562
Şirin x
anım Kərimbə
yli Şadiman
•
İKİLİKLƏR
1. Duyğudan qopmasa xeyir əməllər,
Allaha açıla qalacaq əllər…
2. Tale də insananın öz əlindədir,
İşində, gücündə, əməlindədir.
3. Güclülər həmişə gücsüzü əzir,
Çünki başlarında şeytandı gəzir.
4. Naqislər əlində ağlayır bəşər,
Ağlı fəth eləyib əbədi bu şər.
5. Heç kəs yığdığını aparmır gora,
Bəs nədən ağlımız düşübdü tora?
6. Nadanlar əlində can olub əsir,
Düzlükdən dəm vuran düzlüyü kəsir.
7. Gecənin qoynundan al səhər doğur,
Sabah öz ipiylə zülməti boğur.
8. Yerlə yeksan oldu bu dünya min yol,
Heç tapa bilmədi haqq evinə yol…
9. Allahın ibadət evinə gedən,
Allahı içində aramır nədən?
10. Sındırma heç kəsin qəlbini nahaq,
Canı mühakimə eyləyəcək haqq.
11. Ömür ayağımız altında təkər,
Ağıl dərk eləyər, can ağrı çəkər.
12. Üzünə güləndən qoru özünü,
Gülüşlə gizlədər, çünki üzünü.
13. Taleyi boşuna buraxsan, əgər,
Axırda çevrilib başına döyər.
14. Əlacsız qalana yetir əlini,
Allah özü görür hər əməlini.
15. Hamı qarışdırıb yaxşı-yamanı,
Heç kəs dərk eləmir axır zamanı.
563
Y
ol gedirik
•
16. Səadət qapını döyməz boş yerə,
O meyvə deyil ki, tökülsün yerə.
17. Həqiqət çəkilib əzəldən dara,
Odur ki, xilqətin köksündə yara.
18. Nəfsə əsir olan nəfsinə enir,
Axırda nəfsinin quluna dönür.
19. Nə qədər şüurda şər qurubdu taxt,
Dünyanın xilası görünməz heç vaxt.
20. Düşünən başların ağrısı böyük,
Dünyanın əzabı çiyinində yük.
21. Nədir bəs könlünü günahkar edən?
Allahın evinə imana gedən?…
22. Həyanı itirən həyadan deyər,
Həyanın özünü diliylə döyər.
23. Umma namərdlərdən heç zaman vəfa,
Axırda özünə deyər bivəfa.
24. Şöhrətin əsiri olan hər kəsin,
Sonunda şöhrət də kəsər nəfəsin.
25. Eşq – Allahdan gələn ilahi sevda,
Odur ki, həm ruha, həm cana qida.
26. Həqiqət içindən hikmət boylanır,
Hikmətin özündən nemət boylanır.
27. Kim öz millətinə kəsilsə yağı,
Axırda özü də görəcək dağı.
28. Özgə havasıyla oynayanların,
Sonunda özgələr alar canların.
29. Allah dərgahına əl açmaq neçin?
Bizi yaratmayıb dilənmək üçün!
30. Vətən – hər millətin dunya neməti-
Millətin özündən aslı hörməti.
10.10.2005