“Western Caspian” University № 3, 2017 Scientific Bulletin
35
larla, infrastruktur dəstəyi ilə böyük bir tədqiqat-təkmilləşdirmə və innovasiya
mərkəzi mövqeyindədir. Sofiya Antipolisin innovasiya istehsalında müxtəlif
mədəniyyətlərdən, elm sahələrindən, ixtisaslardan payçıları bir yerə yığma mis-
siyası vardır [10].
Niderlandın tədqiqat və araşdırma işləri ilə bağlı güzəşt sisteminin
unikallığı iki aspektdə təzahür edir.
Birincisi, bu güzəşt tədqiqat və araşdırma işlərini həyata keçirən işçilərin əmək
haqlarına tətbiq edilir.
İkincisi, bu güzəştin tətbiqi nəticəsində ənənəvi olaraq müəssisənin mənfəət
vergisinin məbləği yox, əməkhaqqı fondu vergisinin və sığorta ödəmələrinin
məbləği aşağı düşür [4,s.69].
Niderlandda bu sahədə vergi güzəşti əldə etmək üçün bir sıra kriteriyalar
qoyulur. Bu kriteriyalara aşağıdakılar aidddir:
-
tədqiqat və təkmilləşdirmə işlərini müəssisələr öz hesablarına yerinə
yetirməlidirlər;
-
tədqiqat və təkmilləşdirmə işləri sistemlik xüsusiyyətinə malik olma-
lıdır;
-
tədqiqat və təkmilləşdirmə işləri Niderland ərazisində yerinə yetiril-
məlidir;
-
tədqiqat və təkmilləşdirmə işləri birbaşa texniki və elmi tədqiqatlar,
məhsullar, əməliyyatlar və proqram təminatlarının işlənilməsi ilə bağlı
olmalıdır.
Niderlandda tətbiq olunan güzəştin əsas xüsusiyyəti ondan ibarətdir ki, bu
sahədə fəaliyyət göstərən sahibkarın işçilərin əməkhaqqından sosial müdafiə
fonduna ayrılmalı olan vəsaiti tədqiqat və təkmilləşdirmə işləri üzrə əmək
haqlarının ilkin 90756 avrosundan 40%, qalan məbləğdən isə 13% azaltmaq
hüququna malikdir.
Tədqiqatlara əsasən, Niderlandda tətbiq olunan vergi güzəşt sisteminin
digər ölkələrdən aşağıdakı fərqli cəhətlərini müəyyən etmək olar:
1.
Güzəştlər yalnız əmək haqlarına münasibətdədir.
2.
Bu sistem mənfəətsiz müəssisələr üçün daha az çətinlik yaradır.
3.
Ərizə təqdim etmiş şirkətlərdə planlaşdırılan tədqiqat və araşdırma
işləri texnoloji cəhətdən yeni olmalıdır.
4.
Şirkətlər ərizəni müəyyən olunmuş müddətdən əvvəl təqdim etməli-
dirlər [4, s.70].
İspaniya 2002-2008-ci illər aralığında önəmli cəhdlər etmiş və tədqiqat-
təkmilləşdirmə xərclərini 2002-ci ildə 0.99%-dən 2008-ci ildə 1,35%-ə qədər
artırmışdır. Ancaq maliyyə böhranının təsirli olduğu 2011-ci ildə tədqiqat-tək-
milləşdirmə işlərinə vəsait qoyuluşunun həcmi 1,33-ə düşmüşdür ki, bu da
2008-ci ildəki 1,35%-dən aşağı göstəricidir [11].
