onların qavrayışlarının və təəssüratlarının kəskin
olmasıdır. Bu yaşda oxunan təsirli kitabların
tərbiyəvi və emosional izi bəzən insanın bütün
həyatı boyu yadından çıxmaz.
Görkəmli
pedaqoq
Suxomlinski
məktəbyaşlıların məhz bu cəhətini, yəni, uşaqların
bu yaşda oxuduqlarının uzun müddət yaddaşlarında
həkk olunduğunu, tərbiyələrində mühüm rol
oynadığını nəzərə alaraq göstərir ki, kiçik yaşlı
məktəblilərin
mütaliəsinə
düzgün
rəhbərlik
kitabxana işçilərinin vəzifəsi olmalıdır. Kiçik yaşlı
məktəblilərin qavrayışlarının belə aydınlığı onların
ayrı-ayrı sözlərə və ifadələrə olan xüsusi
münasibətləri ilə əlaqədardır. Onlar sözün ən çox
hərfi mənasına diqqət yetirir, ona birbaşa məna
verirlər, yalnız müstəqim mənada düşünürlər.
Məsələn,
“başqasının qəlbini sındırmaq pis
xasiyyətdir”, “mağaza müdiri müfəttişi görəndə
gözü kəlləyə çıxdı” cümlələrini eşidəndə bunu
müstəqim mənada düşünürlər. Görkəmli şair
Samvel Yakobleviç Marşak uşaqların bu cəhətinə
xüsusi qiymət verir. O, kiçik məktəbyaşlıların sözə,
ifadəyə
olan
həssas
münasibətlərini
qiymətləndirərək göstərir ki, “hər bir sözün gücünü
hiss etmədən Puşkin şeirlərinin bütün gözəlliyini və
mahiyyətini həqiqi mənada dərk etmək mümkün
deyildir. Məhz cür oxucular üçün kitab yazan
müəllifə sevinc bəxş edir”.
İkinci-üçüncü sinif
şagirdləri ədəbi əsərə münasibətdə 6-7 yaşlı
uşaqlara nisbətən yeni mövqe tuturlar. Onlar artıq
bədii əsərlərdəki hadisələrin və obrazların fövqündə
durmaq,
hadisələrə
və
qəhrəmanlara
əsərin
daxilində deyil, kənardan müşahidə etmək imkanı
əldə edirlər. Ona görə də bu yaşlı uşaqlar təsvir
olunan hadisələrə daha dərindən qiymət vermək
imkanına malik olurlar. Kiçik yaşlı məktəblilərdə
qeyri-ixtiyari diqqətləri ixtiyari diqqətlərinə üstün
gəlir. Onlar öz diqqətlərini uzun müddət bir fikir, bir
mətn üzərində cəmləyə bilmirlər. Onların bu
xüsusiyyətləri də tədris və mütaliə prosesində get-
gedə
dəyişir,
ixtiyari
diqqət
formalaşır,
möhkəmlənir.
Kiçik yaşlı məktəblilər oxuduqları kitablarda
hərfi yadda saxlamaya daha çox fikir verirlər. Onlar
oxuduqları
kitablarda
əsas
fikri
tuta
bilmədiklərindən və söz ehtiyatları məhdud olduğu
üçün kitabın məzmununu olduğu kimi danışmağa
çalışırlar. Nəhayət tədris prosesində və ardıcıl
mütaliə nəticəsində tədricən bu cəhətlər də qaydaya
düşür. Xüsusilə 4-ü və 5-ci siniflərdən başlayaraq
belə hallar əvəzinə uşaqlar hər bir hekayənin yaxud
süjetli şeiri öz sözləri ilə nəql etmək imkanı əldə
edirlər. Kiçik yaşlı məktəblilər oxuduqlarına öz
münasibətlərini ifadə edə bilmirlər. Oxuduqlarına
münasibəti yalnız zahiri, emosional reaksiyalarında
üzə çıxır. Oxuduqları kitabçalardakı gözəllik,
çirkinlik, komiklik, faciəvilik, gülməli və qorxulu
hallar
diqqətlərini
cəlb
edir
və
onları
həyəcanlandırır. Bu cür çoxsahəli həyəcanlara
münasibətlərini yalnız “xoşuma gəlir” sözü ilə ifadə
edirlər. Başqa oxucu tipindən fərqli olaraq kiçik
yaşlı
məktəblilərin “xoşuma gəlir” ifadəsi
oxuduqları kitablara olan dərin və güclü emosional
münasibətlərini əks etdirir.
