Western caspian
Yüklə 2,65 Mb. Pdf görüntüsü
|
“Western Caspian” University № 3, 2017 Scientific Bulletin 45 kommersiyalaşdırılır. Bu gün OSTİM klaster siyasəti irəli sürür. Bölgədə olan əsas 6 klaster götürülüb. Bu klasterlərə daxil olan müəssisələr ərazi yerləş- məsindən çıxırlar. Bu klasterlərə OSTİM-dən kənarda olan müəssisələr də daxil olur. Bu siyasət gələcəyə yönəlib. Müəssisələrin rəqabət qabiliyyətini artırmaq üçün nəzərdə tutulur. Klasterlər halında dövlət ilə əlaqələndirmə koordinatorlar tərəfindən aparılır. Beləliklə, OSTİM-in siyasəti dövlət, müəssisə, universitet, sənaye birliyi yaratmaqdır. Tələb və təklif öyrənilir, qarşı-qarşıya qoyulur, iş birliyi yaradılır [1, s.57]. İzmir Texnoparkı Türkiyənin ən böyük texnoparklarından biridir. İzmir Yüksək Texnologiya İnstitutunun Kampusunda 2002-ci ildə qurulub, 2004-cü ildə isə fəaliyyətə başlayıb. Nəqliyyat baxımından da yaxşı yerləşdirilib. Buraya daxil olan firmalar əsasən biotexnologiya, elektronika, avadanlıq emalı, mü- dafiə, enerji, dizayn, kimya, telekommunikasiya, nanotexnologiyalar, avto- matika, robot sistemlər, turizm və s. istiqamətlər üzrə formalaşmaqdadır. Ərazinin İYTE kimi beynəlxalq tədqiqat institutunda yer alması, buradakı firmalar üçün beynəlxalq bir tədqiqat-təkmilləşdirmə mühiti formalaşdırmaq- dadır. Bir sıra universitetlərin bu bölgənin yaradılmasında rolu böyük olmuşdur. Bu universitetlərin də bölgənin qurucuları arasında olması firma və müəssisələr tərəfindən universitetin texniki və sosial imkanlardan istifadədə əlavə üstünlük yaradır. Burada eyni zamanda ictimai qurum və quruluşları ilə birlikdə univer- sitetin şəxsi heyətindən, bölgə əhəmiyyətli yeri olan fəaliyyətlərdə tədqiqatçı xidmətinə ehtiyac duyulanlar, işlədikləri iş yerinin icazəsi ilə davamlı və yaxud hissə-hissə olaraq işlədilə bilirlər. Eyni zamanda tədris hissəsinin işçiləri, universitetin idarə heyətinin icazəsi ilə yerinə yetirdikləri tədqiqatların nəticə- lərini ticariləşdirmək üçün bu bölgələrdə şirkət qura və bu şirkətlərin idarə olun- masında vəzifə tuta bilirlər. İzmir texnoparkının bir sıra üstün cəhətləri vardır: Bölgədə 6224 saylı Xarici Sərmayəni təşviq qanunu və əlaqəli məsələlər çərçivəsində xarici mənşəli idarəedici və mütəxəssis tədqiqat-təkmilləşdirmə heyəti işlədilə bilinməkdədir. Bölgədə yerləşən gəlir və mənfəət vergisi mükəlləflərinin, bölgə daxilində proqramlaşdırma və tədqiqat-təkmilləşdirmə fəaliyyətlərindən əldə etdikləri qa- zancları 31.12.2023-cü il tarixinə qədər gəlir və mənfəət vergisindən azaddır. Bölgədə fəaliyyət göstərən tədqiqatçı, proqramçı və tədqiqat-təkmilləş- dirmə heyətinin buradakı vəzifələri ilə bağlı gəlirləri də yenə hər cür vergidən azaddır [5]. Eyni zamanda burada Texnoloji İnkişaf Bölgələri ilə bağlı qəbul olunmuş 4691 saylı qanuna əsasən göstərilən müddətə qədərki vergi güzəştləri, əlavə tətbiq edilən dəstək subyektlər və təşkilatlara yalnız bölgə daxilindəki fəaliy- yətlər üçün keçərlidir. “Western Caspian” University № 3, 2017 