63
Q. Məmmədov təcrübəli döyüşçü kimi Ağdam özünümüdafiə batalyonuna
yazılır. İlk gündən batalyon komandiri Şirin Mirzəyevi və əsgər yoldaşlarının
hörmətini qazanır. Fərrux kəndinin erməni quldurlarından təmizlənməsində öndə
gedərək düşmənə ilk zərbəni o endirir. Naxçıvanik, Xramod döyüşlərində
qəhrəmanlıqlar göstərir. Erməni quldurları Hümbət kişinin evini mühasirəyə alıb
onları girov götürmək istəyirdilər. Bunu eşidən Qəzənfər yenə beşatılanı götürüb
erməni quldurları ilə təkbaşına ölüm-dirim döyüşünə girir. Çox keçmir ki,
düşmənin hücumunu dəf edir, hər tərəfədn od tutmuş evin pəncərələrini qıraraq
Hümbət kişinin ailəsini ölümün cəngindən qurtarır.
Erməni dilini təmiz bilən Qəzənfər erməni quldurlarının yuva saldığı
kəndlərə kəşfiyyata gedir, daimi tapşırıqları yerinə yetirirdi. Hər an, hər dəqiqə
erməni quldurlarını qorxuya salan Qəzənfəri ələ keçirib məhv etməyə çalışırdılar.
Hətta onu ələ keçirən erməni quldurunu böyük mükafat gözləyirdi. Dovşanlı
kəndinə kəşfiyyata gedən Qəzənfər beş nəfər ermənini öz silahları ilə məhv edir.
Bir neçə yeni mərmi, alazan qurğusunu qənimət götürür.
1992-ci ildə Qazançı istiqamətində gedən döyüşdə böyük şücaət göstərən
Q. Məmmədov qəhrəmancasına həlak olur. Torpaqlarımızın müstəqilliyi, azadlığı
uğrunda şəhid olur.
QƏLBLƏRDƏ YAġAYAN ĠGĠD
Əliqulu Tohid oğlu Alışanov 1972-ci ildə dünyaya göz açıb. O təhsilini öz
kəndlərində almışdı. Uşaqlıqdan zəhmətə alışan Əliqulu məktəbi qurtardıqdan
sonra elə təsərrüfatda işləməyə başlayır. Əməksevərliyi, qorxmazlığı və çevikliyi
ilə yaşıdlarından fərqlənirdi. Erməni daşnaqları torpaq iddiasına düşdükləri ilk
gündən Əliqulu silaha sarılaraq elin-obanın müdafiəsinə qalxanlarda biri idi.
Qaralar kəndini düşmən tapdağına çevrildiyi gündən Əliqulu döyüş yolunu
Sırxavənd polis şöbəsində davam etdirmişdi. Günü-gündən azğınlaşmış erməni
yaraqlıları Sırxavənd, Baş Güneypəyə, Orta Güney, Manikli, Xatınbəyli və Yeni
Qaralar kəndlərinə hücum edir və bu məntəqələri ələ keçirmək istəyirdilər. Bu
kəndlərin müdafiəsində Əliqulu həmişə silahdaşlarına nümunə olur, verilən
tapşırığı ustalıqla yerinə yetirirdi.
Ə. Alışanov Qazançı kəndinin erməni quldurlarından təmizlənməsində
böyük şücaətlər göstərir. 1992-ci il iyulun 15-də erməni yaraqlıları Yeni Qaralara
böyük qüvvə ilə hücuma keçir. Artilleriya atəşinə tutulan Yeni Qaralar kəndinin
müdafiəsi polis əməkdaşları tərəfindən təşkil olunurdu. Döyüşdə Əliqulu düşmən
gülləsinə tuş gəlir. Bu gün Ə. Alışanov bir igid döyüşçü kimi onu tanıyanların
qəlbində yaşayır.
64
GÜNAHSIZ QURBANLAR
Əsədov Ələkbər 1992-ci ildə kəndin yaxınlığında heyvan otararkən
öldürülüb. Əlavə heç bir məlumat yoxdur.
QƏMLĠ, BAġI QARLI DAĞLAR
Təhməz Muxtar oğlu Baxşalıyev 1941-ci ildə anadan olub. Təhməz kişi
Narınclar kəndinin zəhmətkeşlərindən biri idi. Bu kənd onun ata-baba torpağıdır.
