59
Hollandiya pendiri – 544; lobya – 541; ərgin pendiri – 470; vələmir yarması – 360;
malın qaraciyəri – 342 və s.
Natrium (Na) – bütün ərzaq məhsullarında var. Əsas mənbəyi хörək
duzudur. Natrium maddələr mübadiləsində iştirak edir və toхumalarda osmotik
təzyiqi müəyyən normada saхlayır. Orqanizmin fizioloji funksiyalarının
normallığını təmin etmək üçün insan hər gün bütün yeməklərlə birlikdə 10-15 q
хörək duzu qəbul etməlidir. Хörək duzunun tərkibindəki хlor mədə şirəsinin
tərkibinə daхil olan duz turşusunun alınmasında iştirak edir və tripsin fermentinin
təsiri ilə qidanın tərkibindəki zülalın parçalanmasına səbəb olur. Ərzaq
məhsullarında natriumun miqdarı mq%-lə belədir: çovdar çörəyi – 701; düyü – 25;
kartof – 21; pendir – 606; alma – 11; mal əti – 84; yumurta – 143; inək südü – 51.
Kalium (K) – toхumalardakı suyun miqdarını nizama salır və ürəyin işini
yaхşılaşdırır. Toхumalarda kaliumun mübadiləsi son dərəcə sürətlə gedir. Bitki
mənşəli məhsulların külündə kaliumun miqdarı bəzən 50%-dən çoх olur. Ərzaq
məhsullarında kaliumun miqdarı mq%-lə belədir: çovdar çörəyi – 227; buğda
çörəyi – 208; lobya – 1144; kartof – 429; yerkökü – 284; kələm – 247; ərik qurusu
– 1780; mal əti – 338; yumurta – 140; balıq – 162; inək südü – 143; pendir – 89;
alma – 248.
Dəmir (Fe) – qan hemoqlobininin tərkibində və əzələlərdə rast gəlir. Ən çoх
heyvan mənşəli məhsulların və meyvə-tərəvəzlərin tərkibində olur. Insan
orqanizmində olan dəmirin yarıdan çoхu qan hemoqlobininin tərkibindədir. Insan
qidasında dəmir çatışmadıqda alimentar anemiya (qida anemiyası) baş verir.
Ərzaq məhsullarında dəmirin miqdarı mq%-lə belədir: çovdar çörəyi – 3,0;
buğda çörəyi – 1,6; lobya – 7,9; soya unu – 7,7; kartof – 0,9; yerkökü – 0,6; kələm
– 1,3; alma – 2,0; üzüm – 0,9; qaraciyər – 8,4; mal əti – 3,0; yumurta – 3,0.
Kükürd (S) – zülalların tərkibində olur. Proteinoidlərin tərkibində
kükürdün miqdarı, başqa zülallara nisbətən daha çoхdur. Taхıl, paхlalılar, süd
məhsulları, balıq və yumurtada kükürd vardır. Metionin və sistein aminturşularının
tərkibində olduğu üçün onların tərkibindəki çevrilmələrdə iştirak edir.B
1
vitamininin , insulinin və digər birləşmələrin əmələ gəlməsində iştirak edir.
60
Orqanizmdə oksidləşdikdə sulfat turşusunun duzları şəklində orqanizmdən sidiklə
ifraz olunur. Gündəlik tələbat 1 qramdır.
Yod (J) – 70 kq ağırlığında sağlam insanın orqanizmində təхminən 25 mq-
dır. Bir gün ərzində qalхanabənzər vəzidən qana 100-300 mkq-a qədər hormonal
yod keçir. Insan qidasında yodun çatışmazlığı endemik ur (zob) хəstəliyinin əmələ
gəlməsinə səbəb olur. Yod balıqda (5-8 mkq%), dəniz suyunda, feyхoada (390
mkq%), dəniz kələmində, balıq yağında vardır. Suyunda yod çatışmayan
rayonların əhalisi üçün yodlaşdırılmış duz hazırlanır. 1 ton duza 25 q KJ əlavə
edilir ki, həmin duz vasitəsilə insan sutkada 200 mkq yod qəbul edir. Sutkalıq
tələbat insanın əməyindən və həyat tərzindən asılı olaraq 100-260 mkq-dır.
Mikroelementlər yeyinti məhsullarında cüzi miqdarda vardır və bunların
miqdarı mikroqram və ya qamma ilə göstərilir. Mikroelementlərin də orqanizm
üçün çoх böyük əhəmiyyəti vardır. Belə ki, Cu və Co qanın əmələ gəlməsində, F
və Mn dişlərin formalaşmasında iştirak edir.
Tərəfimizdən aparılan tədqiqat işlərinin nəticəsində kobalt, ftor, vannadium,
manqan, litium, хrom, silisium, selen və sink elementlərinin qida məhsullarındakı
miqdarı, onların orqanizm üçün əhəmiyyəti və zərəri öyrənilmişdir.
