65
M.İ.Əlləzov
Qiymətli kağızlarla bağlı sonrakı proseslər ikinci dərəcəli bazarda həyata keçirilir.
İkinci dərəcəli bazarda pullar bir investordan
digər investora keçir, satılmış qiymətli
kağızlardan daxil olan vəsaitlər bu qiymətli kağızların əvvəlki sahiblərinə gəlir. Yəni
ikinci dərəcəli bazarda olan əməliyyatlar emitentin iştirakı olmadan baş verir və emitentin
proseslərə heç bir təsiri yoxdur. Emitent üçün buraxılan qiymətli kağızların kim tərəfindən
alınmasına elə bir marağı yoxdur, onun üçün əsas qiymətli kağızların öhdəliklərinin geniş
olmasıdır. Qiymətli kağızla sövdələşmələrin təşkili formalardan asılı olaraq təşkil edilmiş
(birja) və təşkil edilməmiş (birjadan kənar) Fond bazarlarını ayırmaq olar.
Təşkil edilmiş
Fond bazarları fond birjaları yaradır. Digər qiymətli kağız sazişləri isə təşkil edilməmiş
bazarda həyata keçirilir. (1)
Məlumdur ki, bazar iqtisadiyyatı sistemində qiymətli kağızların dövriyyəsi pul
vəsaitlərinin müxtəlif sahələrdə yerləşdirilməsi vasitəsi kimi çıxış edir. Fond bazarlarının
əsas tərkib hissəsini bazarda aparılan ticarət üsulları təşkil edir. Bu nöqteyi-nəzərdən Fond
bazarlarının tərkibində aşağıdakı bazarları qeyd etmək olar:
Sxem 4. Qiymətli kağızlarla ticarətin təşkili üsuluna görə QKB-nin tərkibi
quruluş
Fond Bazarı
İlkin
Təkrar
Mütəşəkkil
Ənənəvi
Birja
Kassa
Birjadankənar
Qeyri ‐ Mütəşəkkil
Müddətli
Kompüterləşdirilmiş
66
M.İ.Əlləzov
İlkin və təkrar (ikinci) bazar. İlkin bazarda qiymətli kağızlar öz qəbul qaydaları və
tələbləri ilə ilk dəfə satışa çıxarılır, realizə olunma prosesinin
ilk mərhələsində ilk dəfə
olaraq alıcılar tərəfindən alınır. Burada korporasiyalar, mərkəzi hökumət və bələdiyyələr
tərəfindən buraxılan qiymətli kağızların ilkin yerləşdirilməsi baş verir. Bazarda yeni
buraxılan qiymətli kağızların bazar qiyməti müəyyən edilir, investisiya riski
qiymətləndirilir, buraxılışın dövlət qeydiyyatı və buraxılışın nəticələrinin qeydiyyatı və
onların saxlanılması baş verir. İlkin bazarın funksiyaları aşağıdakılardır:
‐
Qiymətli kağızların buraxılışının təşkili;
‐
Onların
yerləşdirilməsi;
‐
Qiymətli kağızların uçotunun aparılması;
‐
Tələblə təklif arasında tarazlığın təmin olunması. (3)
Qiymətli kağızların təkrar bazarı dedikdə isə bazarda əvvəllər dövriyyəyə buraxılmış
və ölkədə qeydiyyatdan keçmiş qiymətli kağızlar başa düşülür. Qiymətli kağızın təyin
edilmiş bütün dövriyyə müddəti ərzində bu kağızlar alqı-satqı və ya digər köçürmə
fomalarında öz sahibini dəyişir. Bu bazarın məqsədi qiymətli kağızlarla onların ilkin
yerləşdirilməsindən sonra alqı-satqı və digər əməliyyatların keçirilməsi üçün şəraitin
yaradılmasından ibarətdir. Təkrar bazarın funksiyası pərakəndə alqı-satqı səviyyəsində
satıcı və alıcıların görüşdürülməsi (ilkin yerləşdirmə zamanı bu proses topdansatış
səviyyədə baş verir) və müəyyən qiymət səviyyəsində tələb və təklifin
tarazlaşdırılmasından ibarətdir. Bu bazarın əsas vəzifəsi kapitalın ən səmərəli istehsal
sahələrinin xeyirinə yenidən bölüşdürülməsi və təsərrüfat subyektlərinin inkişafı
məqsədlərindən ötrü investisiyaların cəlb olunmasıdır. İkinci bazarı daxilində aşağıdakı 4
səviyyəni fərqləndirirlər:
‐
Fond birjası – Burada birjada qeydiyyatdan keçmiş və qiymətləndirilməyə buraxılmış
qiymətli kağızlarla ədqlər
baş verir;
‐
Birjada qeydiyyatdan keçməmiş qiymətli kağızlarla əməliyyatların keçirildiyi
birjadankənar bazar;
‐
Vasitəçilərin vasitəsilə və yüksək rüsumlar təyin etmiş fond birjalarını ötərək
qeydyyatdan keçirilmiş qiymətli kağızların alqı-satqısı baş verən birjadankənar bazar;
‐
Ticarətin vasitəçiləri birləşdirən komputer şəbəkələri vasitəsilə keçirildiyi
komputerləşdirilmiş bazar – Belə sistemin köməkliyi ilə investor komisyon ödəmələrdə
böyük qənaət əldə edir və fond bazarının qeyri-sabitliyə düçar olması riski azalır.
