137
Ş.Əliyev
bitişik zonalarının mühafizəsi haqqında 1981-ci il Konvensiyası; Şimal
dənizinin neftlə və
digər zərərli maddələrlə çirkləndirilməsi ilə mübarizə üzrə əməkdaşlıq haqqında 1983-cü il
Sazişi; Baltik dənizi rayonunun dəniz mühitinin mühafizəsi haqqında 1992-ci il
Konvensiyası; Qara dənizin çirklənmədən qorunması haqqında 1992-ci il Konvensiyası;
Şimali Atlantikanın dəniz mühitinin mühafizəsi haqqında 1992-ci il Konvensiyası və s.
Mənbələrin ikinci kateqoriyasına gəldikdə, qeyd etmək lazımdır ki, Insanı əhatə edən
mühit üzrə Stokholom Bəyannaməsi (1972), Ümumdünya Təbiəti Mühafizə Strategiyası
(1980), Ətraf mühitin mühafizəsi və inkişaf üzrə Rio-de-Janeyro Bəyannaməsi, beynəlxalq
təşkilat və konfransların bir çox qətnamələri bu kateqoriyanın tipik nümunələri ola bilər.
Bu sənədlər beynəlxalq ictimaiyyət üzvlərinin davranışının birbaşa tənzimlənməsi üçün
nəzərdə tutulmamışdır, lakin onlar böyük nüfuza malik olmaqla bərabər mənəvi atmosfer
yaradır, dünya əhalisinin geniş kütləsinin formalaşmış iradəsinin indikatoru kimi çıxış edir,
ciddi təşkilati nəticələrə səbəb olur, dövlətləri və beynəlxalq təşkitlatları aktiv
fəaliyyətə və
əməkdaşlığa sövq edir, həmçinin beynəlxalq ətraf mühit hüququnun gələcək inkişafı üçün
bir növ normativ ehtiyat rolunu oynayır.
Tövsiyə xarakteri daşıyan beynəlxalq ekologiya hüququnun aktları arasında
ictimaiyyət və qeyri-hökumət təşkilatları nümayəndələrinin konfranslarının,
simpoziumlarının, form və müşavirələrinin qərar və qətnamələri xüsusi çəkiyə malikdir.
Bu aktlar beynəlxalq ekoloji hüquqyaradıcılığa və hüquqtətbiqi praktikaya böyük təsir
göstərir. Bu aktlar arasında: Kokoy Bəyannaməsi (1974) ilk dəfə olaraq ekoloji cəhətdən
balanslaşdırılmış istehsal və istehlakın zəruriliyini elan etmişdir; Təbiətin və təbii
ehtiyatların beynəlxalq mühafizə Ittifaqı çərçivəsində hazırlanmış və dünya ölkələrinin
sabit inkişafı üçün zəruri olan və ekoloji cəhətdən istiqamətlənmiqş uzunmüddətli
fəaliyyətlər sistemini nəzərdə tutan Ümumdünya Təbiəti Mühafizə Strategiyası (1980)
1991-ci ildə «Yerin qayğısı» adı altında təzələnmiş şəkildə nəşr
olunmuşdur; Banqkok
(Tailand) şəhərində ictimai simpoziumda qəbul edilmiş Univesal ekoloji etik davranış
Məcəlləsi (1990) insan həyatı və bəşəriyyətin mövcudluğu məqsədlərinin yenidən
baxılmasına yönəlmişdir.
