100
Teymurilər imperiyası (1370-1507)
Teymurun Məvaraənnəhri idarə etməsi
Teymur Çingiz xanın yürüşləri zamanı Mərkəzi Asiyaya gəlmiş
Barlas qəbiləsindən idi.
Teymur gəncliyində
Səmərqənd və Bəlx hakimi
Əmir Qazanın yanında xidmət etmiş, hərbi yürüşlərdə onun etimadını qazanmışdır. Teymur
eyni
zamanda Çağatay hakimi Toğluq Teymurun yanında xidmətə girmiş və
Qaşqadərya vadisini idarə etmişdi.
Çingiz xan öz imperiyasını oğlanları arasında bölərkən Mərkəzi Asiyanı
Cığatay adlı oğluna bağışlamışdı. Böyük
Monqol imperatorluğunun dağılması Mərkəzi Asiyada feodal ara müharibələrini gücləndirdi.
Mərkəzi Asiya ulusu şərqdə
Moğolustan, qərbdə isə
Mavəraənnəhr olmaqla iki yerə ayrıldı. Cığatay xanın davamçıları Mavəraənnəhri geri qaytarmaq
üçün
Toğluq Teymur xanın başçılığı altında mübarizəyə başladılar.
Səmərqənd şəhəri tutuldu. Lakin
Teymurla Toğluq
Teymurun
oğlu arasında ixtilaf yarandı. Bu ziddiyyətlərdən istifadə edən Teymur, Teymur Toğluqa qarşı qiyam qaldıraraq
Xarəzmə, Sistana yürüş etdi.
Tərəflər arasındakı mübarizədə Teymur qələbə qazandı və yeni dövlətin əsasını qoydu.
Teymurilər dövlətinin yaranması və işğalları
1370-ci ildə Teymur Səmərqəndə qoşun yeridib çevriliş etdi. Nəticədə Səmərqənd və ətraf bölgələr Teymurun
ixtiyarına keçdi. Elə həmin ildə qurultay çağırıldı.
Mərkəzi hakimiyyətin tərəfdarları olan
iri feodalların köməyi ilə
Teymur sərkərdələrin qurultayında
«
əmir
»
titulunu qəbul etdi və
Teymurilər dövlətinin əsasını qoydu.
Səmərqənd yeni
dövlətin paytaxtı oldu. Beləliklə, Monqol imperiyasından sonra Mərkəzi Asiyada böyük bir imperatorluğun əsası qoyuldu.
Əmir Teymur yürüşlərə başlamaq üçün güclü
süvari ordu yaratdı. Əmir Teymurun hərbi
yürüşləri nəticəsində:
Ürgənc şəhərinin tutulması ilə
Xarəzmi tamamilə
tabe edildi
və bununla da bütün
Mərkəzi Asiya işğal edildi.
Qafqaz, o cümlədən
Azərbaycan, Ön Asiya (
İraq, Suriya)
işğal edildi.
Qızıl Ordu dövlətinin şərq əyalətləri Teymurilər dövlətinə birləşdirildi.
Hindistanın yürüş edildi. Dehlinin tutulması nəticəsində Hindistanın zəngin sərvətləri Teymurun əlinə keçdi.
Əmir Teymurun Toxtamış xanla müharibələri
Əmir Teymur Toxtamış xanın
Qızıl Ordu dövlətində hakimiyyətə
gəlməsinə kömək etməklə onu öz vassalına çevirmişdi. Lakin Toxtamış xan
Monqol dövlətinin Qafqaz və Ön Asiya üzərində hakimiyyətini bərpa etmək
məqsədilə dəfələrlə bu ərazilərə yürüşlər etdi. Toxtamış xanın
Teymurun
himayəsi altında olan torpaqlara və Azərbaycana hücum etməsi
onlar arasında
müharibəyə səbəb oldu.
Azərbaycan Toxtamışla Əmir Teymurun maraqlarının kəsişdiyi məkan
idi. Teymur
Azərbaycandan digər ərazilərə hücum üçün dayaq nöqtəsi kimi
istifadə edirdi. Ona görə də böyük oğlunu bu ərazilərə hakim təyin etmişdi.
Toxtamış xana qarşı müharibədə Əmir Teymur
Şirvanşah I İbrahimlə ittifaq
bağlamışdı.
Toxtamış xanın Azərbaycana hücumlarının qarşısını almaq üçün Teymur
1387-ci ildə İrana yürüş etdi. Teymurla
birlikdə onun müttəfiqi olan
Şirvanşahlar dövləti də Toxtamışa qarşı vuruşurdu.
Toxtamış xan və Əmir Teymur
101
1395-ci ildə Terek döyüşündə Əmir Teymur Toxtamış xanı məğlubiyyətə uğratdı. Bundan sonra Qızıl Ordu dövləti
zəiflədi və xanlıqlara parçalandı. Toxtamış xanı məğlub etdikdən sonra Əmir Teymur
Ön Asiya, Kiçik Asiya, Qafqaz,
Suriya üzərinə yürüşlərini davam etdirdi. Daha sonra Dehlini tutub böyük sərvətlə Səmərqəndə qayıtdı.
Əmir Teymurun Kiçik Asiyaya yürüşü. Ankara döyüşü
Əmir Teymur
Hindistan səfərindən sonra Kiçik Asiyada əsas rəqibi olan
Osmanlı dövlətinə qarşı müharibəyə
hazırlaşdı.
İmperatorluğa çevrilmiş Osmanlı dövlətinin qoşunları qərbdə Avropanın içərilərinə doğru irəlilədiyi bir
zamanda qəfildən Şərqdən Əmir Teymurun hücumları ilə qarşılaşdı.