Kiçik yaşlı məktəblilər hər hansı bir əsərin
janrından və yazıçı manerasından asılı olmayaraq
onda müəyyən estetik keyfiyyətlər tapırlar. Bu
keyfiyyətlər əsasən gözəllik, qəhrəmanlıq, komiklik
və şən əhval-ruhiyyədən ibarətdir. Bu cəhətlərə
münasibət uşaqlarda daimi xarakter daşıyır və bədii
əsərə münasibətləri bu keyfiyyətlərdən asılı olur.
Uşaq oxucuları bədii əsərdə ən çox maraqlandıran
və həyəcanlandıran cəhət burada tez-tez dəyişən
hərəkətlər, hadisələr, bu hadisələrdəki məqsəd
aydınlığı və hadisələrin qeyri-adiliyidir. Sovet
dönəmində oxucuları öyrənmək məqsədilə aparılan
sosioloji tədqiqatlar, xüsusilə “Kiçik şəhərlərin
həyatında kitab və mütaliə” adlı sosioloji tədqiqatın
nəticəsi göstərir ki, uşaq oxucuların tez- tez dəyişən
hadisələrə güclü maraq göstərməməsinin başlıca
səbəbi onlara hələ məlum olmayan emosiyalardan
təsirlənə bilməmələridir. Onlar yalnız tanış və
məlum
faktlardan,
hadisələrdən
təsirlənirlər.
Uşaqlar onlara tanış faktlardan, yaranan qeyri-adi
hadisələrdən, gözəlliklərdən daha çox poetik ləzzət
alırlar. Daha dəqiq desək, uşaqlar tanış hadisələr,
faktlar axınında qəribəliklərlə rastlaşanda və qəribə
hadisələr içərisində tanış faktlar görəndə xüsusi
ləzzət alırlar. Kitabxanaçılar və başqa tərbiyəçilər
məhz uşaqların bu cəhətlərini daim inkişaf
etdirməyə çalışmalıdırlar. Əlbəttə bu cəhətlərin
əsası təbiətdə yaranır. Uşaq bu cəhətlərə təbiətdə
əldə etdiyi tanışlığı əsasında nail olur. Ona görə də
uşaqlar təbiətin qoynunda çox olmalı, təbiət
hadisələrinə və predmetlərinə aid daha çox
oxumalıdırlar. Konstantin Dmitriyeviç Uşinski uşaq
mütaliəsinin iki tərəfi – məntiqi tərəfi və estetik
tərəfindən danışarkən, göstərir ki, məntiqi mütaliə
üçün ən çox təbiətə aid hekayələr oxudulmalıdır.
Çünki ən bpyük məntiq təbiətdir. Uşağın təbiətdən
əldə etdiyi məlumatlar hər hansı bir əsəri oxuyarkən
ondan ləzzət almaqda və mahiyyətini başa
düşməkdə ona kömək edir. Uşaq oxucuların
oxuduqları kitablara qiymət vermək meyarları da
özünəməxsusdur. Onlar həqiqəti, xeyirxahlığın və
düzlüyün qələbəsini təsvir edən əsərlərdən xüsusi
ləzzət alırlar və təsirlənirlər. Onlar həmişə əsərin
uğurlu
sonluğunu
yüksək
qiymətləndirirlər.
Dostları ilə paylaş: |