Bu torpağın bir udum saf havasını, bi içim suyunu heç nəyə dəyişməzdi. Təhməz
kişi torpaqlarımızda müharibənin başladığı ilk gündən əlinə silah aldı, dədə-baba
yurdunun müdafiəsinə dayandı. Gündüzlər təsərrüfatda işlədi, gecələr isə kəndin
keşiyində dayandı. Kənddə yaradılan özünümüdafiə dəstəsinin ən fəal üzvlərindən
idi. Erməni quduzları günü-gündən öz təcavüzlərini genişləndirirdilər. Təhməz
kişi var qüvvəsi ilə kəndin müdafiəsini təşlik edir, erməni quldurlarının hər bir
həmləsini dəf edərək göstərdiyi rəşadətlərə görə komandanlığın və əsgər
yoldaşlarının hörmətini qazanır. Təhməz kişinin həyat yoldaşı Raya da onunla
çiyin-çiyinə döyüşürdü. Bir ana kimi döyüşçülərin qulluğunda durur, onların
yemək –içməklərini hazırlayırdı. T. Baxşalıyev Vəng, Qozlu, Qızılqaya, Aterk
kəndlərində yuva salan erməni quldurlarının hücumlarının qarşısını alır. O yerləri
tanıyan adam kimi kəşfiyyata gedir, verilən tapşırıqları ustalıqla yerinə yetirirdi.
1992-ci il aprelin 28-də Aydoğan yüksəkliyi uğrunda gedən ölüm-dirim
döyüşündə Təhməz kişi qəhrəmanlıqla həlak olur. T. Baxşalıyev iki oğul, dörd qız
atası idi.
QARALAR KƏNDĠ
Qaralar kəndi Azərbaycanın qədim azərbaycanlı kəndlərindəndir. Sonrada
götürülüb bu ərazidə ermənilərə torpaq verilib. Qədim Qaralar kəndi get-gedə
böyüməkdə olan Araçazor kəndinin içərisində itir.
Qaralar kəndi Azərbaycanda ilk yandırılan kənddir və əhalinin birgə
səyiylə Aödərə ərazisində Yeni Qaralar kəndini salıblar. Bu kənd Sırxavəndlə
Əliağalı kəndlərinin arasında yerləşirdi.
Əvvəllər bu kənddə üç yüzə qədər əhali yaşayıb. İki nəfər övladı şəhid
olub.
Buralarda savaş varmı,
Oralarda günəş varmı?
Varsa sor ondan
Niyə isitmir bizi,
Sizi isitdiyi qədər?
(F. Tuncər “Əsgər məktubu”)
65
ONU DOĞMA YERLƏRDƏ SƏSLƏYĠRDĠ
Tahirov Əlövsət Kamran oğlu 1969-cu ildə anadan olub. Bir yaşında ikən
ana nəvazişindən məhrum olan Əlövsət atasının himayəsində yaşayıb. 1986-cı ildə
Şuşa texniki-peşə məktəbini bitirib. Bakıda yaşasa da hadisələrin ilk günündən
doğma torpaqların müdafiəsinə qalxan oğullardan idi.
Əlövsət Tahirov 22 gün Xocalı ətrafındakı ağır döyüşlərdə mərdliklə
iştirak etmişdir. Meşəli və Malıbəyli kəndlərinin müdafiəsi zamanı mühasirəyə
düşmüş 11 döyüş yoldaşını xilas edib.
Tahirov Əlövsət Kərgicahanın müdafiəsində əsl topçu kimi şöhrət qazanır.
27 gün onun topu düşmənə sarsıdıcı zərbə vurub. Bakıya göndərilsə də çox qalmır.
Şuşanın Daşaltı kəndinin azad edilməsi uğrunda gedən döyüş əməliyyatında iştirak
edir.
Daşaltı döyüşü onun son döyüşü olur. Əlövsət də başqa döyüş yoldaşları
kimi Daşaltı xəyanətinin qurbanı olur. Qəlbi yaşamaq hissi, vətən sevgisi ilə dolu
olan qəhrəmanın meyidi geri alınaraq Ağdam Şəhidlər xiyabanında dəfn edilib.