Tərəflər arasında 1402-ci ildə başvermiş Ankara düzənliyində
həlledici döyüş baş verdi. Ankara döyüşü
nəticəsində:
Teymurilər Osmanlılara qalib gəldi və İldırım Bəyazid əsir
alındı.
Osmanlı imperiyası I Bəyazidin oğlanları arasında bölündü.
Osmanlı dövləti xeyli zəiflətdi və onların Avropanın içərilərinə
doğru irəliləməsi bir müddət ləngidi.
Teymur özü də bilmədən Avropanı Osmanlı işğallarından xilas etdi.
Osmanlıları məğlub etdikdən sonra Əmir Teymur
Çinə yürüşə
hazırlaşırdı. Lakin yürüş ərəfəsində Teymurun
1405-ci il martın 19-da
Otrar şəhərində vəfat etməsi Çinə yürüşün baş tutmamasına səbəb oldu.
Beləliklə, Əmir Teymur Çini tuta bilmədi. Vəsiyyətinə uyğun olaraq o,
Səmərqənddə dəfn olundu.
Teymurilər imperatorluğunun idarə etmə sistemi
Teymuri dövləti mərkəzləşmiş dövlət deyildi. Dövlət inzibati cəhətdən
uluslara bölünmüşdü. Dövlətdə əmrlərin
yerinə yetirilməsini, maliyyə və hərbi işləri
divanxanalar idarə edirdi.
Maliyyə işlərini
vəzir həyata keçirirdi.
Çingiz xandan
fərqli olaraq Teymur müəyyən iqtisadi məqsədlər də güdürdü. O, sənətkarlığın, ticarətin inkişafına
diqqət yetirirdi. Onun siyasəti nəticəsində
Teymurilər imperatorluğunun paytaxtı olan
Səmərqəndi dünyada ən böyük
ticarət, sənətkarlıq və mədəni mərkəzlərdən birinə çevrilmişdi. Teymur işğal etdiyi ölkələrdən,
xüsusilə Azərbaycandan
çoxlu sənətkar, rəssam və alimləri Səmərqəndə göndərir və burada
möhtəşəm imarətlər, məscidlər, mədrəsələr tikdirirdi.
Teymurun nəvəsi
Uluq bəy Mavəraənnəhrə vali təyin edildikdən sonra Səmərqənd şəhəri daha da abadlaşdı
.
QEYD:
Ölkə ərazilərinin uluslara bölünməsi Teymurilər və Monqol dövlətləri arasında oxşar cəhət təşkil edir.
Teymur imperatorluğunun zəifləməsi və süqutu
Əmir Teymur Çingiz xan kimi sağlığında qurduğu dövləti oğlanları və nəvələri arasında bölüşdürmüşdü.
Lakin
Teymurun ölümündən sonra
daxili çəkişmələr, varisləri arasında hakimiyyət uğrunda mübarizə
və ara müharibələri
Teymuri dövlətini zəiflətdi və onun parçalanmasını sürətləndirdi
. Teymurdan sonra taxtda
Xəlil Sultan (1405-1409), daha
sonra
Şahruxa (1409-1447) çıxdı.
Şahruxun hakimiyyəti
dövründə:
Teymurilər dövlətinin paytaxtı
Herata köçürüldü.
Qaraqoyunlu dövlət Teymurilərdən asılı vəziyyətə düşdü.
Şahruxun ölümündən sonra dövlət zəiflədi. Teymurilərin zəifləməsindən istifadə edən Azərbaycan hökmdarı
Qaraqoyunlu Cahan şah vassal asılılığından çıxdı.
Şahruxun ölümündən sonra hakimiyyət
Uluqbəyə (1447-1449) keçdi. Uluqbəy dövləti uzun müddət idarə edə
bilmədi və oğlu
Əbdüllətif tərəfindən öldürüldü. Belə bir vəziyyətdə Mərkəzi Asiyada yeni yaranmış
Şeybanilər dövləti
ilə Teymurilər arasında mübarizə başladı.
Teymur imperiyasında hakimiyyətə gələn
Əbu Səid Teymur imperiyasını bərpa etməyə çalışdı. Bu zaman
Azərbaycanda qüvvətlənmiş Ağqoyunlular qaraqoyunlu hökmdarı Cahan şahı öldürərək Qaraqoyunlu dövlətinin varlığına
son qoydular. Teymuri Əbu Səid bir zamanlar Teymurilərin vassalı olmuş Cahan şahın öldürülməsini bəhanə edib
Ağqoyunlulara müharibə elan etdi. Azərbaycana yürüş edən Əbu Səid Ağqoyunlu hökmdarı
Uzun Həsən tərəfindən məğlub
edildi. Bu dövrdə
Şeybanilər teymurilərin
Buxara, Səmərqənd və digər ərazilərini tutdular. Teymurilərin əlində yalnız
Xorasan vilayəti qaldı.
Lakin sonuncu Teymuri hökmdarı
Hüseyn Bayqaranın (1470-1505) hakimiyyəti dövründə:
Şeybanilər qalibiyyətli müharibə nəticəsində ölkədən çıxarıldı.
Teymurilər imperatorluğu bərpa edildi
və dövlət
bir qədər gücləndi
.
Lakin Hüseyn Bayqaranın
ölümündən sonra Şeybanilərin hücumları gücləndi.
1507-ci ildə Məhəmməd Şeybani
xan Xorasanı tutdu və Teymurilər dövləti süqut etdi. Beləliklə, Teymurilər dövlətinin varlığına
Şeybanilər tərəfindən son
qoyuldu.