49
ölkədən 502 qurumu əhatə edirdi. 1949-cu ildə isə Nadir Növlər üzrə
Xüsusi İctimai Komissiya (Species Survival Commission) yaradıldı.
Komissiyanın əsas məqsədi nəsli kəsilmək təhlükəsi altında olan
növlərin siyahısının tutulmasından ibarət idi. Artıq 1949-cu ildən
başlayaraq ƏMMBİ nadir bitki və heyvanlar haqqında məlumatların
yığılmasına başlamışdı. On dörd illik fəaliyyətin nəticəsində 1963-cü
ildə ilk «Qırmızı Kitab» (Red Data Book) dünyaya göz açdı. İki cildlik
«Kitabda» məməlilərin 211, quşların 312 taksonu haqda məlumatlar
toplandı. 1966-71-ci illərdə artıq suda-quruda yaşayanlar və
sürünənləri də əhatə edən ikinci nəşr çapdan çıxdı. «Kitabın» üçüncü
nəşri 1972-ci ildə, dördüncü nəşri isə 1978-80-cı illərdə nəşr oluna-
raq, artıq məməlilərin 226 növ və 70 yarımnövünü, quşların 181 növ
və 77 yarımnövünü, sürünənlərin 77 növ və 21 yarımnövünü,
amfibiyaların 35 növ və 5 yarımnövünü, balıqların 168 növ və 25
yarım növünü əhatə edirdi. Bu siyahıda məməlilərin sayı bərpa
edilmiş 7, quşların 2, sürünənlərin isə 2 növ və yarımnövü də vardı.
Ətraf Mühitin Monitorinqi üzrə Ümumdünya Mərkəzinin iştirakı ilə
(WCMC) 1981-ci ildən «ƏMMBİ Qırmızı Kitabı» nəşr olunur. Sonralar
isə «təhlükə altında olan növlərin qırmızı siyahısı» nəşr olunmağa
başlamışdır.
Növlər «qırmızı siyahı»ya müəyyən vaxtlarda işlənmiş (1991,
1992, 1993, 1994, 1999 və sonuncu 2001-ci il versiyaları) müəyyən
kriteriyalar əsasındakı kateqoriyalara bölünür. Kriteriyalar ümumi say,
populyasiya, yetkin fərdlərin sayı, nəsil müddəti, müəyyən vaxt
ərzində sayın azalması, say azalmasının tempi (keçmişdə, indi və
proqnozlaşdırılan gələcəkdəki azalma), areal (yayılma ərazisi), lokal
məskunlaşma və s. faktorlar əsasında qurulur. Növlər aşağıdakı
kateqoriyalara bölünür:
1.
«NƏSLİ KƏSİLMİŞ» -
«EXTINCT» (EX);
2.
«YABANI TƏBİƏTDƏ NƏSLİ KƏSİLMİŞ»
- «EXTINCT IN THE
WILD» (EW);
3.
«KRİTİK TƏHLÜKƏ HƏDDİNDƏ OLAN» -
«CRITICALLY
ENDANGERED» (CR);
4.
«TƏHLÜKƏ HƏDDİNDƏ OLAN» -
«ENDANGERED» (EN);
50
5.
«ZƏİFLƏMİŞ» -
«VULNERABLE» (VU);
6.
«TƏHLÜKƏLI HƏDDƏ YAXIN OLAN» -
«NEAR THREATENED»
(NT);
7.
«AZ TƏHLÜKƏLİ» –
«LEAST CONCERN» (LC);
8.
«AZ ÖYRƏNİLMİŞ» –
«DATA DEFICIENT» (DD);
9.
«KAFİ MƏLUMAT OLMAYAN» -
«NOT EVALUATED» (NE).