GERĠYƏ YOLUMUZ YOXDU
Şükürov Zahid Kamal oğlu 1969-cu ildə anadan olub. Şuşa kənd
təsərrüfatı texnikumunu və 1991-ci ildə milis məktəbini bitirərək Sırxavənd polis
bölməsində işə götürülmüşdü. İlk gündən azğın düşmənə qarşı əsl şücaət göstərən
zahid Şükürov yoldaşlarının sevimlisi idi. Hər dəfə deyərmiş: “Geriyə yolumuz
yoxdu!”
O Sırxavənd, Baş Güneypəyə, Maniklon, Fərrux və s. Yaşayış
məntəqələrinin müdafiəsində və Kiçan, Qazınçı kəndlərinin azad edilməsində
xüsusi fəallıq göstərirdi. Fərrux dağının Qarabağ üçün nə demək olduğunu bilmək
üçün hüç də strateq olmaq lazım deyil. Zahis dəfələrlə istər hücum, istərsə də
Fərrux dağının müdafiəsində iştirak etmişdi.
20 fevral 1992-ci il onun son döyüş günü oldu. Fərrux əməliyyatında
düşmənlə üzbəüz vuruşan Zahidin gülləsi tükənir və özünü müdafiə edə bilmir.
Qarabağın azadlığı üçün strateji əhəmiyyətə malik bir yüksəklikdə bir addım geri
çəkilmədən əsl qəhrəman kimi həlak olur.
ON SƏKKĠZĠNCĠ AġIRIM
Ölüm çox zaman ən yaxşıların, ən bacarıqlıların qapısını kəsdirir. Əksər
hallarda vaxtsız-vədəsiz gəlib, bütün işləri yarımçıq qoyur, bir ömrü yaridan
kəsməklə neçə ömrə balta çalır. Vətənin təhlükədə olduğu son 6 ildə neçə-neçə
belə ölümün acısını dadmış, ağrısını çəkmişik. Neçə sayseçmə oğulun taleyi
66
qismətinə düşən kölgə bizi ürəkdən yandırıb. Belə oğullardan biri də Natiq Xurşud
oğlu Abdullayevdir.
1965-ci il noyabrın 18-də anadan olan Natiq xurşud oğlunun heç vaxt
ağlına gəlməzdi ki, dünyaya göz açdığı gün 18 rəqəmi bütün ömrüboyu qarabaqara
izləyəcək, ona həm sevinc, həm də İbrahimovlar ailəsinə ömürlük bala dağı
çəkəcəkdir. 1984-cü il noyabrın 18-də hərbi xidmətə yola düşən Natiq düz 2 ildən
sonra noyabrın 18-də hərbi xidmətdən tərxis olub doğma elinə qayıdır.
N. Abdullayev 1987-ci ildə Azərbaycan Kənd Təsərrüfatı Akademiyasına
daxil olur. Qarabağ torpağında yaranmış ağır vəziyyət hamıdan çox Natiqi narahat
edir. Belə ki, onun doğulub boya-başa çatdığı Narınclar kəndi hər tərəfdən erməni
kəndlərinin mühasirəsində idi. Hər an erməni quldurlarının təcavüzünə məruz
qalırdı. N. Abdullayev Çaykəndindən erməni quldurlarının təmizlənməsində böyük
şücaətlər göstərir. İdarə etdiyi tank Çaykəndə daxil olmuş və daşnaq tör-
töküntülərinin qərargahlarını yerlə-yeksan etmişdi.
1990-cı ildə Qarabağın Dağ hissəsində yerləşən kəndlərdə vəziyyətin
günü-gündən gərginləşdiyini görən N. Abdullayev qərara gəlir ki, təhsilini qiyabi
davam etdirsin. O doğma Narınclara qayıdan kimi silaha sarılaraq kəndin
müdafiəsində dayandı. Vəng, Qozlu, Qızılqaya, Aterk kəndlərində düşmənə qarşı
doyüşlərdə əsl qəhrəmanlıqlar göstərdi. Namiq, Natiq qardaşları həmişə döyüşlərin
önündə gedir, erməni quldurlarına qan uddururdular.
1993-cü ilin yazında düşmən tapdağına çevrilən Narınclar kəndinin
camaatı köçkün həyatı sürməyə başlayır. Kəndin ər igidləri müxtəlif hərbi
hissələrdə düşmənlə üz-üzə gəlir.
