148
çətinlikdən,
hətta ölümdən belə qorxmamaq, mərd, igid, cəsarətli olmaq, doğma
yurdun keşiyini layiqincə çəkmək tövsiyə olunur.
Çıxarılmış nəticələrin fərziyyələrlə və tədqiqat sualı ilə müqayisəsinə diqqət
yetirilir.
Qiymətləndirmə. Formativ qiymətləndirmə aparılarkən 38-45-ci səhifələrdə
verilmiş müvafiq qiymətləndirmə meyarları və səviyyələri üzrə cədvəllərdən
istifadə məqsədəuyğundur.
Müəllim dərslikdəki “Evdə iş” başlıqlı tapşırığın
evdə yerinə yetiriləcəyini
şagirdlərə xatırladır.
Mövzu: Məmməd Araz. “Əsgər məktubu” – 3 saat
İkinci saat: Təhlil üzrə iş
Standartlar
Təlim nəticələri
1.2.2.
Müəllifin mühakimələrindən çıxış etməklə lirik qəhrəmanı
səciyyələndirir.
1.2.4.
Şeirin ideya-bədii xüsusiyyətlərini şərh edir, onlara
əsaslandırılmış münasibət bildirir.
2.2.1.
Şeirlə bağlı müzakirələrdə mövzuya, problemə tənqidi
münasibətini əsaslandırır, fərqli fikirlərə dözümlülük
nümayiş etdirir.
Dərsin gedişi
Ev tapşırığının yerinə yetirilməsi səviyyəsi təqdimatların dinlənilməsi və müza-
kirəsi əsasında müəyyənləşdirilə bilər. Həmin prosesdə müvafiq qiymətləndirmə
meyarlarına müraciət edilməsi məqsədəuyğundur.
Motivasiya, problemin qoyuluşu. Bu mərhələnin təşkilində fərqli yollardan
istifadə etmək olar. Məsələn, dərslikdəki “Düşünün” başlıqlı sual (
Əsgər məktubu
haqqında şeir yazmaqda şairin niyyəti nə ola bilər?) üzrə müsahibə əsasında
tədqiqat sualını müəyyənləşdirmək mümkündür.
Tədqiqat sualı: “Müəllif “Əsgər məktubu” şeirində torpaqlarımızın etibarlı
müdafiəçilərinin parlaq obrazını yaratmışdır” fikrini doğru saymaq olarmı?
Fərziyyələri dinlənilir və qeyd olunur.
Tədqiqatın aparılması. Bu mərhələdə fərqli metod və iş formalarından
istifadə etmək mümkündür. Lakin bütün hallarda dərslikdəki “Əsərin təhlilinə ha-
zırlaşın” mətninə və “Araşdırın. Fikirləşin. Cavab verin” başlıqlı tapşırığa müraciət
edilməsi vacibdir.
“Əsərin təhlilinə hazırlaşın” mətni ilə tanışlıq şeirin yazılma səbəbi barədə
şagirdlərdə təsəvvür yaradır. Vətənin müdafiəsi ilə bağlı şagirdlərin məlumatlarının
aşkara çıxarılması və zənginləşdirilməsi şairi düşündürən problemin başa
düşülməsinə səbəb olur.
149
“Araşdırın. Fikirləşin. Cavab verin” başlıqlı tapşırıq
iş vərəqlərində əks
etdirilərək kiçik qruplara təqdim olunur. Qrupların işini izləyən müəllim, yeri
gəldikcə, yönləndirici suallar vasitəsi ilə onların fəaliyyətinə istiqamət verir,
hazırlanan təqdimatların məzmununa diqqət yetirir.
Tapşırığın bütün tələbləri tədqiqat sualının məğzi, mahiyyəti ilə əlaqədardır.
Qruplar icra etdikləri işin tədqiqat sualının aydınlaşdırılmasında hansı rol
oynadığını aydın təsəvvür etməlidirlər. Bunun üçün müəllimin tədqiqatöncəsi
təlimatı, xüsusilə əhəmiyyətlidir.
Məlumat mübadiləsi və müzakirəsi mərhələsində,
ilk növbədə, təqdimatların
dinlənilməsi əsasında fikir mübadiləsi aparılır. Çıxış edənlərə sualların verilməsinə,
qrupların bir-birinin işinin məzmunu ilə ətraflı tanış olmalarına diqqət yetirilir. Mə-
lumat mübadiləsinin səmərəli keçməsi
müzakirənin canlı, diskussiya səciyyəli
olmasına imkan yaradır. Birtərəfli mülahizələr, yanlış mövqelər
tədricən aradan
qalxır. Cavabların müqayisə edilməsi və qruplaşdırılması nəticənin çıxarılması,
ümumiləşdirmənin aparılması işini asanlaşdırır.
