19
işlətmək gərəkdir”. Bu gün Sırxavənd camaatı Bəhmən kimi qəhrəmanla fəxr
etməlidir.
Sırxavənd özünümüdafiə batalyonu əsgərlərinin düşmənə qarşı
göstərdikləri igidliklərə görə Qarabağda və respublikada ad-san çıxarmışdı.
Bəhmən ilk Milli Ordumuzun təməlini qoyan peşəkar hərbçi Şirin Mirzəyevlə
görüşüb məsləhətlər alardı.
Mənim yaddaşımdan silinməyib. Qış günləri, qarlı-şaxtalı, boranlı-
çovğunlu Sırxavənd yolları. Bir neçə gün idi ki, yağan güclü qar bütün bəndləri,
bərələri kəsmişdi, heç bir yer görünmürdü. Fəndgir düşmən şəraitindən istifadə
edərək kəndi artilleriya atəşinə tutur, nəyin bahasına olursa olsun Sırxavəndi ələ
keçirmək istəyirdi. Getdikcə döyüşlər şiddətlənir, güllə Sırxavəndin üzərinə yağış
kimi yağdırılırdı.
Güney postu düşmənin əlinə keçmişdi. Həmin yüksəklikdən Sırxavənd
kəndi əlin içi kimi görünürdü. Camaatın əl-qolu bağlanmışdı. Səmədfin əbədiyyətə
qovuşması onları yaman sarsıtmışdı. Bundan istifadə edən qarı düşmən kəndə
soxularaq bir neçə evi yandırmış və Cahangirin evində özünə mövqe tutan 8 nəfər
Sırxavənd döyüşçüsünü mühasirəyə almışdı. Hər ötən dəqiqə kəndin
müqəddəratını və mühasirəyə düşmüş igidlərin taleyini həll edə bilərdi. Bəhmən
qəti hyücumunun qarşısını almalı, ikinci dəstə isə xəlvəti yolla Əzgilli şişinə
qalxmalı, düşmənə arxadan zərbə endirməlidir”.
Dağlara düşmüş qalın qar hərəkəti çətinləşdirirdi. Bəhmənin dəstəsi isə
tələsirdi. Hər keçən saniyə bir insan həyatına bərabər idi. Böyük çətinlikdən sonra
Bəhməngil Əzgilli şişinə çatdılar. Bəhmən dəstəni iki yerə bölüb tapşırıq verdi.
Düşmən qəflətən arxadan atəşə tutuldu. Bunu gözləməyən erməni quldurları çaş-
baş qaldılar. Cəsur komandir və onun döyüşçüləri düşməni sərrast atəşlə bir-bir
yerə sərirdi. Bəhmənin beşatılanının səsi bütün Əzgilli şişini, Ballıqayanı lərzəyə
gətirmişdi. Atdığı hər bir güllə düşməni elə yerindəcə öldürürdü. Sağ qalan erməni
quldurları qaçıb canlarını qurtarmağa yol axtarırdılar. Bəhmən neçənci dəfə idi ki,
öz döyüşçüləri ilə düşmənin arzusunu gözündə qoyurdu.
Güney postunun erməni yaraqlıları vermək istəmirdilər. Amma arxadan
vurulan zərbələrə də tab gətirə bilmirdilər. Düşmən hər tərəfdən gülləbaran edilirdi.
Çünki Güney postunu əldən vermək həlledici döyüşü uduzmaq demək idi. Artıq
qarşısı alınmaz hücumu görən erməni quldurları geri çəkilməyə başladılar.
Bəhmənin komandası ilə ikinci dəstənin döyüşçüləri Güney postunu ələ
keçirmişdilər. Amma sayıqlığı əldən vermək olmazdı. Hər şeydən əli çıxmış
erməni quldurları növbəti məğlubiyyətlərini görüb, Ballıqayaya tərəf geri
çəkilirdilər. Bu günkü döyüşdə Bəhmənin komandirlik etdiyi əsgərlər böyük
sınaqdan çıxdılar. Bir daha Sırxavənd igidləri düşmənin böyük qüvvəsi qarşısında
əyilməzliklərini qızıl hərflərlə tarixə yazdılar.
