|
Xülasə Məqalədə aqrobiznes sferasında bazar infrastrukturunun xüsusiyyətləri, habelə kəndKənd təsərrüfatının iqtisadiyyatıAqrobiznes sferasında bazar infrastrukturunun inkişaf amilləriKənd təsərrüfatının iqtisadiyyatı
2020, № 3 (33) Agricultural Economics
76
Ölkədə kənd təsərrüfatının inkişafı bu sahədə yüksək məhsuldarlığın təmin edilməsi, yerli
məhsulların rəqabət qabiliyyətinin artırılması ilə müşayiət olunur. Son illər respublikamızda istehlak
bazarının qorunması, satış məntəqələrində süni qiymət artımının qarşısının alınması istiqamətində
əhəmiyyətli addımlar atılır. Qeyd olunanlar əsas götürülməklə kənd təsərrüfatının gəlirli sahələrinin
inkişaf etdirilməsi, fermerlərə dövlət dəstəyinin daha səmərəli təşkili və ərzaq təhlükəsizliyinə nail
olunması aqrar sahədə dövlət siyasətinin mühüm istiqamətləri kimi diqqətdə saxlanılır.
Bununla belə, məhsulun istehsalçıdan istehlakçıya çatdırılması mərhələsində mövcud
maneələrin aradan qaldırılması da vacib məsələlərdən biridir. Aran regionunun rayonlarında aparılan
araşdırmalar nəticəsində fermerlərin kənd təsərrüfatı məhsullarının bazara çıxışı üzrə aşağıdakı
problemləri müəyyənləşib:
-
fermerlər istehsal etdikləri kənd təsərrüfatı məhsullarını paytaxta aparmaqda çətinlik çəkirlər,
buna görə də regional satış bazalarının yaradılmasına ehtiyac var;
-
regionlarda emal müəssisələri ilə əlaqələrin qurulmasında problemlər var, kiçik fermerlərin
emal müəssisələrinə təklif etdikləri kənd təsərrüfatı məhsulları emal müəssisələrinin tələblərinə
cavab vermir və əsas səbəb qiymət razılaşmasının olmamasıdır;
-
sortların qarışıq olması və toxumların keyfiyyətinin aşağı olması məhsulun həm keyfiyyətinə,
həm də alıcı zövqünə mənfi təsir göstərir ki, bu da məhsul satışına problem yaradır;
-
Rusiya Federasiyası bazarları istisna olmaqla digər xarici ölkələrə, xüsusən də Avropa İttifaqı
ölkələrinin bazarlarına məhsul ixracı hələ ki, aşağı səviyyədədir;
-
fermerlərin istehsal etdikləri məhsulların satışı daha çox vasitəçilər tərəfindən həyata keçirilir.
Bu vəziyyətdə fermerlərdən daha çox güzəşt tələb olunur, bazarlarda isə qiymət bahalaşır;
-
istehsal olunan kənd təsərrüfatı məhsullarının saxlanması üçün lazım olan anbarların sayı
azdır, mövcud anbarlara isə fermerlərin çıxışı çətindir. Belə ki, anbarlardan istifadə imkanları
təkmilləşməlidir.
Dostları ilə paylaş: |
|
|