İNSAN ALVERİNƏ QARŞI MÜBARİZƏ - DƏRS VƏSAİTİ
130
18.2. İnsan alverindən zərər çəkmiş şəxslər barəsində tətbiq olunan təhlükəsizlik tədbirləri insan
alveri ilə bağlı cinayətlərə dair ibtidai araşdırma, məhkəmə baxışı, habelə məhkəmənin yekun
qərarı çıxarıldıqdan sonrakı dövr də daxil olmaqla, təhlükə tam aradan qalxanadək davam
etdirilir.
18.3. İnsan alverindən zərər çəkmiş şəxslərin şəxsiyyətinin anonimliyinin təmin edilməsi
məqsədi ilə uydurma adlardan istifadə edilə bilər.
Azərbaycan Respublikasında İnsan Alverinə qarşı Mübarizə haqqında 2014 – 2018-ci illər üçün Milli
Fəaliyyət Planında tədbirlərdən biri kimi aşağıdakılar nəzərdə tutulur.
“5. İnsan alveri cinayətlərinə qarşı cinayət təqibi:
[…] 5.3. İnsan alverinə qarşı mübarizə üzrə şahidlərin və cinayət təqibini həyata keçirən
orqanlarla əməkdaşlıq edən şəхslərin müdafiəsi işini təkmilləşdirmək və istintaq üçün faydalı
olan informasiyanın verilməsini stimullaşdırmaq üçün tədbirlər görülməsi nəzərdə tutulur”.
İnsan alveri ilə mübarizə haqqında Azərbaycan Respublikasının Qanununun 4.0.2-ci maddəsində
deyilir ki, insan alveri ilə mübarizədə əsas prinsiplərdən biri aşağıdakıdır:
“İnsan alveri qurbanlarının təhlükəsizliyinin və onlarla nəzakətli rəftarın təmin edilməsi”.
İnsan alveri ilə mübarizə haqqında Azərbaycan Respublikasının Qanununun 17-ci maddəsi
“İnsan
alveri qurbanlarına yardım göstərilməsi və onların müdafiəsi üzrə tədbirləri”ni müəyyən edir. Həmin
qanunun
“İnsan alverindən zərər çəkmiş şəxslərin təhlükəsizliyinin təmin edilməsi” başlıqlı 18-ci
maddəsində cinayət mühakimə prosesi zamanı şahidlərin müdafiəsi ilə bağlı tədbirlər nəzərdə
tutulur.
211
Cinayət prosesində iştirak edən şəxslərin dövlət müdafiəsi haqqında Azərbaycan Respublikasının
Qanununda da qurbanların müdafiəsi nəzərdə tutulur.
“Qanunun təyinatı” adlı 1-ci maddədə deyilir:
“Bu Qanun cinayət işi üzrə zərər çəkən şəxslərin, şahidlərin və cinayət prosesində iştirak edən digər
şəxslərin təhlükəsizliyinin təmin edilməsini və sosial müdafiəsini nəzərdə tutan tədbirlər sistemini
müəyyənləşdirir. Bu Qanunla müəyyənləşdirilmiş təhlükəsizlik tədbirləri o halda tətbiq edilir ki,
yuxarıda göstərilən şəxslərin təhlükəsizliyinin başqa vasitələrlə təmin edilməsi mümkün deyildir”.
6.12.2 Uşaq alverinə görə məhkumetmə
Azərbaycan Respublikasının Cinayət Məcəlləsinin 144(1.2.3)-cü maddəsində yetkinlik yaşına
çatmayan şəxsə qarşı insan alveri əməlinin törədilməsi nəzərdə tutulur. Cinayət Məcəlləsinin
144(1.3)-cü maddəsində
“on ildən on beş ilədək” artırılmış cəza müəyyən olunur.
211
Bax, 5-ci Əlavə.
