Rüfət Göyüşov
Komplektlilik haqqında şərtlər alqı-satqı müqaviləsində nəzərdə
tutulmaya da bilər. Belə olan təqdirdə satıcı alıcıya komp- lektliyi
işgüzar dövriyyə adətləri ilə və ya adətən irəli sürülən digər tələblərlə
müəyyənləşdirilən əşya verməyə borcludur.
İkinci hal ilə əlaqədar AR MM-in 591.1-ci maddəsində belə bir
qayda müəyyən olunur ki, əgər alqı-satqı müqaviləsində satıcının
alıcıya əşyaların müəyyən toplusunu komplekt şəklində vermək
vəzifəsi nəzərdə tutulubsa, öhdəlik komplektə daxil olan bütün
əşyaların verildiyi andan icra edilmiş sayılır.
Əgər alqı-satqı müqaviləsində ayrı qayda nəzərdə tutulmayıbsa
və öhdəliyin mahiyyətindən ayrı qayda irəli gəlmirsə, satıcı
komplektə daxil olan bütün əşyaları alıcıya eyni vaxtda verməyə
borcludur (bax. AR MM, mad.591.2).
Əşyanın komplektliliyi haqqında şərtin pozulması halında da,
əgər alqı-satqı müqaviləsində ayrı qayda nəzərdə tutulmayıbsa və
öhdəliyin mahiyyətindən ayrı qayda irəli gəlmirsə, alıcının öz seçimi
ilə aşağıdakı hüquqları tanınır:
a)
alış qiymətinin mütənasib surətdə azaldılmasını tələb etmək;
b)
əşyanın komplektinin ağlabatan müddətdə tamamlanmasını
tələb etmək.
AR MM-in 592.2-ci maddəsində müəyyən olunmuş qaydaya
əsasən, əgər satıcı əşyanın komplektinin tamamlanması barədə
alıcının tələbini ağlabatan müddətdə yerinə yetirməzsə, alıcının
ixtiyarı var ki, öz seçimi ilə: ya komplektsiz əşyanın komplektli əşya
ilə əvəz olunmasını tələb etsin, ya da ki, alqı-satqı müqaviləsinin
icrasından imtina etsin və ödədiyi pul məbləğinin qaytarılmasını
istəsin.
6)
Satıcı alıcıya keyfiyyəti alqı-satqı müqaviləsinə uyğun gələn
əşya verməyə borcludur (bax. AR MM, mad.581.1). Əşyanın
keyfiyyəti haqqında şərtlər alqı-satqı müqaviləsində nəzərdə tutula və
ya tutulmaya bilər. Müqavilədə əşyanın keyfiyyəti haqqında şərtlər
nəzərdə tutulmuşdursa, o zaman satıcı həmin şərtlərə uyğun əşya
verməyə borcludur.
22
I fəsil. Alqı-satqı müqaviləsi
Əşyanın keyfiyyəti. Keyfiyyət sözü bir neçə 100 illiklər ərzində
dilə gətirilmiş, lakin buna baxmayaraq "keyfiyyət" termini ancaq
1970-ci ildə standartlaşdırılmışdır. Əmtəənin keyfiyyət göstəriciləri
onun istehlak və mübadilə dəyərini səciyyələndirir.
Əmtəəşünaslıqda məhsulun keyfiyyəti dedikdə, təyinatına uyğun
olaraq onun müəyyən tələbləri ödəməsi üçün yararlı olduğunu təyin
edən xassələrin məcmusu başa düşülür. Mülki qanunvericilikdə
müəyyən olunan anlayışa görə, əgər məhsul bütün hallar nəzərə
alınmaqla ondan gözlənilən etibarlılığı təmin etmirsə, keyfiyyətsiz
məhsul sayılır (bax. AR MM, mad.1128.3). Anlayışın məntiqi
davamına görə, məhsul bütün hallar nəzərə alınmaqla ondan
gözlənilən etibarlılığı təmin etməlidir. AR MM-in
581.1-
ci maddəsində müəyyən olunan ümumi qaydaya görə, satıcı
alıcıya keyfiyyəti alqı-satqı müqaviləsinə uyğun gələn əşya verməyə
borcludur. Normadan görünür ki, əşyanın keyfiyyəti haqqında şərtlər
alqı-satqı müqaviləsi ilə müəyyən oluna bilər, lakin əgər keyfiyyət
haqqında şərtlər alqı-satqı müqaviləsində əksini tapmasa, o zaman
satıcı alıcıya bu cür malın adətən istifadə edildiyi məqsədlərə yarayan
əşya verməyə borcludur.
