VII. ULUSLARARASI TÜRK SANATI, TARİHİ ve FOLKLORU KONGRESİ/SANAT ETKİNLİKLERİ
352
olaraq, ayrılıqda hər bir ölkə özünəməxsus zəngin və qədim musiqi
mədəniyyətlərinə malikdir. Eyni zamanda, bu ölkələr arasında qarşılıqlı əlaqələr,
Avropa musiqisində formalaşan bir çox janrların Azərbaycan bəstəkarlarının
yaradıcılığında mənimsənilməsi və yeni mövzu ilə zənginləşməsi, ifaçılıq
ənənələrindən bəhrələnmə Azərbaycan musiqi mədəniyyətində multikultural
dəyərlərin inkişaf etməsinə şərait yaratmışdır.
Multikulturalizm ölkədə və bütövlükdə dünyada müxtəlif millətlərə və
məzhəblərə məxsus insanların mədəni müxtəlifliklərinin qorunmasına, inkişafına,
azsaylı xalqların dövlətlərin milli mədəniyyətinə inteqrasiyasına yönəldilmişdir.
Multikulturalizm cəmiyyətdə humanizmin, tolerantlığın təcəssümü olub, insanlar
arasında qarşılıqlı anlaşma, qarşılıqlı zənginləşmə, dostluq və əməkdaşlıq
mühitinin yaradılmasına xidmət edir.
Mədəniyyətlərin və sivilizasiyaların
dialoqundan irəli gələn multikulturalizm ənənələri özündə onların mahiyyətini,
xüsusiyyətlərini, tarixini və nailiyyətlərini ehtiva edir.
Azərbaycan musiqisində dünya mədəniyyətinə müraciət demək olar ki,
bütün dövrlərdə özünü göstərmişdir. Azərbaycan bəstəkarlıq məktəbinin banisi
Ü.Hacıbəylinin ilk əsərlərindən başlayaraq, daha sonra Azərbaycan bəstəkarlarının
böyük bir nəslinin inkişaf etdiyi dövrlərdə digər xalqların ədəbiyyatına,
mədəniyyətinə, müxtəlif dini inamlı insanların həyatı ilə bağlı mövzulara müraciət
olunub. Lakin bütün bunlar hər dövrdə müxtəlif xarakter kəsb edib və müxtəlif janrlı
əsərlərdə təmsil olunub. Biz bu prosesi oratoriya janrının timsalında izləyərək, öz
qənaətlərimizi diqqətinizə çatdırmaq istərdik.
Oratoriya XVI-XVII əsrlərdə, demək olar ki, opera və kantata kimi janrlarla
bir dövrdə meydana gəlmişdir. Lakin oratoriya ifaçılıq tərkibinə görə adı çəkilən
janrlara yaxın olsa da, özünəməxsus janr xüsusiyyətlərinə malik olub, teatr
səhnəsinin şərtiliklərindən kənarda, konsert səhnəsində ifa olunmasına görə
operadan, ardıcıl süjet xəttinə malik olmasına görə kantatadan fərqlənir. Musiqi
tarixində əsasən bu janrların inkişafı yanaşı və qarşılıqlı təsir şəraitində olmuşdur.
Təsadüfi deyil ki, musiqi tarixinə aid tədqiqatlarda oratoriya və kantata janrlarının
adı yanaşı çəkilir. Müasir dövrdə isə bir çox əsərlərin məhz üç janrın - opera,
oratoriya və kantata janrlarının qovuşmasında meydana gəldiyini müşahidə edə
bilərik.
Oratoriya solo ariyalardan, reçitativlərdən, ansambl və xorlardan ibarətdir və
dramatik süjetin inkişafına əsaslanır. Oratoriyanın əsas cəhətlərindən biri dramatik
hərəkətə nisbətən rəvayətliliyin üstünlük təşkil etməsidir, yəni bu - hadisələrin,
səhnə hərəkətinin nümayişi deyil, onlar haqqında hekayətdir. Oratoriya janrı üçün
mövzunun dramatik və qəhrəmani-epik planda açılması xarakterikdir.
Oratoriya janrı Orta əsrlər dövründən başlayaraq, müasir dövrə kimi, demək
olar ki, həm Avropa, həm rus-sovet, həm də Azərbaycan musiqisində böyük inkişaf
yolu keçmişdir. Avropa musiqisində ilk oratoriyalar dini mövzulara, Bibliya
mətnlərinə əsaslanaraq, kilsədə ifa olunmaq üçün nəzərdə tutulurdu. Getdikcə
oratoriyalarda, eyni zamanda, həyat və məişət hadisələri ilə bağlı süjetlər də öz
əksini tapmış, daha sonralar isə ictimai-siyasi hadisələrlə bağlı mövzular ön plana
çəkilmişdir.