Scientific Bulletin 46 Bundan başqa burada dövlətin Tədqiqat və təkmilləşdirmə Fəaliyyət- lərinin Dəstəklənməsi Haqqında Qanuna əsasən gəlir vergisindən azad olan işçilərin fəaliyyətləri nəticəsində alacaqları əməkhaqqından müəssisə tərəfindən sığorta ödənişlərinin yarısı 5 il müddətinə Maliyyə Nazirliyi tərəfindən qarşıla- nacaq. Bütün bunlar texnoparkın fəaliyyətinə müsbət təsir göstərir, həm də innovasiyalara yönəldilən investisiyanın artımını daha da münasib edir. İzmir texnoparkının idarə heyətinə universitet və iri şirkətlərin rəhbər vəzifəli şəxsləri daxildir. Bu isə onun fəaliyyətində həm universitet, həm də şirkətlərin maraqlarının təmsil olunması deməkdir. Türkiyə Respublikası texnoparkların inkişafı ilə bağlı bir sıra layihələrdə beynəlxalq əməkdaşlıq siyasətini həyata keçirir. Belə ki, bu çərçivədə İstanbul və Berlin texnoparkları arasında bərpa olunan enerji, səhiyyə və nanotex- nologiyalar kimi sahələrdə ortaq yeni tenologiyaların yaradılması planlaşdırılır. Bundan başqa İstanbul texnoparkında bir çox xarici şirkətlər, xüsusilə Almani- yanın telekommunikasiya və məişət əşyalarının istehsalı ilə məşğul olan şir- kətləri iştirak etməkdə maraqlıdırlar. Türkiyədə universitet-sənaye işbirliyinin uğurlu inkişafında bir sıra böyük şirkətlərin də önəmli rolu olmuşdur. Onlardan biri də "Arçelik A.Ş."-dir. Bu şirkət 200-dən çox dissertasiyanın hazırlanmasında universitetdəki akademik heyətlə birlikdə müsbət rol oynamış, bunun sayəsində universitetdəki biliyin, elmi-nəzəri bazanın tədqiqat-təkmilləşdirmə fəaliyyətinə cəlb olunmasına nail olmuşdur. Burada staj dövründən başlayaraq uzunmüddətli layihələr yerinə yetirilmiş, dissertasiyasını Arçelik A.Ş-də tamamlayan 100-dən artıq mühəndis şirkət daxilində müxtəlif strukturlarda işlə təmin olunmuşdur. İstanbul Texniki Universitetinin Maşınqayırma və Kimya-Metallurgiya fakültələri nəzdində Arçelik dəstəkli laboratoriyaların qurulmasına dəstək verilmişdir. Bu laboratoriyaların nəzdində Santez, TÜBİTAK işbirliyi layihələri yerinə yetirilməkdə, tələbələrin işləyə biləcəkləri şəkildə müxtəlif təchizat və təcrübə qurğuları qurulmaqdadır [6]. Yerli universitetlərlə yanaşı bu şirkət xarici universitetlərlə də əməkdaşlıq edir. ABŞ, Çin, İngiltərə, Almaniya, Hollandiya kimi ölkələrdə bir çox elmi- tədqiqat institutları ilə əməkdaşlıq əlaqələri yaradılmışdır. Ölkə daxilində isə 30-a yaxın yerli universitetlə əməkdaşlıq edilir. Şirkət tədqiqat-təkmilləşdirmə fəaliyyətlərini yerli və beynəlxalq uni- versitetlərlə, təchizatçılarla, tədqiqatçı təşkilatlarla əməkdaşlıq şəraitində yerinə yetirməkdədir. Nanotexnologiyalar, qida saxlama texnologiyaları, nəqliyyat və logistika şəbəkələrinin yaxşılaşdırılması və s. kimi bir sıra sahələrdə 12 layi- hədə iştirak edir. Bir sıra tədqiqatlarda Türkiyədə texnoparkların yaradılması və fəaliyyəti ilə bağlı müəyyən çatışmazlıqlar da qeyd edilmişdir: - Ölkənin müxtəlif bölgələrində çoxlu sayda texnoparklar yaradılsa da, Yüklə 2,65 Mb. Dostları ilə paylaş:
|