580
Şirin x
anım Kərimbə
yli Şadiman
•
40. Din ibadətin, elm qüdrətin.
41. Sərvətə uyma, gözdən də qoyma.
42. Yaşat özünü, döymə dizini.
43. Birlik eldən, doğmalıq dildən.
44. Qəm sarmaşıqdı, qəlbə aşiqdi.
45. Qəlb ürfan yeri, sevənə diri.
46. Elm zəhmətdən keçir, ağıl şərbətin içir.
47. Dəyər ver qışa, yazı da yaşa.
48. Savad zəfərin, elm səfərin.
49. Çıxdın sabaha, əyilmə aha.
50. Şərab sərxoşluq, ömrə naxoşluq.
51. Göz baxar, doymaz, can rahat qoymaz.
52. Ürək cana tac, ağrı ana ac.
53. Elm ucalıq, duymasan aclıq.
54. Allah yaradan, duymasan qadan.
55. Yetdin zirvəyə – son qoyma səyə.
56. Hər günü öyrən, özünə güvən.
57. Əl açma yada, ləkədi ada.
58. Zülmə əyilmə, sonra döyülmə.
59. Xoş Vətən bağı, girməsə yağı.
60. Ömür şirindi, həyat dirindi.
61. Zülmə asi ol, haqq təması ol.
62. Mərifət zəfər, qaçmaz bir nəfər.
63. Həyat çox qısa, batırma yasa.
64. Xoş düş dillərə, layiq ellərə.
65. Coşsa amalın, gülər camalın.
66. Aşiqin gözü, söylər eşq sözü.
67. Çıxdın yarışa, çalış get başa.
68. Hicran ağırdı, yanan bağırdı.
69. Daşın sirri var, içdə dürrü var.
70. Anlar – ilmədi, naxış – bilmədi.
71. Çap zəfər atın, gülsün həyatın.
72. Canına qıyma – məzara uyma.
73. Can sevda yolu, ömürsə qulu.
74. Hünər – çarpışmaq, zəfər – çalışmaq.
75. Ağıl söyləyən, könül dinləyən.
76. Tez versən canı, yenisi hanı?
77. Vətən – evindi, atdın – divindi.
78. Ürək bilməcə – unutdun gecə.
79. Çıx dağ başına, bax sərt qışına.
80. Sözün yarası – üzün qarası.
81. Ağıl gövhərdi anlamaq dərdi.
82. Aç könül qatın, çap sevda atın.
581
Y
ol gedirik
•
83. Məhəbbət tələ, keçirdir ələ.
84. Hər gələn gülməz, həyatı bilməz.
85. Elm açardır, qanmaz naçardır.
86. Gülmə özgəyə, bir bax güzgüyə.
87. Çalışmaq çağın, tənbəllik yağın.
88. Çalış təhsil al, ötsün çətin hal.
89. Bilikdən qalma, quyuda qalma.
90. Dərsini oxu, odur şan oxu.
91. Dil acı olsa, düşürər yasa.
92. Mərifət – kitab, hər kəs etmir tab.
93. Əl-ayağın var, hünərə nə var?
94. Canda hünər tap, zirvələrə çap.
95. Qalxdın sabaha – durma get daha.
96. Bağın neməti, bağban zilləti.
97. Daş atma yada, gedərsən bada.
98. Qaçsan irəli, işlə yor əli.
99. Zəhmətdən qalma, qulu da olma.
100. Gün gəlsə acı, hünər əlacı.
101. Boşluğa düşmə, şərə ilişmə.
102. Ağla səcdə et, xeyrə doğru get.
103. Para həyatdı, çoxunu satdı.
104. Qanana dost ol, qanmaza qəsd ol.
105. Hicran bir yuxu, zəhərli oxu.
106. Aşma həddini, əymə qəddini.
107. Dürüst ömür sür, mükafatı dürr.
108. Əyrilərdən qaç, onlar gözüac.
109. Haram əskilər, halalsa – gülər.
110. Tapsan əlacı, gün keçməz acı.
111. Şərə qul olma, xeyirdən qalma.
112. Sözün düzü, haqqın üzü.
113. Yoxuş çətindi, çıxan mətindi.
114. Yaxşılar azdır, hər işi yazdır.
115. Vicdan işığı, haqq yaraşığı.
116. Ucalıq elm – yetmədin zülm.
117. Qışın qarı, yazın barı.
118. Savad – zəhmətdən, gələr idrakdan.
119. Allahı duyan etməz qan-qada.
120. Zirvə ucalıq – ensən viranlıq.
121. Ömür – can tacı, gah şirin, gah acı.
122. Can Yaradanın, uca tut adın.
123. Ağıl gövhərdi, əymədi mərdi.
124. Arxasız adam – budaqsız ağac.
19. 08. 2014
582
Şirin x
anım Kərimbə
yli Şadiman
•
MÜƏLLİF HAQQINDA
Şirinxanım Ağabala qızı Kərimbəyli (ədəbi təxəllüsü
ŞADİMAN) 2 sentyabr 1955-ci ildə Siyazən (keçmiş Dəvəçi,
indiki Şabran) bölgəsinin Tağay kəndində anadan olub.
Doğulduğu kənddə səkkizillik məktəbi, sonra Siyəzən şəhər
2 saylı orta məktəbi bitirib. 1973-75-ci illərdə Yenikənd
üzümçülük sovxozunda fəhlə,1975-76-ci illərdə Volodarski
adına tikiş fabrikında tikişçi işləyib.1977-ci il-də ADU-nun
(indiki BDU) hazırlıq şöbəsində dinləyiçi, 1978-83-cu illərdə
Kitabxanaçılıq (indiki İnformatika fakultəsinin əyani şöbəsini
bitirib. 1992-ci ildə Azərbaycan jurnalist Sənətkarlığı İnstitutun
məzunu olub. 1984-cu ildə Dəvəçi rayonun (indiki Şabran),
hal-hazırda Siyəzən rayonun inzibatı ərazisi sayılan Gilgilçay
qəsəbəsində kitabxana müdiri vəzifəsində çalışıb. 1985-
2007-ci illərdə ADNŞ-nın Mədəngeofizik idarəsinin «Neft
Daşları» geofizik ekspedisiyasında cizgiçi, texnik, mühəndis
peşələrində çalışıb.
2007-ci ildən həmin idarədən əmək təqaüdünə çıxıb. Əmək
fəaliyyəti ilə bərabər bədii yaradıcılığını davam etdirib. Dövrü
mətbuatın mətbu orqanları olan «Neft Daşları», «Ədalət»,
«Çənlibel», «Azərbaycan müəllimi», «Bütöv Azərbaycan»,
«Kredo», «Mütərcim», «Məhsəti» və sair qəzet-jurnallarda
çap olunub. «Məcməüs-şüəra»(Şairlər məclisi), «Füzuli»
ədəbi məclislərin üzvü olub. AYB-nın və CASCFEN(Orta Asiya
və Güney Qafqaz Söz Azadlığı Şəbəkəsi)nin üzvüdür. Hal-
hazırda ədəbi fəaliyyətlə məşğuldur. «Modern.az», «Yalquzaq.
com», «Davam.az» «Lit.parad», «Dayaq.az» və sair internet
portallarla yaradıcılıq əlaqələri saxlayır. «Azpressin» və
«Kredo» qəzetinin əməkdaşıdır. Şəxsi saytı aktiv faliyyətdədir.
Dostları ilə paylaş: |