XVIII əsrdə G.F.Hendelin “Samson”, “Messiya” və b. oratoriyaları janrın
inkişafında mühüm mərhələ olmuşdur. Həmin dövrdə İ.S.Baxın dini mövzulu vokal-
instrumental əsərləri - “Matveyin İztirabları”, “İoannın İztirabları” passionları və s.
oratoriya janrına əhəmiyyətli dərəcədə yeni cizgilər gətirmişdir. Qərbi Avropa
VII. ULUSLARARASI TÜRK SANATI, TARİHİ ve FOLKLORU KONGRESİ/SANAT ETKİNLİKLERİ
353
musiqisində sonrakı dövrlərdə Y.Haydn, V.A.Motsart, L.V.Bethoven, F.Mendelson,
F.Şubert, R.Şuman, C.Rossini, H.Berlioz, S.Monyuşko, A.Brukner, Q.Volf, F.List,
C.Verdi, Ş.Quno, J.Bize, S.Fran, K.Sen-Sans, A.Dvorjak, İ.Brams, K.Debüssi,
K.Orf, B.Britten və başqa bəstəkarların yaradıcılığında da oratoriya janrının maraqlı
nümunələri meydana gəlmişdir. Bunların əksəriyyətində dini mövzu aparıcı
əhəmiyyət kəsb edir
XIX əsr rus musiqisində və xüsusilə XX əsrdə, sovet dövründə oratoriya
janrı çox inkişaf etmişdir. Bu baxımdan, S.Prokofyev, D.Şostakoviç, İ.Stravinski,
G.Sviridov və b. bəstəkarların oratoriyaları müxtəlif məzmunlu rəngarəng əsərlər
kimi diqqəti cəlb edir. İnkişaf prosesində oratoriyalara ənənəvi dini mövzu ilə
yanaşı, ictimai-sosial, siyasi və hərbi tematika daxil olur. Məsələn, S.Prokofyevin
“Sülhün keşiyində”, D.Şostakoviçin “Meşələr haqqında mahnı” və s. oratoriyaları
qeyd edə bilərik.
Azərbaycan musiqisində oratoriya janrının çiçəklənməsi və bir janr kimi
özunu təsdiq etməsi məhz XX əsrin 60-70-ci illərinə təsadüf edir ki, bu da
Azərbaycanda siyasi mühitin yetişməsi ilə bağlı idi və müasir həyatın ictimai-siyasi
durumunun, real həyati hadisələrinin qabarıq əks olunmasında əhəmiyyətli rol
oynamışdır.
Nəzərə almalıyıq ki, dövrün ab-havasının, yaşanılan mühitin ictimai-siyasi
durumunun işıqlandırılmasında oratoriya janrı daha əlverişli olması ilə fərqlənir.
Belə ki, möhtəşəm ideyalardan yaranaraq meydana gələn bu janr irihəcmli olmaqla
yanaşı, baş verən hadisələrin, məzmunun hərtərəfli açılmasında müstəsna rol
oynayır, məzmun baxımından rəngarənglik daha çox nəzərə çarpır. Çünki mövcud
ictimai-siyasi şəraitin obrazlı və dramaturji ifadəsinin ən bariz nümunəsi oratoriya
janrının zəminində həyata keçirilmişdir.
Azərbaycan bəstəkarlarının oratoriya yaradıcılığı timsalında multikulturalizm
ənənələrinin müxtəlif aspektlərdə təzahürlərini görürük. Artıq Avropada, xristian dini
mühitində, Bibliya süjetləri əsasında yaranmış oratoriya janrının Azərbaycan
musiqisində təşəkkülü və milli zəmində inkişafı müxtəlif dinlərə və müxtəlif xalqlara
məxsus milli dəyərlərin birləşməsinin və multikulturalizm ənənələrinin təcəssümünü
nümayiş etdirir. Eyni zamanda, oratoriya janrında özünü göstərən mövzularda da
multikulturalizm ənənələrinin təzahürlərini qeyd edə bilərik.
Azərbaycan bəstəkarlarının oratoriya yaradıcılığında bir neçə mövzu
istiqaməti özünü göstərir. Bunları belə xarakterizə etmək olar: 1) tarixi şəxsiyyətlərə
- görkəmlil şair və dövlət xadimlərinə həsr olunmuş mövzular; 2) Şəhidlik,
qəhrəmani-vətənpərvərlik mövzusu; Vətənin müstəqillilyi və azadlığı uğrunda
canından keçmiş qəhrəmanlara və XX əsrdə Azərbaycan tarixində, eləcə də
Türkiyə tarixində baş vermiş hadisələrlə bağlı mövzular; 3) Dini-tolerantlıq
mövzusunun təcəssümü.
Hər bir mövzu istiqaməti ümumiyyətlə Azərbaycan musiqisində geniş
işlənilmişdir. Bəstəkarlar bu mövzuda müxtəlif janrlı əsərlər yaratmışlar. Burada biz
yalnız oratoriya janrına aid əsərləri qeyd edirik.
Birinci istiqamətlə bağlı olaraq, Cahangir Cahangirovun “Sabir”, “Hüseyn
Cavid”, Ramiz Mustafayevin “Nizami”, “Hüseyn Cavid”, “Nəriman Nərimanov”
oratoriyalarını göstərmək olar. Bu əsərlər Azərbaycanın dahi şairləri Mirzə Ələkbər
Sabirin, Hüseyn Cavidin, tanınmış dövlət xadimi Nəriman Nərimanovun yubileyləri
münasibəti ilə yaranmışdır. Bəstəkarlar əsərlərin məzmununda onların yaradıcılıq
irsinə əsaslanmışlar. Bu halda oratoriya janrının məzmununda yeni xüsusiyyətlərin