“Western Caspian” University № 3, 2017 Scientific Bulletin
115
ildə ABŞ istehsalı olan "Möhtəşəm yeddi" adlı yeni versiya ilə "Hollywood"da
təqdim edilmişdir.
Kurasavadan sonra Yapon kino tarixinin ən tanınmış siması Yasujiro
Ozodur. O, müharibədən sonra dəyişən toplum dəyərlərinə və Qərbin Yapon
ailə mədəniyyətinə olan təsirinə ilk və ən önəmli reaksiya verən şəxslərdən biri
olmuşdur. Məhz bu xüsusiyyətinə görə onu Yapon rejissorlar içərisində "Ən
yapon rejissor " adlandırırlar. Bu illərdə çəkilən "Rashomon", "Yeddi samuray"
və "Tokyo hekayəsi" bu dövrə aid filmlərdir (8, s.28). Ozonun filmləri həm
yapon tamaşaçıları, həm də kino tənqidçiləri arasında çox məşhur idi. Gündo-
ğan ölkədə böyük marağa səbəb olmalarına baxmayaraq, onun filmləri digər
ölkələrdə elə də çox təqdim olunmadı: hətta eyni vaxtda fəaliyyət göstərən
A.Kurasava kimi beynəlxalq şöhrət qazana bilmədi. Ozonun filmləri ölkəsində
orta sinfə mənsub ailələrin həyatından daha çox bəhs edir. "Tokio hekayəsi"
filmində, bir çox başqa filmlərdə olduğu kimi, yapon ailə daxili münasibətlərini
mükəmməl şəkildə təsvir edir.
II Dünya müharibəsindən sonra, yapon kinosunun inkişafında mühüm rol
oynayan şəxslərdən biri də Şoei İmamuro olmuşdur. 1926-cı ildə Tokioda
dünyaya gələn İmamuro əvvəllər kino sahəsi ilə maraqlanmamış, teatrdan gələn
gəlir onun xərclərini ödəmədiyindən, sonralar film sənayesinə maraq
göstərməyə başlamışdır. İlk olaraq Şoçiko (1951-1954), daha sonra isə,
Nikkatsu Film şirkətlərində rejissor vəzifəsində çalışmışdır. 1958-ci ildə ilk
filmi "Oğurlanan arzu" ("Nusumareta Yokujo")- nu ekranlaşdırdı. İmamuronun
bu ilk filmi, peşə həyatı boyunca davam edəcək yenicə formalaşan
düçüncələrini özündə ehtiva etmişdi. Yapon mədəniyyətinin kənar hüdudlarında
olanların ləhcələri və adətləri onun filmlərində işlədiyi əsas mövzular oldu.
Rejissorun ilk 4 filmi, əlbəttə ki, tələsik çəkilmiş və aşağı büdcəyə malik şirkət
sifarişləri idi. Yaponiyanın müasirləşməsindən bəhs edən "Donuzlar və
müharibə gəmiləri" ("Buto to Gunkan") adlı ilk yetkin filmini 1961-ci ildə lentə
aldı (8, s.26).
1960-cı illər. 60-cı illərdən sonra Kurasavayla başlayan dalğa, yeni
Yapon dalğası idi. Ku- rasavadan sonra bu dövrün ən önəmli isimlərindən biri
Shoie İmamura idi. 1970-ci illərdə bütün dünyada olduğu kimi Yaponiyada da
televiziyanın təsiri kinoya olan marağı azaldır. "Pink" adlanan ucuz eşq filmləri
və Yakutza (mafiya) filmlərinin salonları işğal etdiyi bu dövrdə, Yaponiyada
boş qalmış kino salonlarını doldurmaq üçün, Avropa və Amerika filmlərinin
tamamilə kopiyaları çəkilərək yapon tamaşaçısına təqdim olunur. Bununla
əlaqədar Kurasava maraqlı bir fikir söyləyib: "Yaponiyadakı eşq münasibətləri
Fransa və ya İtaliyadakına bənzəməz. Amma təəssüflər olsun ki, gənc
rejissorlarımız Qərb filmlərində gördüklərini alçaq bir biçimdə kopya edirlər.
İzləyicilər də bu filmlərdə gördüklərindən gerçək həyatlarında bəhrələnirlər. Bu
çox gülünc bir şeydir" (3. s.815) .
1980-90-cı illər. Bəhs edilən dövrdə cizgi filmləri (animeler) daha cox