N. Abdullayev öz döyüş yolunu Yevlax rayon hərbi polis bölməsində
davam etdirməyə başlayır. İntiqam hissi Natiqi yenidən cəbhəyə gətirdi. Ağdam,
Tərtər, Goranboy bölgələrinin müdafiəsində dayandı, Gülüstan döyüşlərində
şücaətlər göstərdi. Güllücə kəndində əfsanəvi qəhrəmanlığını nümayiş etdirdi.
Həmin kənd uğrunda savaşda 7 gün öz silahdaşları ilə quldurların mühasirəsində
qalan Natiq ölümlə üz-üzə dayanaraq mühasirəni yarıb dostları ilə sağ-salamat
mühasirədən çıxır və düşmənin xeyli canlı qüvvəsini, tankını məhv edirlər.
Ancaq dünyaya gəldiyi gün ayın 18-i bir qara kölgə kimi onun ətrafında
hərlənirdi. Bəli, bir zamanlar Ulduzə anaya, Xurşud ataya sonsuz sevinc bəxş
eləmiş 18 rəqəmi bu dəfə özü ilə ailəyə böyük bir dərd, bir ümman göz yaşı gətirdi.
1994-cü ilin iyunun 18-i Natiqin ömrünə son qoydu. Çarpışıb vuruşmaq, qurub
yaratmaq eşqilə yaşayan bir igidin ömrü beləcə yarımçıq qaldı.
İndi Kürün sahilindəki Şəhidlər xiyabanında bir məzar da uyuyur. Natiqin
yadigar qoyub getdiyi iki övladı neçə vaxtdır ki, atalarının yolunu gözləyir. Ancaq
hələ onlar şəhidlik zirvəsinin nə olduğunu anlamırlar. Vaxt gələcək bu fidanlar
böyüyəcək, atalırının qəhrəmanlıqları ilə fəxr edəcəklər.
67
QƏHRƏMANLIQ YAġA BAXMIR
Alıyev Hüsü Əli oğlu 1927-ci ildə anadan olub.
Yaşının bu vədəsində silaha sarılıb dəfələrlə ağır sınaqlardan çıxmışdı.
Müxtılif əməliyyatlarda iştirak etmişdi. O cavanlardan geri qalmazdı. Ordumuzun
qabiliyyətli yürüşləri dövründə Z. Rzayevin komandanlığı altında qoşun
hissələrimiz Çərəkdardan Qozlu Körpü istiqamətində hücuma keçdi. Bu yol el
arasında Ölüm dərəsi adı ilə məşhur idi. Bu yol Tərtərin sıldırımlı sahili ilə uzanan
Turşsu yolu idi. Döyüşün ilk günlərində düşmənə israrla müqavimət göstərirdi. Bu
döyüşlərin birində ağsaqqal döyüşçü Hüsü kişi qəhrəmanlıqla həlak oldu.
Yurdunda dörd oğlu və iki qızı qaldı.
GÜNAHSIZ QURBANLAR
Quluşov Namiq Bəzirxan oğlu 24 aprel 1976-cı ildə anadan olub.
Çərəkdarda doğulub boya-başa çatıb. 1994-cü ildə Ağdərə bölgəsinin Talış kəndi
yaxınlığında qətlə yetirilib. Onun haqqında əlavə məlumat ala bilmədik.
NARINCLAR KƏNDĠ
Ağdərə rayonunun qərbində ucqar dağ kəndlərindəndir. Kənd Qırxqız,
Pirdağı, Taxtabaşı dağları ilə əhatə olunub. Xaçınçay öz başlanğıcını bu dağlardan
götürür. Narınclar kəndi Alban abidələri ilə zəngindir. Pirdağın zirvəsində pir
yerləşir. Tarixi məlumatlara görə XII-XVIII əsrdə kənd ərazisi Xaçın məlikliyinə
tabe idi. 1913-cü ildə Qarabağ xanlığının tərkibində Rusiyaya birləşdirilib.
1992-ci il iyulun 1-də ermənilər tərəfindən işğal edilib. El arasında bu
yurd Kolanı Narıncları kimi tanınır. 60 ev və 314 nəfər əhalidən ibarətdir. 5 nəfər
övladı şəhid olub.
