25
istila olunmuş ərazilərdə, o cümlədən Arzamas qəzasında torpaqlarla
mükafatlandırırdı.
Məhz Kazan xanlığının istila olunub məhv edildiyi vaxtdan dərhal sonra,
bu torpaqlara ruslar köçürüldü və yerli əhalinin xristianlaşdırılmasına başlanıldı
40
.
(Qeyd: İvan Qroznı Arzamas qalasını Kazan üzərinə üçüncü yürüşündə ələ
keçirmişdi)
Arzamas artıq 1578-ci ildən rus şəhəri sayılmaqdadır; şəhəri dağıdılmış
mordva-erza qalasının yerində salırdılar, o hələlik Moskva knyazlığının son
hüdudunda dayanırdı. Bununla XVI əsrdə Bryansk-Tula-Arzamas xətti Moskva
Rus dövlətinin sərhəddini təşkil edirdi.
1743-cü ildə tatarların, mordvalıların, marilərin, çuvaşların zorla
xristianlaşdırmaya qarşı üsyanları başlandı. Missioner yepiskop D.Seçenevin
tatarları xaçlama zamanı tətbiq etdiyi qəddarlıqlar əhalinin səbr kasasını doldurub
daşıran damla oldu. Yerli xalqların gözləri önündə qəbiristanlıqları sökülür,
məscidlər dağıdılır, onların inanc yerləri, pirlər və s. Müqəddəs tapınma ocaqları
murdarlanıb xaraba qoyulur, bununla bərabər müsəlmanların etiraz tədbirlərinə
qarşı sərt inzibati tədbirər görülürdü. Üsyan alovları Nijeqorod, Kazan mahallarını
ağzını aldı.
41
Şəhərin gerbində qırmızı üçbucağın iti burnunun yaşıl üçbucaqla
toqquşaraq durması qırmızının üstün vəziyyəti (o, gerbin yuxarısında təsvir
olunmuşdur) Moskva dövlətinin islam üzərində qələbəsini göstərirdi. İdeya
Pyotrun idi.
Tədqiqatçıların göstərdiyi kimi Maksim Qorkinin "Qorodok Okurov"
povestində təsvir etdiyi tatarçılıq ənənələrinin parlaq təzahürü əks olunan şəhər
Arzamas şəhəridir. Arzamas gənc Puşkinin də istifadə etdiyi ləqəb idi; o bu
təxəllüsü "Arzamas" rus ədəbiyyatçıları cəmiyyətinin adından götürmüşdü.
Yurdumuzda Qazax rayonu ərazisindo eradan əvvəl V-IV minilliklərə aid
yaşayış yeri olan Arzamas təpəsi vardır. Beləliklə, həqiqətən qədim türklərin tayfa
və qəbilələrinin tarixini, onların yaşayış tərzini, miqrasiyasını öyrənməkdə
toponimlərin rolu böyükdür, fikrinə şərik olmamaq mümkün deyildir.
ASTARXAN. HƏŞTƏRXAN. ASTRAXAN
Müasir Astarxan Rusiyada vilayət mərkəzi və şəhərdir. Volqa çayının hər
iki sahilində yerləşir. Astarxan Volqa-Kama hövzəsində ən iri çay və dəniz limanı
sayılır.
Tarixən Aştarxan və ya Astarxan adlanan bu şəhər Volqanın sahilində
40
Энциклопедический Словарь Брокгауз и Ефрона. т.2, с. 75.
41
Татарский энциклопедический словарь, Казань, 1999, с.574.
26
indiki yerindən 12 km aralıda yerləşirdi. Karvan və su yollarının üzərində
yerləşməsi səbəbilə tezliklə iri ticarət mərkəzinə çevrilmişdir.
