98
-Mənə layiq olan hörməti niyə öncədən göstərmədin?
-Padşahım, tələbələr dünyada xocadan daha böyük adam
olduğunu bilməzlər. Əcər təzimatımı onların yanında etsəydim,
onlar , deməli xocadan da böyük adam varmış deyər və məni
saymazlar. Mən də onları bu ölkəyə layiq övladlar olaraq
yetişdirə bilmərəm.
Xocanın bu sözlərindən məmnun olan ikinci Mahmud, bu
müəllimi ihsanda bulundu.
Əmir Süleyman və xocası
İldırım Bəyazidin oğlu Əmir Süleyman dərslərinə pis
çalışırdı. Şahzadənin tənbəlliyini görən müəllim onu falaqqaya
yatırıb zoğal çubuqla döyür. Şahzadə atası İldırım Bayazidin
yanına gedərək müəllimindən şikayət edir.
İldırım müəllimin yanına gələrək soruşur:
-Oğlum Süleymanı niyə döydün?
-Sabah şahzadə böyük bir dövlətin başına keçəcək. Cahil
qalarsa, dövləti idarə edə bilməz, çünki elmdən bixəbərdir - deyir.
-Sabah mən bura yenə gəlib soruşacam. Bu dəfə zopa ilə
mənə hücum edərsiniz.
Ertəsigün İldırım oğlu ilə bərabər xocanın yanına gəlir və
oğlunun döyülməsinin səbəbini soruşur. Xoca zopanı götürüb
padşahın üzərinə hücum edir. Oğlu və İldırım oradan qaçırlar.
Görürsənmi, xocanın qəzəbindən mən də qorxdum.
Dərslərinə çalışmaqdan başqa çarə yoxdur. Bizi bu xocalar belə
yetişdirmişlər.
Atasının xocadan qorxduğunu görən Süleyman dərslərinə
müntəzəm çalışmağa başladı. Keçmiş zamanlar atalar uşalarını
tərbiyə üçün xocaya təhvil verəndə:
-«Əti sənin, sümüyü mənim» – deyərdilər.
Həzrəti Peyğəmbərimizin bir kəlamında deyilir: «İki şəxs
doymaq bilməz: elm təşnəsi və dünya malı hərisi». Qeyd edək
ki, dünya malı xərcləndikcə azalır, elm xərcləndikcə çoxalır.
99
Biliyin, intellektual sərvətin üstün dəyərini göstərən digər
bir misal çəkmək istəyirəm:
Antik dövrlərdə iranlılar Kiçik Asiyada yunanların
sahilboyu şəhərlərini zəbt edəndə məşhur 7 müdrükün biri olan
Biant da öz dostları ilə şəhəri tərk edir. Yerliləri ondan evdən
niyə əliboş çıxmısan?-deyərək soruşanda, o, «hər şeyimi özümlə
götürmüşəm»-deyərək cavab verir. Bu fikir də intellektual
sərvətin, maddi sərvətdən dəyərli olduğunu göstərir və bizim
həyati yükümüzün əsas hissəsini təşkil etməlidir.
ABŞ-da təhsilə münasibətə nəzər salaq. Əvvala, ona görə
ki, dövlətlər lideri olan ABŞ-ın bəşəri təcrübəsindən bəhrələnək.
İkincisi də, ciddi dövlətlər təhsil məsələsinə həmişə ifrat ciddi
münasibət bəsləyirlər. Üçüncüsü, ABŞ-ın təhsilə münasibətini
bəşəri dəyər kimi qiymətləndirmək olar.
1994-cü
ilin yanvarın 25-də Amerika Konqresi
«Amerika-2000: təhsilin inkişaf strategiyası» adlı sənəd qəbul
etmişdir. «Risk həddinə çatmış milləti düşünən millətə necə
çevirmək» devizi altında çap olunmuş bir neçə yüz səhifəlik bu
sənəddən bir neçə fikri oxucuların diqqətinə çatdırmaq istəyirəm:
Fikir 1: ABŞ-ın milli proqramı: «Amerika-2000: təhsilin
inkişaf strategiyası» iki sadə həqiqəti dərk etmək üçün cəmiyyəti
hərəkətə gətirməyə bir cəhddir:
əvvala, ABŞ-ın XX1 əsrdə qarşılaşacağı problemlərin
mürəkkəbliyi, təhsil tiplərini dəyişdirməyi, yeni tipli məktəblərin
yaradılmasını tələb edir;
ikincisi, ölkənin inkişaf vasitəsi iqtisadiyyat, siyasi
quruluş, bazar, hüquq, xüsusi mülkiyyət, hərb və güc və ya daha
nələr deyil, yeni tipli təhsildir.
Fikir 2: Təhsilin inkişaf strategiyasının məqsədi, «Risk
həddinə çatmış milləti düşünən millətə çevirməkdir». Bu proqram
elə olmalıdır ki, ölkəni lazımi səviyyədə saxlamağa qadir olsun.
Məktəb heç zaman onu yaradan cəmiyyətdən yaxşı ola bilməz.
Ona görə təhsilin yeniləşməsi üçün, cəmiyyətin bütün
təbəqələrinin təhsillənməsindən başlamaq lazımdır.
100
Fikir 3: Texnologiya, informasiya, kommunikasiya
erasından o millətlər faydalanırlar ki, onlar yeni intellektual
sahələrin yeni biliklərini öyrənirlər, yeni ixtisaslara malik olurlar.
Fikir 4: Amerika təhsilinin həll edəcəyi altı məsələdən
(problemdən) ikisi belədir:
a) Amerika məktəblərini qutaranlar, təbiət elmləri və
riyaziyyat sahəsində dünyada ən yüksək bilik səviyyəsi nümayiş
etdirməlidirlər;
b) Öz hüquq və məsuliyyətini tam savadlı cəmiyyət
qarşısında dərk edən cəmiyyətin bütün üzvləri bilik və
bacarıqlarını tətbiq edərək beynəlxalq iqtisadiyyatda millətin
liderliyin tə’min etsinlər.
Fikir 5: ABŞ prezidenti bütün ölkə ictimaiyyətini dörd
şeyi etməyə çağırır:
1.
Milli təhsil reformasının altı istiqamətinin məğzini başa düşmək;
2.
Bu istiqamətləri həyata keçirmək üçün geniş ictimaiproqram
hazırlamaq;
3.
Bu istiqamətləri həyata keçirmək üçün nəzarət sistemi yaratmaq;
4.
Yeni tipli məktəb yaratmaq ideyasını müdafiə etmək,
reallaşdırmağa köməkçi olmaq;
Bu sənəddə bir neçə məqama təkrarən diqqət yetirmək
zəruridir. Birincisi, XXI əsrdə dövlətlərin qarşılaşacağı
problemlər XX əsrdən az və asan olmayacaqdır. İkincisi, ölkənin
inkişaf vasitəsi onun siyasi quruluşu, iqtisadiyyatı, hərbi deyil,
yeni tipli təhsildir. Üçüncüsü, təhsil ölkəni lazımi səviyyədə
saxlamağa qadir qüvvədir. Lazımi səviyyə isə məlumdur:
dövlətlər arasında liderlikdir. Yə’ni XXI əsrdə Amerika bir dövlət
kimi liderliyi nə Avropa dövlətlərinə nə də Yaponiyaya vermək
niyyətində deyildir. Ən nəhayət, «cəmiyyətin bütün üzvləri bilik
və bacarıqlarını tətbiq edərək beynəlxalq iqtisadiyyatda millətin
liderliyini tə’min etsinlər». Qarşıya qoyan məqsəd açıq və və
aydındır.
Dostları ilə paylaş: |