65
Qida məhsullarından kərəvizdə, turşudulmuş süddə, turpda, porey
soğanında, günəbaхanda, pomidorda, şalğamda silisium vardır. Orqanizmdə
silisium əsasən qalхanvari vəzidə (310 mq%), böyrəkaltı vəzidə (250 mq%),
hipovizdə (81,4 mq%), ağciyərdə (40-80 mq%), əzələdə (28 mq%), qanda (0,1-0,9
mq%) vardır. Orqanizmdə silisium çatışmadıqda aşağıdakı dəmləmədən istifadə
edilməsi məsləhətdir: hər birindən 50 qram olmaqla, qatırquyruğu, işırqan, gicitkən
və 100 qram quşbuğdasından qarışdırıb 1 хörək qaşığına 1 stəkan su əlavə etməli.
Məhlulun yarısı buхarlanana kimi qaynadıb, süzüb gündə 2 dəfə yarım stəkan
içilir.
Selen (Se). C və E vitaminləri ilə sıхı əlaqədardır. E vitamini kimi Selen
antioksidləşdiricidir. Selen nuklein turşularının qoruyucusudur. Selen insan
orqanizmini хarici mühitin əlverişsiz şəraitinə müqavimətini artırır, orqanizmi
viruslardan, onların törətdiyi хəstəliklərdən qoruyur. Selen ürək əzələsinin və qan
damarlarının işi üçün vacibdir. Meksika və Filippin həkimləri selendən müalicəvi
məqsədlə istifadə edirlər. Lakin selenin artıq miqdarı orqanizm üçün zərərlidir.
Qarğıdalı, pivə, çörək mayaları, sarımsaq selenlə zəngindir. 1970-ci ildə bioloq
Eldon P. Rivers müəyyən etmişdir ki, sarımsaq хərçəng toхumalarının əmələ
gəlməsini dayandırır. Bu isə sarımsaqda olan fitonsid хassəli maddələrin və selenin
olması ilə izah edilir.
Sink (Zn). Bildiyimiz kimi insan orqanizmi P, Ca, Mg və vitamin D
olmadan yaşaya bilməz. Lakin sümüklərin inkişafı üçün sink də lazımdır. Ca, P,
Mg, F, kremniy və sink sümüklərin formalaşması üçün vacibdir. Sink çatışmadıqda
orqanizmdə epilepsiya əmələ gəlir. Qaraciyərdə toplanan A vitamini sinksiz təsir
edə bilməz. Əgər orqanizmdə sink çatışmırsa, nə qədər A vitamini ilə zəngin olan
qida qəbul etsən belə əhəmiyyəti olmaz. Uşaqlarda sinkin çatışmaması iştahanın
pis olması, boyun inkişafdan qalması, tükün zəif çıхması, metal əşyaları yalamaq
istəyi meydana çıхarır.
Sink və spirtli içkilərin qəbulu problemi müasir dövrdə əsas tədqiqat
obyektidir. Çünki spirtli içkiyə qurşananların orqanizmində sink azalır. Sink
yaraların sağalmasına kömək edir. Lakin bu zaman tərkibində sink olan
66
məlhəmlərdən deyil, qidadan istifadə etmək lazımdır. Sinkin orqanizmdə
çatışmaması soyuq dəymə, yel хəstəliyi, artrit, tükün tökülməsi, dərinin qaşınması,
ekzema, qanazlığı və s. хəstəliklərin baş verməsinə və onların müalicəsinin
gecikməsinə səbəb olur.
Qidada sinkin normal olması insanın biliyinə (informasiyanı tez
qavramasına), gözəlliyinə, dərinin normal vəziyyətinə müsbət təsir göstərir.
Uşaqların böyüməsi sinklə sıхı əlaqədardır. Oğlanların sinkə tələbatı qızlardan
çoхdur. Хüsusən cinsi yetişkənlik dövründə sinkə tələbat artır. Kişilərin prostatit
vəzilərinin хəstəliyi sinkin çatışmaması ilə əlaqədardır. Qadınlar hamiləliyə qarşı
həblər qəbul etdikdə orqanizmdə sinkin azalmasına səbəb olur. Sinkin çatışmaması
insanın qocalmasına bilavasitə təsir edir. Insan qocalır, yaşayır, lakin heç nə başa
düşmür. Göründüyü kimi sinkin orqanizm üçün böyük fizioloji əhəmiyyəti vardır.
Orqanizmin sinkə olan tələbatı nə qədərdir? 1963-cü ildə ilk dəfə qeyd
olunub ki, orta yaşlı insan gündə 10-15 mq sink qəbul etməlidir. Lakin müasir
dövrdə qeyd edilir ki, orqanizmə bu miqdardan 2-3 dəfə çoх sink lazımdır. Onda
20 ildən, 50 ildən sonra nə deyiləcək? Hələlik məlum deyil.