Son dövrlərdə İspaniyada elmi-tədqiqat və təkmilləşdirmə sahəsində fəa-
liyyətlərin daha da inkişaf etdirilməsi və dövlətlə özəlsektor arasında qarşılıqlı
“Western Caspian” University № 3, 2017 Scientific Bulletin
36
əməkdaşlığın inkişafı üçün bir sıra proqramlar hazırlanmışdır. Bu cür proqram-
ların əsas istiqaməti dövlətlə özəl sektor arasında əməkdaşlığın zəif olduğu sa-
hələrə yönəldilmişdir. Ölkədəki sənaye təşkilatları bu istiqamətdə əməkdaşlığın
inkişafında maraqlı olduqları üçün universitetlərdə aparılan elmi-tədqiqat işləri-
nin 8%-ni maliyyələşdirməkdədirlər. Dövlətlə özəl sektor arasında əməkdaşlı-
ğın inkişafı istiqamətində yerinə yetirilən Milli Proqram bu əməkdaşlığın daha
da inkişaf etdirilməsi üçün hazırlanmışdır.
Bundan başqa İspaniyada kiçik ölçülü müəssisələrin dəstəklənməsi üçün
də müəyyən proqramlar yerinə yetirilməkdədir. İnno Empressa-Madrid proqra-
mı kiçik həcmli müəssisələrin və firmaların innovasiya mədəniyyətinin inkişaf
etdirilməsi üçün dəstəyin verilməsini nəzərdə tutur.
Bu istiqamət üzrə kiçik və orta ölçülü firmalara 12 ay müddətə qədər 100
min avroya qədər dəstək verilməkdədir. Dəstək kiçik firmalar üçün cəmi xərclə-
rin 20%-lik, orta ölçülü firmalar üçün isə 50%-lik hissəsinə verilməkdədir. Bu
yardıma bənzər Valensiya bölgəsində də bir yardım proqramı mövcuddur. Za-
man və dəstək miqdarı eyni olmaqla bərabər qarşılanan büdcə kiçik firmalar
üçün 60-70% səviyyələrinə çatmaqdadır [10].
Ümumilikdə AB ölkələri üzrə baxılan məqamlar üzrə aşağıdakıları qeyd
etmək olar:
-
Texnoparkların ərazi üzrə yerləşdirilməsində ABŞ-da olduğu kimi
kiçik şəhərlərin
xüsusi çəkisi daha yüksəkdir;
-
Əksər ölkələrdə texnoparkların qurulmasında dövlətin rolu böyükdür.
Məsələn, İngiltərədə sərmayə qoyuluşlarının 60%-i, Almaniya, Fransa,
Hollandiyada 75%-i, Belçikada isə demək olar ki 100%-i dövlət fondu
tərəfindən edilməkdədir [5, s.46];
-
Ali təhsilli kadr hazırlığının praktiki istiqamətinin gücləndirilməsinə
daha çox diqqət ayrılmaqdadır;
-
Bir sıra ölkələrdə universitetləri və özəl sektorun əlaqələndirilməsində
vasitəçilik fəaliyyətində ixtisaslaşmış qurumların rolunun yüksək
olması görülməkdədir;
-
Universitetlər əsasən müəyyən istiqamətlər üzrə ixtisaslaşmağa üstün-
lük
verirlər;
-
Universitetlərdə kadr hazırlığı prosesi həyata keçirilərkən və elmi-
tədqiqatlar aparılarkən özəl sektorun tələblərinə diqqətlə yanaşılır.
Məqalədə təhlil olunan ölkələrin xüsusiyyətlərini nəzərə alaraq ölkəmiz
üçün bir sıra təkliflər verə bilərik:
1.
Universitetlərdə Texnoloji Transfer Ofislərinin (TTO) qurulması və
səmərəli fəaliyyətinin təmin olunması;
2.
Rəqabət mühitinin inkişafı üçün kiçik və orta sahibkarlığa texnoloji
və innovasiya yönümlü dəstəyin
göstərilməsi;
3.
Ayrı-ayrı universitetlər üzrə üstün olduqları konkret ixtisas istiqamət-
lərin müəyyənləşdirilməsi və bu istiqamət üzrə sənaye ilə yaxından
əməkdaşlıq qurulması;