Yuxarıda sadalanan çoxsaylı müqavilələrdən kompleks ekoloji məzmun əlamətlərinə
malik sənədlərdən bəzilərini göstərmək və onların ümumi müddəalarını açıqlamaq
lazımdır:
- Ətraf mühitə təsir vasitələrinin hərbi və ya istənilən digər düşmənçilik məqsədi ilə
istifadəsinin qadağan olunması haqqında 1977-ci il Konvensiyası. Bu Konvensiya ətraf
mühitə hərbi və ya düşmənçilik məqsədləri ilə birbaşa təsirinin yolverilməzliyinə yönəlmiş
ilk beynəlxalq aktdır. 1-ci
maddədə deyilir ki, hər bir iştirakçı-dövlət istənilən digər
iştirakçı-dövlətə təbii mühitə təsir vasitələrinin dağıdıcı, itkivermə və ya zərərvurma
üsulları qismində hərbi və ya digər düşmənçilik məqsədi ilə istifadəsinə əl atmamaq
öhdəliyi götürür. Bu Konvensiyanın hər bir iştirakçı-dövləti bu kimi fəaliyyətin həyata
keçirilməsində istənilən digər iştirakçı-dövlətə, dövlətlər qrupuna və ya beynəlxalq
təşkilata kömək etməmək, onları buna təşviq və təhrik etməmək öhdəliyi götürür.
Konvensiyanın 2-ci maddəsi,
yerin biosferi, litosferi, hidrosferi və atmosferi də daxil
olmaqla, onun və ya kosmik fəzanın – təbii proseslərin müəyyən məqsədlə idarə olunması
yolu ilə – dinamikasının, tərkib və quruluşunun dəyişdirilməsi üçün istənilən vasitələri
«təbii mühitə təsir vasitələri» kimi müəyyənləşdirir.
Bir sıra regional xarakterli aktlarda əlverişli ətraf mühit hüququnun müxtəlif təsnifatı
verilir. Məsələn insan və xalqların hüquqlarının Afrika xartiyası (1986) xalqların
inkişafına xidmət edən ətraf mühitin qənaətbəxş vəziyyəti hüququnu (maddə 24) təsbit edir
(21). Amerika insan hüquqları Konvensiyasına əlavə olunan San-Salvador Protokolunda
(1989) layiqli ətraf mühit hüququ barədə müddəa (maddə 11) vardır (22).
138
Ş.Əliyev
Hazırda dünyanın bütün ölkələrində ərzaq,
içməli su, zülal aclığı problemi, iqlim
dəyişikliyi, demoqrafik partlayış və digər qlobal problemlər artmaqdadır, ekoloji tarazlığın
pozulması yeyinti məhsullarını yararsız hala salıb, insanlar və heyvanlar arasında ağır
müalicə olunan keçici xəstəliklər əmələ gəlib (13). Məsələn, ÜST-nın məlumatına əsasən
bütün dünyada xərcəng xəstəliyinə tutulanların dörddə üçünün səbəbi ətraf mühitin
çirklənməsidir. Ətraf mühitin çirklənməsi şəhərlərdə günəşli günlərin sayını azaldır, bitki
aləmini, tikinti materiallarını və abidələri məhv edir. Ətraf mühitin çirklənməsinin ən
təhlükəli nəticəsi insan orqanizmində mənfi mutasiyalara səbəb olmasıdır. Bu səbəbdən
fiziki və zehni çatışmamazlıqları olan uşaqlar dünyaya gəlir, sonsuzluq halları müşahidə
edilir, irsi ağır xəstəliklər adi hal alır (16). ÜST-ün digər hesablamalarına görə havanın
çirklənməsi hər il 7 milyon ölüm hallarına səbəb olur. Hər il dünyada təqribən 4,3 milyon
adam elementar biokütlə və kömürlə işləyən mətbəx plitələrinin istifadəsi nəticəsində
havanın çirklənməsi səbəbindən həlak olur. Hazırda dünyada 3
milyard adam üçün yemək
hazırlığı, istitmə və işıqlandırma üçün zəruri olan təmiz yanacaq növü və texnologiyaların
əldə olunması qeyri-mümkündür. Bunun nəticəsində iflic, işemik ürək xəstəliyi, ağciyər
xərçəngi və uşaqlarda pnevmoniya xəstəlikləri yaranır. 5 yaşa qədər uşaqlar arasında
sətəlcəmdən ölüm hallarının 50%-i məişət havasının çirklənməsi səbəbindən baş verir.
