64
göstərişlərini verir. Magistrantı elmi işə həvəsləndirir, el-
mi konfranslarda çıxış etməyə hazırlayır, axtarıcılığa, təd-
qiqatçılığa yönəldir. İşlə bağlı elmi rəhbər tədqiqatçını
məqalə yazmağa sövq edir, onu ruhlandırır və təbii ki,
belə olan halda məqalə də yazıla bilir.
Başa çatmış dissertasiya işi haqqında elmi rəhbər öz
rəyini yazır və dissertasiyanın müdafiəyə təqdim edilməsi-
nə razılıq verir.
Elmi rəhbər rəyində tamamlanmış dissertasiyanın
yığcam xarakteristikasını verir, tədqiqatın aktuallığını, el-
mi-nəzəri səviyyəsini, praktik əhəmiyyətini göstərir. Dis-
sertasiyanın orijinallığını, tamlığını, elmiliyini, həmçinin
müəllifin qoyulan məsələlərin həllinə yanaşma tərzini və
vəziyyətini göstərir. Rəhbər rəyində habelə magistrantın
tədqiqatçılıq bacarığını, müstəqilliyini, ədəbiyyatlardan,
ilk mənbələrdən istifadə etmək qabiliyyətini, müdafiəyə
hazır olma vəziyyətini, dissertasiyasının magistr disser-
tasiyası tələblərinə uyğunluğunu, magistr elmi dərəcəsinə
layiqliyini qeyd edir.
Tamamlanmış dissertasiya işinə kafedra müdirinin
təqdimatı ilə digər elmi dərəcəli, ixtisaslı pedaqoq əlavə
rəy yazır. Bu rəydə dissertasiyadakı fəsillər, yarımfəsillər
ətraflı təhlil edilir. Mövzunun aktuallığı, elmi yeniliyi,
praktik əhəmiyyəti, müəllifin gəldiyi nəticələrin əsaslandı-
rılması, onların əhəmiyyətliliyi, dissertasiyanın lazımi tə-
ləblərə uyğunluğu göstərilməklə həmçinin irad və təkliflər
də göstərilir. Elmi rəhbərin və əlavə rəyçinin rəyi ixtisas
kafedrasında müzakirəyə- ilkin müdafiəyə ən azı 5 gün
qalmış magistranta çatdırılır.
Bundan sonra magistrantın dissertasiyası ixtisas
kafedrasında
müzakirə
olunur
və
kafedranın
protokolundan çıxarışla magistrant İxtisaslaşdırılmış Elmi
Şura qarşısında açıq müdafiəyə buraxıla bilir.
66
10. MAGİSTR DİSSERTASİYASININ TƏRTİBİ
Üz vərəqi - dissertasiyanın 1-ci səhifəsidir. Bura
nömrə qoyulmur. (Üz vərəqinin tərtibi Əlavə 1-də veril-
mişdir).
Mündəricatda dissertasiyanın bütün bölmələri ardı-
cıllıqla göstərilir. Mündəricatda bütün fəsillərin, yarımfə-
sillərin və bəndlərin başlanğıc nömrəsi göstərilir.
Giriş – təxminən 4-5 səhifəyə qədər ola bilər.
”Giriş”də tədqiqatın məqsəd və vəzifələri, aktuallığı, elmi
yeniliyi, praktik əhəmiyyəti, metod və metodologiyası,
ədəbiyatda qoyuluşu və s. göstərilir.
Əsas hissə - fəsillər, yarımfəsillər və bəndlərdir.
Adətən iki və ya üç fəsildən və hər fəsil ən azı 2 yarım-
fəsildən ibarət ola bilir. Çalışmaq lazımdır ki, fəsillər ara-
sında həcmcə mütənasiblik də gözlənilsin.
Nəticə - 3-4 səhifəyə qədər ola bilər. Nəticələr konk-
ret olaraq göstərilir. Təkliflər də verilə bilər.