Əmtəənin keyfiyyəti normativ aktlarla müəyyən olunan məcburi
tələblərdə və ya alıcının əşyanı əldə etmə məqsədlərində ifadə olunur.
Satılan əşyanın keyfiyyəti barəsində məcburi tələblər olduqda,
sahibkarlıq fəaliyyəti ilə məşğul olan satıcı alıcıya həmin məcburi
tələblərə uyğun gələn əşya verməyə borcludur. Tərəflər arasında
razılaşmaya əsasən satıcı keyfiyyət üçün müəyyənləşdirilmiş məcburi
tələblərə nisbətən daha yüksək tələblərə uyğun gələn əşya verə bilər
(bax. AR MM, mad.581.4).
Əşyanın keyfiyyəti alıcının əldə etmə məqsədlərində ifadə olunsa
və bu tələblər alqı-satqı müqaviləsində əksini tapsa, o zaman AR
MM-in 581.2-ci maddəsində nəzərdə tutulan qayda tətbiq
olunacaqdır. Belə ki, əgər müqavilə bağlanarkən alıcı əşyanı əldə
etməsinin konkret məqsədləri barəsində satıcıya məlu
23
Rüfət Göyüşov
mat vermişdirsə, satıcı alıcıya həmin məqsədlər üçün istifadəyə
yarayan əşya verməyə borcludur.
Mülki dövriyyə inkişaf etdikcə mülki hüquq münasibətlərinin
realizəsi formasında da müəyyən dəyişikliklər baş verir. İnformasiya
texnologiyalarının gündəlik həyatımızda geniş tətbiq olunması bu
inkişafın tələblərinə uyğun müqavilə münasibətlərinin meydana
gəlməsini zəruri edir. Belə ki, hazırda əşyaların texniki vasitələrdən
istifadə olunmaqla, məsələn, təsvir əsasında satışı geniş yayılmışdır.
Bununla əlaqədar, AR MM-in 581.3-cü maddəsində nəzərdə
tutulmuş qaydaya əsasən, əşyanı nümunəyə və (və ya) təsvirə əsasən
satarkən, satıcı alıcıya nümunəyə və (və ya) təsvirə uyğun gələn əşya
verməyə borcludur.
Hər bir əşyanın fiziki xüsusiyyətləri kənar təsirlər altında
müəyyən bir dövr ərzində dəyişikliyə məruz qalır. Odur ki, keyfiyyət
göstəriciləri daimi olaraq sabit qala bilməz. Lakin əmtəənin fiziki
xüsusiyyətləri müəyyən bir dövr ərzində ondan təyinatına uyğun
istifadəyə imkan yaratmalıdır. Belə bir zaman dövrünün müəyyən
olunmasının çox böyük praktiki əhəmiyyəti vardır. Belə ki, alıcı
yalnız bu müddət ərzində əşyanın qüsurları ilə bağlı satıcıya qarşı
tələb irəli sürə bilər. Ona görə də qanunverici istehlakçıların maddi və
mənəvi maraqlarının qorunması, istehlakçının satıcı və ya istehsalçı
ilə münasibətlərinin tənzimlənməsi, məsuliyyət hədlərinin müəyyən
olunması məqsədilə satılan əşyaların keyfiyyəti üçün qarantiya və
yararhhq müddətləri müəyyən etmişdir.
Burada əsas məqsəd verilən əşyanın bu cür əşyaların, adətən,
istifadə edildiyi məqsədlər üçün ağlabatan müddət ərzində yararlı
olmasıdır. Qanunvericinin bu məsələdə satıcıya münasibətdə
yanaşması sanki yönləndirici xarakterlidir və hər bir əmtəə ilə
əlaqədar o, qarantiya müddəti müəyyən etməyə istiqamətləndirir.
Əşya ilə əlaqədar qarantiya müddəti müəyyən olunmadığı təqdirdə
isə alıcının maraqlarının qorunması məqsədilə qanun
24
Dostları ilə paylaş: |