Qeyd edilən xəstəliklərin yaranma səbəbi kimi odun, kömür, heyvan peyini, məhsul
qalıqları kimi bərk yanacan növlərinin yandırılması zamanı ayrılan bərk hissəciklərin və
dəm qazının yüksək səviyyəsidir (17). Ona görə də insanlar təbiəti
qoruyub saxlamaq üçün
qlobal miqyaslı tədbirlər hazırlayıb həyata keçirməyə məsuldurlar.
1972-ci il iyunun 5-də Stokholmda BMT-nin “Ətraf mühitin mühafizəsi
problemlərinə dair” konfrans keçirildi və burada BMT-nin “Ətraf mühit haqqında
Proqramı” qəbul edildi (2, 5). Birləşmiş Millətlər Təşkilatı Baş Assambleyasının 1972-ci il
15 dekabr tarixli qərarına əsasən, hər il iyunun 5-i “Ümumdünya Ətraf Mühitin Mühafizəsi
Günü” kimi qeyd olunur.
Azərbaycanda ətraf mühitin mühafizəsi, ekoloji problemlərin həlli istiqamətində
həyata keçirilən tədbirlər AR-nin müstəqillik əldə edilməsindən etibarən daha intensiv
xarakter almışdır. Bu dövrdə ekoloji problemlərin həlli sahəsində mühüm qərarlar qəbul
edilmiş, ictimaiyyətin diqqəti ətraf mühitin mühafizəsinə yönəldilmiş, geniş yaşıllaşdırma
tədbirləri aparılmışdır. Azərbaycan Respublikası Konstitusiyasında təbii ehtiyatlardan
səmərəli istifadə, hər kəsin sağlam ətraf mühitdə yaşamaq
və ətraf mühiti qorumaq
hüquqları öz əksini tapmışdır. Belə ki, 1995-ci ilin noyabr ayının 12-də qəbul olunmuş
Azərbaycan Respublikası Konstitusiyasında ilk dəfə olaraq “Hər kəsin sağlam ətraf
mühitdə yaşamaq hüququ vardır” (39-cu maddə) maddəsi öz əksini tapdı.
Konstitusiyanın
78-ci maddəsinə görə ətraf mühitin qorunması hər bir şəxsin borcudur.
Bu maddələrin
icrası üçün Azərbaycan Respublikasının Milli Məclisi ətraf mühitin mühafizəsi, təbii
sərvətlərdən istifadə olunması ilə bağlı çoxsaylı qanunlar qəbul etdi. Məsələn, “Ekoloji
təhlükəsizlik haqqında”, “Ətraf mühitin mühafizəsi haqqında”, "Əhalinin ekoloji təhsili və
maarifləndirilməsi haqqında", “Xüsusi mühafizə olunan təbiət əraziləri və obyektləri
haqqında” Azərbaycan Respublikasının qanunları da təbiətin qorunması, ekoloji mühitin
saflaşdırılması baxımından mühüm əhəmiyyət kəsb edir.
Həmçinin “Əhalinin
sağlamlığının qorunması haqqında” Azərbaycan Respublikasının Qanununun 3-cü
maddəsinə əsasən, əhalinin sağlamlığının qorunması sahəsində dövlətin
vəzifələrindən biri
ətraf mühitin qorunmasının, ekoloji təhlükəsizliyin təmin edilməsidir (14).
2001-ci ildə
ölkəmizdə ekoloji siyasəti həyata keçirən vahid dövlət idarəetmə strukturunun – Ekologiya
və Təbii Sərvətlər Nazirliyinin yaradılması bu sahəyə göstərilən dövlət qayğısının daha bir
ifadəsinə çevrilmişdir.
Ətraf mühitin mühafizəsi, insanların sağlam təbii mühitdə yaşaması və təbii
sərvətlərdən xalqımızın rifahının yaxşılaşdırılması naminə istifadəsi hal-hazırda daim ölkə