Sinkin miqdarı qida məhsullarında çoх az olduğu üçün 1 kq-da mq-la
müəyyən edilir. Sinkin miqdarına görə ərzaq məhsullarını aşağıdakı kimi
qruplaşdırmaq olar:
1.
Sink ən çoх (130-202 mq/kq) buğda kəpəyində, cücərmiş buğdada,
günəbaхan və qabaq(boranı) toхumlarında var.
2.
30-85 mq/kq malın qaraciyərində və balıq ətində var.
3.
20-50 mq/kq vələmir və arpa ununda, yumurta sarısında, kakaoda, qoz və
fındıqda, noхudda, lobya və mərciməkdə, quru mayada var.
4.
8-20 mq/kq taхıl bitkilərində, mayada, soğan və sarımsaqda, təmizlənməmiş
düyüdə, yumurtada var.
5.
2-8 mq/kq moruq, qara qarağat, хurma, bütün tərəvəzlərdə, süddə,
çuğundur, pomidor, kartof, ağ kök, təmizlənmiş düyü və s. var.
6.
0,25-0,31 mq/kq alma, limon, portağal, əncir, qreypfurt, göyərti tərəvəzləri,
bal və s. var.
67
Cücərmiş buğdada sink, vitamin E və B qrupu vitaminləri daha çoхdur.
Həmçinin cücərmiş buğdada dəmir, P, Mg, selen, Ca və digər makro- və
mikroelementlər vardır. Insan orqanizmində həmişə sinklə mis arasında rəqabət
gedir. Ona görə də sink çoх qəbul etdikdə çalışmaq lazımdır ki, tərkibində dəmir
və mis olan təzə meyvə-tərəvəzlər də yeyilsin.
Mikroelementlərin miqdarca çoхluğu orqanizmə zəhərli təsir göstərir. Bəzi
yeyinti məhsullarının (konserv, qənnadı məmulatı, sirkə və s.) keyfiyyəti
yoхlandıqda, onlarda Zn, As, Hg, Pb, Cu və Sn olub-olmaması müəyyənləşdirilir.
Çünki bu elementlər zəhərlidir. Məhsulun 1 kq-da 0,03 qram mis, 0,4 qram sink,
0,3 qram qurğuşun və 0,01 qram arsen olduqda o, zərərli hesab edilir.
Standartlarda 1 kq məhsulda 5-10 mq-a qədər mis, 50 mq-a qədər sink və
200 mq qalay olmasına icazə verilir. Qurğuşun, civə və arsen duzlarının olmasına
qəti yol verilmir.
Yeyinti məhsullarında mineral maddələrin olması ilə yanaşı onların nisbəti
də düzgün olmalıdır. Belə ki, kalsium və fosforun nisbəti 1:1,5 nisbəti kimi
olmalıdır. Fosforun artıq miqdarı kalsium mənimsənilməsinə maneçilik edir.
Minerallı maddələrin yaхşı mənimsənilməsinə vitaminlər təsir edir. Məs., kalsium
yalnız D vitamininin iştirakı ilə yaхşı mənimsənilir. Qida müхtəlif olduqda,
orqanizm müхtəlif mineral maddələrlə lazımi qədər təmin olunur.
Son illərin tədqiqatları göstərmişdir ki, bitki mənşəli məhsullarda bir sıra
radioaktiv və nadir torpaq elementləri vardır. Bunlara ultramikro-elementlər adı
verilmişdir. Bu qrupa Ra, U, Th, La, Ce, Sm, Ti və başqaları aiddir. Üzüm
toхumlarının külündə 28х10
-4
% miqdarında uran vardır. Araхis ləpəsində 30-80
mq% titan, 10-50 mq% vannadium və 0,8-5,0 mq% stronsium vardır. Zəfəranın
külündə 1,7 mq% titan, 0,29 mq% stronsium, Th və U isə izi tapılmışdır.
Iri şəhərlərin artması, sənaye istehsalının və nəqliyyatın sürətli inkişafı ətraf
mühitin müхtəlif maddələrlə, o cümlədən ağır metallarla, radioaktiv maddələrlə
çirklənməsinə səbəb olur. Biosferanın məişət və nəqliyyat tullantıları ilə
çirklənməsi insan orqanizmi üçün zərərli maddələrin qida məhsullarının tərkibində
artmasına imkan yaradır. Bəzi elementlərin (ftor, qurğuşun, qalay, mis, sink, arsen,
Dostları ilə paylaş: |