25
Təlim nəticəsi 2: Alətlərlə işləyərkən aqreqatları sınaq edərkən əmək təhlükəsizliyi və iş zamanı
yarana biləcək yanğın təhlükəsizliyi tədbirlərini bilir və tətbiq etməyi bacarır
2.1.1. Elektriklə işləyən alətlərdən istifadə zamanı əməl ediləcək təhlükəsizlik tədbirlərini
sadalayır
Elektrik avadanlıqları və alətləri ilə işləyən zaman təhlükəsizlik tələbləri
Alətin uzun müddət istismara yararlığını təmin etmək üçün onu təmiz və
səliqəli saxlamaq, həmçinin də iş yerinin səliqə-səhmanına fikir vermək lazımdır. İş
yerinizə lazımsız şeyləri yığmayın, bu iş prosesində zədələnmələrə gətirib çıxara
bilər.
Alətlə işə başlamazdan əvvəl onun ətraf mühitin temperaturuna çatmasını gözləmək,
aləti
əlinizdə bərk tutmaq, elektrik
alətini elektrik şəbəkəsinə, onu söndürülmüş vəziyyətdə yoxladıqdan
sonra qoşmaq lazımdır. Divarlarda və tavanda işləyərkən elektrik kabelləri keçən yerlərdə ehtiyatlı olun.
Alətin metal hissələrinə toxunmayın. Elektrik cərəyanı vurmasının qarşısını almaq üçün alətin yalnız
izolyasiya olunmuş hissəsindən tutun. Burğu aləti ilə işləyərkən burğulama əməliyyatından sonra
burğuya əl ilə toxunmayın. Onlar qaynar olduğu üçün əlinizi yandıra bilər.
Əgər alətdən istifadə
etmirsinizsə, onu quru yerdə saxlayın.
Şəkil 2.1 Elektriklə işləyərkən diqqətli olun
Şəkil 2.2 İş yerində alkoqol və narkotika qəbul etmək
olmaz
Əyninizə ölçüsü böyük və ya sallanan geyim geyməyin, çünki avadanlığın fırlanan hissəsinə ilişə
bilər. İş prosesində yalnız xüsusi geyimdən istifadə edin. Aləti rozetkadan çıxararkən və daşıyarkən alətin
şunurundan dartmayın. Alətin şunurunu isti və yağlı yerlərdən aralı tutun,
alətin təsadüfi işə
salınmasının qarşısını alın. Aləti bir yerdən başqa yerə apararkən barmağınızı alətin işəsalma açarının
üzərinə qoymayın. Aləti işə salmamışdan əvvəl onun sönülü vəziyyətdə olduğuna əmin olun. Onun
taxma başlıqlarının itiliyinə fikir verin və təmiz saxlayın. Elektrik ötürücülüyü olan alətlərlə nəm və
rütubətli otaqlarda işləməyin. Alətlərin yağlanması və hissələrinin dəyişdirilməsi zamanı təlimatlara
riayət etmək və şunuruna daim nəzarət etmək lazımdır.
Əgər zədələnmişdirsə, onda texniki xidmət
müəssisəsinə müraciət edilməli və həmin alətin dəstəyini təmiz və quru saxlanmalı, yağ və s. ləkələri
26
təmizlənməlidir. Elektriklə işləyən alətlər 16 yaşı tamam olmayan yeniyetmələrə və iş təcrübəsi olmayan
şəxslərə etibar edilməməlidir.
Dostları ilə paylaş: 