İstifadə edilmiş ədəbiyyat- real və tədqiqata uyğun
olmalıdır. Əlavə mütaliə edilmiş ədəbiyyat, yaxud internet
saytı da ədəbiyyat siyahısına daxil olur. Hər halda
ədəbiyyatda da zənginlik görünməlidir. Xüsusilə son
dövrlərin ədəbiyyatına üstünlük verilməlidir.
“Əlavələr”də mövzu ilə bağlı müəyyən cədvəllər,
müəyyən sənədin üzü, təlimat və s. verilə bilər.
68
11. DİSSERTASİYANIN TƏRTİBINƏ VERİLƏN
ƏSAS TƏLƏBLƏR
√ Dissertasiyanın mətni A-4 formatlı (210 x 297
mm.) ağ kağızın bir üzündə Times Nev Roman, Times
Roman AzLat , Alk-Az-Tmsl şriftlərindən biri ilə 14 ölçü-
də, sətirlər arası məsafə 1. 5 interval olmaqla kompüterdə
yazılır və cildlənilir.
√ Dissertasiyanın mətni kağızda boş sahələrin göstə-
rilən ölçüləri gözlənilməklə çap edilir. Kağızın sol tərəfin-
dən 30 mm., sağ tərəfindən 10 mm, yuxarı və aşağıdan 20
mm. Sətirdəki işarələrin sayı 60-65-dən az olmamalıdır.
Səhifədə sətirlərin sayı 29-31 olmalıdır.
√ Dissertasiyadakı bütün xətlər, hərflər, rəqəmlər və
işarələr aydın və eyni qaralıqda olmalıdır.
√ Kompüterdə yazıldıqdan sonra dissertasiyanın
mətninə əlavəyə ehtiyac olarsa 2-3 söz və ya şərti işarə
qara qələmlə səliqə ilə əlavə edilə bilər. Çapdan sonra
kompüter səhvləri hər səhifədə düzəlişlərin sayı ikidən
çox olmamalıdır.
√ Dissertasiyanın həcmi 70-75 səhifə olmalıdır.
√ Fəsillərin başlanğıcı rum rəqəmi ilə, başlıq böyük
hərflərlə yazılır. Yarım fəsillərin başlanğıcı ərəb rəqəmləri
ilə, başlıq və bəndlər kiçik hərflərlə yazılır.
√ Bəndin nömrəsi bir-birindən nöqtə ilə ayrılan fəs-
lin və ya yarımfəslin və bəndin nömrəsindən ibarətdir.
Məsələn: 1. 1. 1. (I fəslin I yarımfəsli və I bəndi) (“Əlavə-
lər”də bu barədə nümunələr verilmişdir).
√
Əgər disseratasiyada
spesifik terminologiya,
həmçinin geniş yayılmamış ixtisarlar, yeni simvollar, işa-
rələr və s. istifadə edilmişsə, onların siyahısı “İxtisar siya-
hısı” başlığı altında dissertasiyanın əvvəlində verilməlidir.
Siyahı sütün şəklində yazılır, sütunun sol tərəfində (əlifba
sırası ilə) ixtisarlar, sağ tərəfində isə onun dəqiq açılışı
verilir. Əgər dissertasiyada xüsusi terminlər, ixtisarlar,
simvollar, işarələr üç dəfədən az təkrar edilirsə, onda
siyahı tərtib edilmir.
√ Fəsillərin başlıqları mətnə simmetrik şəkildə, bö-
yük hərflərlə, yarımfəsillərin başlıqları isə abzasdan baş-
layaraq sətri hərflərlə yazılmalıdır. (Birinci baş hərf istisna
olmaqla). Başlıqların yazılışında sözlər sətirdən sətrə
keçirilməməli, başlığın sonunda nöqtə qoyulmamalıdır.
Əgər başlıq iki cümlədən ibarətdirsə, onları nöqtə qoy-
maqla bir-birindən ayırmaq lazımdır.
Dostları ilə paylaş: |