İNSAN ALVERİNƏ QARŞI MÜBARİZƏ- DƏRS VƏSAİTİ
131
6.13 Hüquqi yardım
2009 – 2013-cü illər üçün Azərbaycanın Milli Fəaliyyət Planının
“insan alverinə qarşı təqiblərin
gücləndirilməsi” başlıqlı 6-cı fəslinə
“vəkilləri məhkəmə proseslərində insan alveri qurbanlarının
müdafiəsinə cəlb etmək” üçün müddəa daxil edilmişdir. Əlavə olaraq, MFP-də, Hökumətdən
qurbanlara göstərilən hüquqi yardımın səmərəli, uzunmüddətli və dayanıqlı olmasını təmin etmək
tələb olunurdu.
212
İnsan alveri qurbanları ilə bağlı Milli İstiqamətləndirmə Mexanizmi Qaydalarının
“Qurbanların
hüquqlarının müdafiəsi” başlıqlı 3-cü maddəsində deyilir:
“3.1. Qurbanlar pulsuz hüquqi yardım almaq hüququna malikdirlər. Qurbanlar pulsuz hüquqi yardım
və bu yardımı göstərən təşkilatlar barədə xüsusi polis qurumu və qeyri-hökumət təşkilatlarından
məlumat alırlar”.
6.13.1 Qurbanların cəzadan azad olunması
İnsan alveri ilə mübarizə haqqında Azərbaycan Respublikasının Qanununun
“İnsan alveri
qurbanlarına yardım göstərilməsi və onların müdafiəsi üzrə tədbirlər” başlıqlı 17.7-ci maddəsində
deyilir:
“İnsan alverindən zərər çəkmiş şəxslər bilavasitə insan alverinin qurbanı vəziyyətində olmasının
nəticəsində məcburetmə və ya təhdid altında törətdikləri əməllərə görə Azərbaycan
Respublikasının qanunvericiliyi ilə müəyyən edilmiş qaydada və hallarda mülki, inzibati və
cinayət məsuliyyətindən azad edilirlər”.
6.14 Azərbaycan Respublikasında kompensasiya
Azərbaycan Respublikasının Cinayət Prosessual Məcəlləsinin (14 iyul 2000-ci ildə qəbul edilmişdir) XX
Fəslində “Qurbanlara kompensasiyanın ödənilməsi” nəzərdə tutulur. 189-cu maddədə qurbanın
kompensasiya almaq hüququ nəzərdə tutulur, 190-cı maddədə qurbanlara ödəniləcək
kompensasiyanın məbləği müəyyən edilir və 191-ci maddəyə əsasən qurbanlar, cinayət əməli
nəticəsində, cinayət məhkəmələri qarşısında onlara kompensasiyanın ödənilməsini tələb edə bilərlər.
“Qurbanlara dövlət hesabına kompensasiya verilməsi məsələsinin həlli qaydası”na dair 191-ci
maddədə deyilir:
“191.1. Azərbaycan Respublikası dövlət büdcəsinin vəsaiti hesabına zərər çəkmiş şəxsə cinayət
qanunu ilə nəzərdə tutulmuş əməllə vurulmuş ziyana görə kompensasiya verilməsi məsələsini
zərər çəkmiş şəxsin ərizəsi ilə məhkəmə həll edir.
191.2. Zərər çəkmiş şəxsə Azərbaycan Respublikasının dövlət büdcəsinin vəsaiti hesabına
kompensasiya verilməsi haqqında qərarı ittiham hökmündə əks etdirərkən məhkəmə həmçinin
kompensasiya qismində ayrılan pul məbləğinin məhkum edilmiş şəxsdən tutulub dövlət
büdcəsinə qaytarılmasını hökmdə göstərir”.
212
ATƏT
Ehtiyacların Qiymətləndirilməsinə dair Hesabat. Azərbaycan Respublikasında insan alveri əleyhinə
tədbirlər. 2010-cu il, səh. 22.