Astarxan xanları Cuci Xanədanına mənsub idi; höküməti Şeybanilər
sülaləsi idarə edirdi. Lakin 1395-ci ildə Terek döyüşündə Əmir Teymur Toxtamış
xana qalib gəldi və zamanın axarı dəyişdi. Bu zəfər və məğlubiyyətlə Qızıl Orda
dövlətinin beli bükülür. Uluq Məhəmmədin dövründə 1437-ci ildə Qızıl Orda
parçalanır: şimalında Kazan xanlığı, 1441-ci ildə Kırım xanlığı, 1459-cu ildə
Astarxan xanlığı yaranır. Bu tənəzzül və qarşıdurma zamanı Moskva knyazlığı 300
illik Tatar qəyyumluğundan qurtulmuş oldu.
Rus dövləti qoşunları 1554-cü ildə Astarxana hücum edib xan
Yağmurçanı devirib, (Yağmurça bundan sonra qaçıb noqayların Azak qalasına
gəldi, Osmanlı hökümətinə sığındı) onun yerinə IV İvanın vassallığını qəbul edən
Dərviş Əli xanı qoydular. Dərviş Əli xandan da heç gözləri su içməyən ruslar
1556-cı ildə Astarxanı bir dəfəlik Rusa qatdılar. Müasir Astarxanın əsası 1558-ci
ildə təpədə tikilən yeni qala ilə qoyulmuş oldu. Bu zamandan şəhərə və ətrafına
rusların köçürülüb məskunlaşdırılmasına başlanıldı. Sovet vaxtı bu siyasət daha da
gücləndirildi. Odur ki, bunun nəticəsi olaraq hazırda şəhərin əsas əhalisi ruslardan
ibarətdir. Yerli tatarlar əhalinin 10 faizə qədərini təşkil edirlər.
Artıq XVII əsrin ortalarına doğru Volqanın ağzında yerləşən Astarxan rus
dövlətinin sərhəd qalalarından biri sayılırdı. Astarxanın istilası ilə İdil (Volqa)
boyunun Rus hakimiyyəti altına düşməsi, dünya ticarətinin ən işlək yollarından
olan İpək yolunun şimal İpək yolu qolunun rusların əlinə keçməsi və Rusiyanın
Qafqaz ilə Türküstan yönünə genişlənməsi uyğun bir ortam təşkil etdi
42
.
Beləliklə, Astarxan XVI-XIX əsrlərdə Qafqazla, Orta Asiya, İran və
Hindistanla ticarətdə mərkəz rolunu oynamaqla; həm də eləcədə Bakı neftini
Rusiyaya nəql edən güclü liman funksiyasını daşımaqda idi.
N.Baskakovun göstərdiyinə görə Astarxan (bəzi mənbələrdə Rastarxan)
Xəzər xaqanının adıdır. Tarixdə Astarxan xaqanının 764-cü ildə Qafqaz ölkələrinə
yürüşü məlumdur. As~jas-türk nəsli adıdır. (Ras, as, ars, Aras) + Tarxan "titul"
sözlərindən yaranmışdır
43
. Odur ki, Astarxan adı təsadüfən bənzəri səsləndiyi
Həştərxan (Hacı Tərxan) adına nisbətən daha təbii təsir bağışlayır. As, az xalq
adıdır deyə Malov yazır; "Tarxan" Orda dövlətində yüksək hərbi inzibati rütbə
demək idi. Astarxan (As Tarxan), yəni "Aslanın tarxanı" deyə Artamonov
göstərir
44
. Özlərini as adlandıran tayfa vardır. Məlum olur ki, Sarmat tayfası
əslində Aslardan əmələ gəlmişdir. Bizim eranın əvvəllərində adlarını dəyişməli
olmuşlar
45
. Tarixin səhifələrində bunun kimi və ya tam əksinə olan hallara təsadüf
42
M. Sadık Bilge. Osmanlı devleti ve Kafkasya, İstanbul. Eren, 2005, s. 51
43
Н. Баскаков. Тюркская лексика в «Слово о полку Игореве» М., Наука 1985, с. 43.
44
М.И. Артамонов. История Хазар, С.П-б., 2001, с.482.
45
Yenə orada,s. 482
Dostları ilə paylaş: |