Güney postu öz doğma müdafiəçilərinin əlində idi. Bəhmən öndə Güney
postuna tərəf irəliləyirdi. Qəfil açılan güllədən Bəhmən səndələdi. Heç bir ağrı
20
hiss etmədən özünü düzəldib yaxınlıqda gizlənmiş erməni quldurunu yerindəcə
gəbərtdi. Başından ağır yara almış Bəhmən Məmmədovu çətin dağ cığırları ilə
kəndə gətirdilər. Bəhmənin yarası ağır,Sırxavəndin dərdi isə dözülməz idi. Onu
Bakıya gətirdilər.
Xəstəxananın cərrahı:
-25 ilə yaxındır ki, tibbi sahədə çalışıram. Bu illərdə müxtəlif xəstələrim
olub. Ancaq Bəhmən Məmmədov kimi sağlam, dözümlü, dağ ürəkli adam
görməmişdim. Səkkiz saatlıq cərrahiyyə əməliyyatından sonra üç gün ürəyinin
hesabına yaşadı.
Bəhmənin ürəyində Vətən sevgisi, xalq məhəbbəti, düşmənə qarşı sonsuz
qəzəb və nifrət var idi. Sənə ölüb deməyə heç kəsin dili gəlmir Bəhmən! Sən
Sırxavəndin igid oğlu, xilaskarıydın. Uşaqdan tutmuş böyüyə kimi hamı sənin
qəhrəmanlığından danışır. Son döyüşündə düşmənin cəngindən azad etdiyi
körpələr sənin yadigarın, gələcəyindir Bəhmən!
Bəhmən Fərman oğlu Məmmədovun vətənə xidməti dövlət tərəfindən
layiqincə qiymətləndirilməyibsə sə o qəhrəman adını sağlığında qazanmışdı. İgid
komandir Bəhmən Məmmədovun adı əbədiləşdirilib. İndi Sırxavənd kəndinin
böyük təssərüfatı Bəhmən Məmmədovun adını dayışır. Mətbuat səhifələrində
Bəhmənə həsr olunmuş yazılar dərc olunmuş, efir dalğalarında ona həsr edilmiş
verilişlər və radio oçerqlər səslədirilir.
Məzarı Ağdamın Şəhidlər Xiyabanındadır.
DAĞLARDA ĠZĠ QALDI.
Süleyman Cəmil oğlu Bayramov Sırxavənd
kəndində, Kolanı elində tanınıb, sayılan ağsaqqallardan idi.
Kolanı dərəsində elə bir adam tapılmazdı ki, Süleyman
kişini tanımasın, ona böyük hörmət bəsləməsin. O, qışı
aranda, yayı isə uca dağlar qoynunda keçirərdi. Kolxozun
mal-qarası hər yay Dəlidağda, Laçınqayada, Ağdoğanda və
Qızılqayada köç salırdı. Süleyman kişi bu yerlərin hər
yoluna, izinə, qayasına, daşına, dağına yaxşı bələd idi.
Sırxavənd maldarlıq fermasının müdri işləyirdi. Qayğıkeş, mülayim xasiyyətli bu
el ağsaqqalından köç düşdüyü yerlərdə heç kim inciməmişdi. Həmişə çalışardı ki,
bacardığı yaxşılığı etsin. Elə ona görə də Kəlbəcər, Laçın yerlərində bu Kolanı
ağsaqqalının öz ad-sanı vardı.
Bir neçə ildir ki, Süleyman kişi o yaylaqların yoluna-izinə diş göynədən
bulaqlarına həsrət qalmışdı. Torpaqlarımızda yaranmış ağır vəziyyət bir ağsaqqal
kişi Süleyman kişini bərk narahat edirdi. Süleyman kişi heç vaxt təsəvvür etmirdi
ki, bu yaşında əlinə silah alacaq, doğma torpaqlarımızın müdafiəsinə qalxacaq.