Nəticə, ümumiləşdirmə. Deyilmiş bütün fikirlərin vahid ideya halına salınma-
sında, bütöv, bitkin cavabın hazırlanmasında müəllimin istiqamətləndirici sualları
az rol oynamır. Şagirdlərdə belə bir qənaət möhkəmlənir ki, şair Vətənin müdafiə-
sini, vətəndaşların qorunmasını müqəddəs vəzifə sayır. Vətənimizin toxunulmazlı-
ğının, insanlarımızın salamatlığının keşiyində dayanan əsgər oğullarımızın arzu və
istəkləri, səmimi hiss və duyğuları əsərdə yüksək sənətkarlıqla əks etdirilmişdir.
Çıxarılmış nəticələr tədqiqat sualı və fərziyyələrlə müqayisə edilir.
Şagirdlərin diqqəti müzakirə üçün təqdim olunmuş mövzuya cəlb edilir.
Müzakirədə sinfin fəal iştirakına şərait yaradılır.
Qiymətləndirmə. Formativ qiymətləndirmə aparılarkən 38-45-ci səhifələrdə
verilmiş müvafiq qiymətləndirmə meyarları və səviyyələri üzrə cədvəllərdən
istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə yetiriləcəyini
şagirdlərə xatırladır.
Mövzu: Məmməd Araz. “Əsgər məktubu” – 3 saat
Üçüncü saat: Tətbiq. Müzakirə. Yaradıcı iş
Standartlar
Təlim nəticələri
1.1.1.
Şeirdə tanış olmayan sözlərin mənasını lüğətlərdən, sorğu
kitablarından istifadə etməklə aydınlaşdırır.
1.1.2.
Şeiri ideya-məzmununa uyğun ifadəli oxuyur.
1.2.4.
Şeirin mövzusunu, ideya-bədii xüsusiyyətlərini şərh edir,
onlara əsaslandırılmış münasibət bildirir.
2.1.2.
Şeirin mövzusuna, problemə müqayisələr, ümumiləşdirmələr
aparmaqla münasibət bildirir.
150
Dərsin gedişi
Ev tapşırığının yerinə yetirilməsi səviyyəsi təqdimatların
dinlənilməsi və mü-
zakirəsi əsasında müəyyənləşdirilə bilər. Həmin prosesdə müvafiq qiymətləndirmə
meyarlarına müraciət edilməsi məqsədəuyğundur.
Motivasiya, problemin qoyuluşu. Bu mərhələnin təşkilində fərqli yollardan
istifadə etmək olar. Suallardan istifadə ilə motivasiya yaratmağı qarşısına məqsəd
qoyan müəllim şagirdlərə tanış olduqları əsgər obrazlarını yada salmağı təklif edir.
Yığcam müsahibə tədqiqat sualının müəyyənləşdirilməsi ilə yekunlaşır.
Tədqiqat sualı: Sənətkarın oxşar mövzuda yazdığı əsərlər üçün hansı cəhətlər
ortaq ola bilər?
Tədqiqatın aparılması. Dərslikdə təklif edilmiş tapşırıqların ardıcıl yerinə
yetirilməsi tədqiqat sualının aydınlaşdırılmasına imkan verir. İlk növbədə,
M.Arazın “Əsgər oğul” şeirinin oxusu təşkil edilir. Oxunun hansı formada aparıl-
masından asılı olmayaraq, əsərdə tanış olmayan sözlərin mənasının aydınlaşdırıl-
ması həyata keçirilir. Müəllimin təklifi ilə kiçik qruplarda birləşən şagirdlər şeirin
məzmununa aid suallar və onlara cavab hazırlayırlar. Sualların və onlara hazırlan-
mış cavabların təqdimat əsasında
müzakirəsi keçirilir. Yığcam müsahibə aparıl-
maqla şeirin məzmununun bütövlükdə mənimsənilməsinə nail olunur. Bu, əsərin
ideyasının müəyyənləşdirilməsi üzrə kiçik qruplarda aparılan
növbəti işin səmərəli-
liyinə əhəmiyyətli dərəcədə təsir edir.
Müəllim istiqamətləndirici suallardan istifadə etməklə “Əsgər məktubu” və
“Əsgər oğul” şeirlərinin hansı əsaslar üzrə müqayisə ediləcəyini şagirdlərin
müstəqil müəyyənləşdirmələrinə nail olur. Kiçik qruplar bu əsərlərin mövzu,
məzmun, ideya, problem və s. baxımından müqayisəsi üzrə işləyir. Müqayisənin
nəticələrinin cədvəldə qeyd edilməsi məqsədəuyğundur. Çıxarılmış nəticələrlə
bağlı təqdimat əsasında
fikir mübadiləsi və müzakirə aparılır.
Vaxtdan səmərəli istifadə edildikdə dərslikdə ifadəli oxu ilə bağlı təklif edilmiş
tapşırığın yerinə yetirilməsinə imkan yaranır. Tapşırığı fərdi icra edən şagirdlərə,
ehtiyac yaranan məqamlarda istiqamət verilir. İfaların
dinlənilib müqayisə edilməsi
faydalıdır.
Qiymətləndirmə. Formativ qiymətləndirmə aparılarkən 38-45-ci səhifələrdə
verilmiş müvafiq qiymətləndirmə meyarları və səviyyələri üzrə cədvəllərdən
istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə yetiriləcəyini
şagirdlərə xatırladır.