələri əsl sənət əsəridir və üç qatlı divarları dolama
dolamadır. Qapılardan və xəndəklərdən bir-birinə keçilir. Bu qalaya hər hansı bir
tərəfdən keçib zəfər bulmaq mümkün deyil. О yalnız quşatma ilə alına bilər
65
.
Balaklava qalasından aşağıda limanda iki-üç qatlı evləri olan iki məhəlləli qəsəbə
vardır. Gömrük də bu limandadır. "Su başı (su~sü "qoşun"; subaşı burada rəis hərbi
qubernator deməkdir - M.T.) Mehmet paşa limanı idarə edir, deyə Övliya Ata bu
qiymətli məlumatı təfsilatı ilə tamamlayır.
Həlledici coğrafi üstünlükləri səbəbindən Kırım müharibeəsi gedişində
Balaklava döyüşü baş vermişdi.
63
Малов C.H. Памятники древнетюркской писменности, М- Л, 1951, с.368
64
Баскаков Н.А. Тюркская лексика в «Слове о полку Игореве», М., 1985, с.40
65
Övliya Çelebi. Sеyahetnamesi. İstanbul, Üç Dal, 1966, VII c. s.371
Dostları ilə paylaş: |