TƏKĠ VƏTƏN BASILMASIN
Şakir Yunus oğlu Ağamalıyev 1958-ci ildə anadan olub. Orta məktəbi
bitirdikdən sonra Rusiyada hərbi xidmətdə olmuş və hərbi borcunu verdikdən sonra
elə orda qalıb işləmişdi. Qarabağ savaşı başlanan gündən Şakir çox narahat olmuş
və son illər erməni təcavüzünün genişləndiyini eşidən kimi öz doğma kəndinə geri
qayıtmışdı. Özü də əliboş gəlməmişdi. Bir yük maşını da gətirmişdi. Çox adam
təəccüblə soruşmuşdu ki, hamı minik maşını alır, sən isə yük maşını almısan.
Vətənin bu dar günündə dağ yollarına elə yük maşını lazımdi deyən Şakir əlinə
silah almışdı. O təki vətən basılmasın deyərək gecə-gündüzlü vətənin keşiyində
dayanmışdı. Şakir ilk döyüşlərdən öz mərdliyi, qorxmazlığı və şücaəti ilə döyüşçü
yoldaşlarının hörmətini qazanməşdı. Kənd özünümüdafiə dəstəsinin komandiri Y.
68
Məmmədov döyüşlərdə Şakirə xüsusi tapşırıqlar verir, ən ağır mövqenin
müdafiəsini ona tapşırırdı. Döyüşdən-döyüşə bir döyüşçü kimi püxtələşən Ş.
Ağamalıyev hər sınaqdan, əməliyyatdan ustalıqla çıxır, verilən tapşırıqları vaxtında
yerinə yetirirdi. Şakirlə birlikdə qardaşları Adil, Mobil və Kərəm də düşmən
hücumlarına sinə gərirdi. Adil və Mobil təhsillərini yarımçıq qoyub əsgər paltarını
geyinmişdilər.
Çərəkdar kəndi strateji mövqeyinə görə Kəlbəcərin giriş qapısı idi. Erməni
quldurları cəhd göstərirdilər ki, nəyin bahasına olursa-olsun Çərəkdar kəndini ələ
keçirsinlər. Amma heç bir qüvvə Çərəkdar igidlərinin iradəsini qıra bilmirdi. 1992-
ci il iyunun 10-dan 11-nə keçən gecə erməni qüvvəsi texnikanın gücündən istifadə
edərək kəndi ələ keçirmək istəyirdilər. Şakir yenə də komandirin əmri ilə saö
cinahdan döyüşün ağırlığını öz üzərinə götürmüşdü. Salman, Hüsü, Nazim, Şaban,
Natiq, Mürşüd, Fəqan, Aqşin, Əkbər və Vəli düşmənlə üz-üzə gəlmişdi. Düşmən
böyük qüvvəyə malik olmasına baxmayaraq, Şakirin mövqeyinə yaxınlaşa
bilmirdi. Şakirin pulemyotu dağlara səs salmışdı. Düşmən asanlıqla tutduqları
mövqeləri geri vermək istəmirdi. Erməni quldurlarının bir PDM-i heyəti ilə
birlikdə darmadağın edilməsi ər igirlərin döyüş əhval-ruhiyyəsini daha da artırdı.
Özünü itirən erməni quldurlarına Şakirgilin dəstəsi hər tərəfdən atəşi daha da
yüksəltdi. Qorxuya düşən erməni quldurları geri çəkilməyə məcbur oldular. Rasim
irəliləyərək daha əlverişli mövqe tutdu. Dərhal bir neçə qulduru qanına qəltan etdi.
Düşmən xeyli itki vermişdi. Çərəkdar döyüşçüləri daha bir sınaqdan mərd-mərdanə
çıxdılar. Bu döyüşdə Şakir qəhrəmanlığını, qorxmazlığını bir daha göstərdi. Amma
düşmən gülləsi yenilməz igidi lap döyüşün sonunda yaxaladı.
1992-ci il iyunun 11-də Çərəkdarlılar Vətən, qeyrət, namus yolunda
şahidlik zirvəsinə ucalan Şakir Yunus oğlu Ağamalıyevlə vidalaşdı.
