Yelimlash materiallari

7.3. Turli gazlamalarda yelimlab chok hosil qilish parametrlari
Turli gazlamar uchun yelimlab chok hosil qilish parametrlari turlicha bo’ladi. Bu parametrlarga asosan presslovchi yuzaning haraorati, solishtirma bosimi, presslash davomiyligi hamda yelim plyonkaning qalinligi kiradi.

Yelimlab chok hosil qilish parametrlari quyidagi jadvalda keltirilgan. Jadval № 1

Yelimli gazlamalardan tayyorlanib, yoqa, manjet va cho’ntak qapqoqlarga qo’yiladigan qotirmalar va detallar shaklida, chok uchun qo’yim qoldirmay, ag’darma choklash paytida qotirma qirqimlari 0,1 – 0,2 sm kenglikda baxyaqator ostida qoladigan qilib bichiladi. Detallar qirqimini ag’darma choklashdan oldin qotirmalik yelimli tomoni detalning teskari romoniga (ostki yoqa, qapqoq tagiga, belbog’ tagiga, manjet tagiga) qaratib qo’yiladi, hamda dazmollab, presslab yopishtiriladi.

№	Gazlama turlari	Presslovchi yuzaning temperaturasi^0C	Solishtirma bosimi kg/sm­­­­­­­­­­­­­­­­^2	Presslash davomiyligi sekund	Yelim plyonkaning qalinligi
1.	Ip va zig’ir tolali yengil gazlama	150 - 160	0.1 – 0.2	15 - 20	0.06 – 0.09
2.	Yengil jun gazlamalar va jun tolali o’rtacha og’ir gazlamalar	165 180	0.4 – 0.5	30 – 40	0.07 – 0.15
3.	Ip va zig’ir tolalai og’ir gazlamalar	165 - 180	0.4 – 0.5	30 – 40	0.1 – 0.2
4.	Og’ir jun gazlamalar	165 - 180	0.4 – 0.5	60 – 90	0.15 – 0.2

Yelimlab ulanayotganda jarayonning bir qismi ketma – ket boshqa qism parallel bajariladi. Masalan, bort qotirmasi tayyorlanayotganda, adip qotirma qotirmasiz bichiladi. Adip qotirma va yelka tangliklari bir tomoniga yelim kukun qoplangan gazlamalardan bichiladi.