Mütəşəkkil və qeyri-mütəşəkkil bazar
. Qiymətli kağızların mütəşəkkil bazarında
qiymətli kağızlar bazar iştirakçıları arasında, onların zəmanəti ilə digər bazar iştirakçıları –
lisenziyaya malik peşəkar vasitəçilər tərəfindən sərt qaydalar əsasında dövriyyə edir.
Qeyri-mütəşəkkil bazarlarda isə qiymətli kağızların dövriyyəsi zamanı bazar
iştirakçılarının vahid qəbul edilmiş qaydalara riayət etməsinə heç bir tələb qoyulmur.
Birja və birjadankənar bazar. Qiymətli kağızlarla sövdələşmələrin təşkili
formalardan
asılı olaraq birja və birjadan kənar Fond bazarlarını ayırmaq olar. Birja bazarında qiymətli
kağızların ticarəti yalnız bütün bazar iştirakçıları arasında ciddi surətdə seçilmiş birja
vasitəçiləri tərəfindən fond birjalarında və birja qaydaları əsasında təşkil edilir.
Birjadankənar bazarda qiymətli kağızların ticarəti fond birjasından kənarda həyata
keçirilir.
Ənənəvi və kompüterləşdirilmiş bazar. Ənənəvi Fond bazarları adından göründüyü
kimi əməliyyatların ənənəvi qaydada həyata keçirildiyi bazardır.Komputerləşdirilmiş
bazarda ticarət fond üzvlərini birləşdirən vahid komputer şəbəkəsi vasitəsilə aparılır. Yeni
67
M.İ.Əlləzov
komputerləşdirilmiş bazarlar ərazicə bölüşdürülmüş elektron birjaları kimi çıxış edir. Belə
bazarların daxilində birjadankənar ticarət təkcə ənənəvi
olaraq telefonla deyil, xüsusi
komputer sistemləri vasitəsilə aparıla bilər. Bu cür sistemlərin ən iri miqyaslısı 1971-ci
ildən ABŞ-da tətbiq olunan Milli Qiymətli Kağız Dilerləri Assosiasiyasının
avtomatlaşdırılmış qiymətləndirmə sistemidir (NASDAQ). Bu, bütün ölkə ərazisini əhatə
edən, özünün abonentlərinə çoxsaylı terminal vasitəsilə bilavasitə iş yerindən qiymətli
kağızlarla əqdlər bağlamaq imkanı verən mürəkkəb və geniş elektron şəbəkədir. Bundan
əlavə artıq birjadankənar bazar daxilində iri miqyaslı əməliyyatların
komputer sistemi
vasitəsilə, birbaşa – heç bir vasitəçi olmadan həyata keçirildiyi bazar formalaşmışdır.
Bunlara misal olaraq İNSTİNET, POSİT və Crossing Network
kimi elektron qiymətli
kağızlar ticarət sistemlərini misal göstərmək olar.
Kassa və müddətli. Kassa Fond bazarlarında əqdlər 1-2 iş günü ərzində icra olunur,
yaxud sifarişçi üçün qiymətli kağızların dərhal alqı-satqısı tələb olunduqda o,
bu bazardan
istifadə edir. Yerinə yetirilmə müddəti 2 gündən çox olan əqdlər isə qiymətli kağızların
müddətli bazarında həyata keçirilir. Adətən bu 3 ayadək olan dövrü əhatə edir. Bu bazarda
əməliyyatlar üzrə hesablaşmalar ya ayın ortasında (per-medio), ya da ayın sonunda (per-
ultimo) həyata keçirilir.
Satılan qiymətli kağızların tipindən asılı olaraq pul bazarı və kapital bazarı
fərqləndirilir:
Pul bazarı - qısamüddətli maliyyə öhdəllkləri bazarıdır. (Fəaliyyət dövrü 1 ilə qədər)
Kapital bazarı - fəaliyyət dövrü 1 ildən artıq olan Fond bazarlarıdır.
Qiymətli kağızların həyat təşkili aşağıdakı fazalardan ibarətdir:
‐
Qiymətli kağızların yeni buraxılışının təşkil edilməsi;
‐
Qiymətli kağızların ilkin yerləşdirilməsi (ilkin emissiya);
‐
Qiymətli kağızların tədavülü (alqı-satqı);
‐
Borc qiymətli kağızlarının ödənilməsi.
Qiymətli kağızlar emissiya və qeyri-emissiya qiymətli kağızlarına bölünür.
Emissiya qiymətli kağızları - buraxılışlara yeniləşdirilən və qiymətli kağızların əldə
edilməsi vaxtından asılı olmayaraq bir buraxılış daxilində hüquqlarının həyata
keçirilməsinin həcmi və müddəti eyni olan qiymətli kağızlardır.
Qeyri-emissiya qiymətli kağızları - buraxılışlarla yerləşdirilməyən və qiymətli
kağızlar üzrə hüquqların həyata keçirilməsinin həcmi və müddəti müxtəlif
olan qiymətli
kağızlardır. Qeyri-emisiya qiymətli kağızlarına veksel, çek, depozit sertifikatları, opsion,
varrant, fyuçers özəlləşdirmə pulları və bu anlayışa cavab verən qiymətli kağızların digər
növləri aiddir.
Seriyalılıq - qiymətli kağızların müəyyən standart üzrə buraxılması deməkdir.
Seriyalılıq standartlılıq ilə sıx bağlıdır, çünki eyni tipli qiymətli kağızlar standart məzmun
daşıyırlar. Standartlılıq qiymətli kağızları eyni tipli kütləvi mal edir. Qiymətli kağızların
dövriyyədə iştirakı onların alqı-satqı obyekti olmaq bacarığında deyil, həm də digər əmlak
münasibətlərində iştirakıdır.