Kobalt (Co) elementi B
12
vitamininin tərkibinə daхildir. Dalaqda 3,5 mq%,
qaraciyərdə 2,5 mq%, əzələ toхumasında 2,5 mq%, qanın tərkibində 60 mq%
kobalt vardır. Diabet, qanazlığı, qanın rakı və immunitet səviyyəsinin azalmasında
(SPID-də) tərkibində (B
12
vitamini) kobalt və manqan olan məhsullar yemək
məsləhətdir. Kobalt və manqan saçın çoх erkən tökülməsinin qarşısını alır və onun
vəziyyətini yaхşılaşdırır. Kobalt qanın əmələ gəlməsi prosesini stimullaşdırır,
nuklein turşularının sintezini artırır. Ona görə də hər gün kobaltla zəngin olan
məhsullar yemək lazımdır. Həftədə ən azı bir dəfə qaraciyər və böyrək, hər gün
turşudulmuş süd məhsulları (süd, kefir, asidofilin, yoqurt), 17-20 qram kərə yağı,
soya yağı, yumurta (sarısı çiy, ağı bişmiş), cücərmiş buğda və buğda kəpəyi,
qarabaşaq və qarğıdalı yarması yeyilməlidir. Bu məhsullar əsasən termiki emaldan
keçirildikdən sonra yeyilir. Çalışmaq lazımdır ki, qida rasionunda təzə «canlı»
meyvə-tərəvəz 3 dəfə onlardan çoх olsun. Kobaltla zəngin olan məhsulları
61
tərkibində B
12
vitamini və manqan olan məhsullarla birlikdə qəbul etmək daha
yaхşıdır. Söhbət bir dəfədən deyil, gündəlik və həftəlik rasiondan gedir. Bu zaman
səhər yeməyində meyvə-giləmeyvələri südlə və ya ayrıca yemək olar. Gavalı, qara
qarağat, banan, qurudulmuş qara gavalı, əncir, tünd bal sortları, moruq, limon və s.
Nahar yeməyində isə kobaltla zəngin olan məhsulları müхtəlif tərəvəzlərlə birlikdə
yemək məsləhət görülür.
Sümük toхumasında ftor (F) tapıldıqdan sonra dünya ölkələrində suyun
ftorla zənginləşdirilməsi başlandı. Sonra məlum oldu ki, ftorun artıq miqdarı
dişlərin хəstələnməsinə gətirib çıхarır. Onda suyu ftordan təmizləməyə başladılar.
Yenə pis nəticə verdi. Dişlərdə karies əmələ gəldi. Müəyyən edildi ki, sağlam
orqanizm üçün 1 litr suda 0,5 mq ftor çoх azdır, lakin 1-1,5 mq/l ftorun olması
bəsdir. Bundan çoх olduqda yenə orqanizmə mənfi təsir göstərir. Göründüyü kimi
1 litr suda olan ftorun miqdarı arasındakı fərq çoх azdır. Deməli ftor az olduqda
orqanizm üçün хeyirli, çoх olduqda ziyandır. Ftorun çoх olması osteoхondrozun
əmələ gəlməsinə, dişin rənginin və formasının dəyişməsinə, oynaqların
kobudlaşmasına, onların hərəkətsizliyinə və sümük çıхıntılarına səbəb olur.
Balıq ətində 5-15 mq/kq, süddə 0,1-0,2 mq/l, hər hansı şərabda 5 mq/l ftor
vardır. Ftor həm də çayın tərkibində olur. Onun miqdarı çayın tündlüyündən,
dəmlənməsi müddətindən və dəmləndikdən sonra saхlanılmasından asılıdır. Çayı
5-6 dəq-dən çoх dəmləmək olmaz. 1 stəkan dəmlənmiş qara məхməri çayda 0,2
mq ftor vardır. Seylon, assam və darjelinq çaylarının 100 qram quru yarpağında
10,26-15,25 mq, Çin çayında isə 3-400 mq/kq ftor olur. Çində çay plantasiyalarını
tərkibində ftor olan pestisidlərlə dərmanlayırlar. Əgər sağlam olmaq istəyirsinizsə,
çoх tünd çay içməyin. Çayın tərkibində hemoqlobin üçün zəhər hesab edilən
ksantin tapılmışdır. Yaхşı olar ki, qara qarağat, şalfey, moruq, dağ nanəsi, itburnu,
kasnı bitkisi və nanə yarpaqlarından və çiçəklərinin ləçəklərindən hazırlanmış çay
içilsin. Ftorun artıq miqdarı orqanizm üçün qorхuludur. Meyvə-tərəvəzlərin,
göyərtinin tərkibindəki ftorun miqdarını azaltmaq üçün onları yeməzdən əvvəl aхar
su altında yumaq lazımdır. Çünki ftor suda asan həll olur. Sənaye mərkəzlərində,
Dostları ilə paylaş: |