NƏSĠLLƏRƏ ÖRNƏK OLAN ġƏHĠD ÖMRÜ
Qasımov Nadir Qara oğlu 1961-ci il sentyabrın 15-də anadan olub. Hərbi
xidmətdən sonra azərbaycan Dövlət Pedaqoji Institutunun ibtidai hərbi hazırlıq və
bədən tərbiyəsi fakultəsini bitirib. Doğma Çərəkdar kəndində hərbi hazırlıq
müəllimi işləyib. Hadisələrin ilk günündən doğma kəndin müdafiəsi
əməliyatlarında yaxından iştirak edib. Dəfələrlə erməni quldurlarına qarşı
döyüşlərdə fərqlənib. 1990-cı ildən polis sıralarına daxil olan Qasımov Nadirin
qayğıları daha da artdı. Postların yaradılması, müdafiə qabiliyyətli adamların
səfərbər edilməsi işinə rəhbərlik edir.
Ağdərə bölgəsinin yağı düşməndən azad edilməsi uğüunda gedən
döyüşlərdə daim öndə olub. Dəfələrlə azğın düşmənə ağır zərbə vurmuş qoşun
hissələrimizin tərkibində fərqlənib. O Manquşevan, Çaylı, Moxrataq, Ağdərə,
Çapar, Dəmiri, Maqavuz, Sərsəng, Umudlu, Çıldıran, Drmbon və s. kimi strateji
69
əhəmiyyətli məntəqələrin azad edilməsi uğrunda gedən döyüşlərdə, doğma kəndi
Çərəkdarın müdafiəsində iştirak edib.
1992-ci ilin 4 dekabrında Ağdərə rayonunun Drmbon (Heyvalı) kəndi
uğrunda gedən döyüşlərdə həlak olub. Polis leytenantı nadir Qasımov öz döyüş
yolu ilə nəsillərə örnək ola biləcək bir ömür idi.
Ailəli idi. Üç körpəsi qalıb. Ailəsi hal-hazırda Yevlax rayonunun qaçqın
düşərgəsində yaşayır.
ĠTKĠN DÜġÜB
Məmişov Yusif Əsgər oğlu 1938-ci ildə anadan olub. 27 mart 1993-cü
ildə Çərəkdar kəndi üzərinə erməni jərbi birləşmələri hücuma küçən zaman meşədə
itkin düşüb. Sonrakı taleyindən heç bir xəbər yoxdur.
DÖYÜġƏ DƏ BĠR GEDĠRDĠLƏR
Məmmədov Rasim Bəhlul oğlu 1973-1992
Alıyev Əkbər Salman oğlu 1973-1992
Bir kənddə anadan olmuşdular. Orta məktəbi də bir qurtarmışdılar.
Çərəkdarın durna gözlü bulaqları, yaşıl meşələri, zirvəsi buludlardan nəm çəkən
dağları, sıldırım qayaları Rasimə, Əkbərə sevdirmişdi bu yerləri. Düşmən üstünə
də bir gedərdilər. Mərdlikləri,, qorxmazlıqları, igidlikləri ilə seçilən bu cavanlar
hələ nə yaşamışdılar, nə görmüşdülər? Sevməyə, seçməyə də vaxt tapmamışdılar.
1992-ci ilin avqustun 1-də erməni daşnaqları böyük qüvvə ilə qızılqaya
üzərinə hücuma keçirlər. Ölüm-dirim döyüşləri gedirdi. Rasimlə Əkbər özləri üçün
əlverişli mövqe seçmişdilər. Sübh tezdən başlanan döyüşdə hər ikisi əsl
qəhrəmanlıq göstərirdilər. Getdikcə qızışan döyüşdə Rasimlə Əkbər bir neçə
erməni quldurunu məhv edirlər. Erməni quldurları öz mövqelərini vermək
istəmirdilər. Amma Rasimlə Əkbərgilin dəstəsi düşmənə sarsıdıcı zərbə
endirirdilər. Ər igidlərin həmləsinə, zərbəsinə tab gətirməyən erməni quldurları
məcbur olaraq geri çəkilməyə başlayırlar. Bu döyüşdə qəhrəmanlıqlar göstərən
Rasim və Əkbər düşmənə qan uddurdu. Hər ikisi igidlik göstəriblər. Amma
düşmən gülləsi igid oğullarımızdan yan keçmədi. Bu itki, bu ağrı təkcə
çərəkdarlıların deyil, Rasimi, Əkbəri tanıyıb qəhrəmanlığına bələd olan minlərlə
adamı sarsıtdı. Sizi Vətən unutmayacaq, Əkbər, Rasim! Ruhunuz şad olsun!
Dostları ilə paylaş: |