ƏMMBİ-ın Qırmızı Siyahısına (
IUCN Red List of Threatened
Species) salınan növlər haqqında əsasən aşağıdakı informasiyalar
tələb olunur:
• növün elmi adı (müəlliflik detalları ilə);
• ingiliscə və milli dildə adı;
• Qırmızı Siyahıdakı kateqoriya və kriteriyaları;
• növün yaşadığı ölkə, region və dəniz əraziləri (ştat, vilayət,
rayon, ada);
• su canlıları olarsa, dəniz, göl və s. su sistemlərinə aidliyi;
• növün yayıldığı ərazinin coğrafi xəritəsi;
• növün Qırmızı Siyahıya salınması zərurətinin əsaslandırılması;
• növün azalma tempi haqda məlumatlar;
• növün yaşadığı mühit;
• növə təsir edən əsas limit faktorları;
• görülmüş və təklif olunan mühafizə tədbirləri;
• ekspertin adı, soy adı və onun koordinatları;
SSRİ və MDB ölkələrinin Qırmızı Kitabları
SSRİ-nin «Qırmızı Kitabı»nın yaradılması üzrə ilk cəhdi 1961-
1964-cü illərdə sovet zooloqları Q.P. Dementyev, V.Q. Qeptner, A.A.
Nasimoviç, A.Q. Bannikov və digər mütəxəssislərin iştirakı ilə ƏMMBİ-
nin «Qırmızı Kitabı» üçün tərtib edilmiş məməlilərin və quşların
siyahısını hesab etmək olar. SSRİ Elmlər Akademiyasının Zooloqiya
İnstitutlarının, Ümumittifaq Təbiəti Mühafizə Cəmiyyətinin, elmi
cəmiyyətlərin, ayrı-ayrı botanik və zooloqların bu sahədəki
tədqiqatlarına ümumi rəhbərlik SSRİ Kənd Təsərrüfatı Nazirliyinin
51
Təbiəti Mühafizə üzrə Mərkəzi Laboratoriyası tərəfindən həyata
keçirilirdi.
Keçmiş SSRİ-nin ilk Qırmızı Kitabı 1978-ci ildə ƏMMBİ-nin XIV Baş
Məclisi ərəfəsində, ikinci nəşri isə 1984-cü ildə çapdan çıxmışdır.
Əgər, birinci nəşrə xüsusi mühafizəyə ehtiyacı olan məməlilərin 62
növ və yarımnövü, quşların 62 növ və yarımnövü, amfibiyaların 8
növü, sürünənlərin 21 növü, damarlı bitkilərin 444 növü daxil
edilmişdisə, ikinci nəşrə yeni iri taksonlar – balıqlar, həşəratlar,
mollüskalar, xərçəngkimilər, göbələklər, mamırlar, şibyələr də daxil
edildi.
SSRİ-nin «Qırmızı Kitabı» sonralar müstəqillik əldə etmiş MDB
ölkələri üçün bazis rolunu oynadı. Rusiya Federasiyasının son Qırmızı
Kitabı 1997-ci ildə təsdiq olunmuşdur. Rusiya ərazisindəki 246
heyvan növü Rusiya Federasiyasının və ƏMMBİ-nin «Qırmızı
Kitabı»na salınmışdır. Onların 65 növ və yarımnövü məməlilər, 108
növ və yarımnövü quşlar, 11 növ və yarımnövü sürünənlər, 4 növü
amfibiyalar, 9 növü balıqlar, 15 növü mollüsklar və 34 növü
həşəratlar sinfinə aiddir. Rusiya klassifikasiya sistemi beynəlxalq
sistemdən fərqli olaraq 0-cı kateqoriyadan (əvvəllər olmuş, son 50-
100 ildə rast gəlinməyən növlər) 5-ci kateqoriyaya qədər (görülmüş
tədbirlər nəticəsində sayı artmış növlər) olmaqla 6 kateqoriyaya
bölünür. Bundan əlavə RF subyektlərinin (25 diyar, vilayət və
respublikaların) öz “Qırmızı Kitab”ları mövcuddur. Göründüyü kimi,
RF ƏMMBİ klassifikasiyasının dəyişdirilərək uyğunlaşdırılmış 6
kateqoriyalı variantını seçmişdir. Aşağıda bu kateqoriyaların izahı
verilir:
0 kateqoriya – Ölkə ərazisində (akvatoriyasında) əvvəllər
mövcud olmuş, hal-hazırda isə varlığı təsdiq olunmayan (onurğasızlar
üçün son 100 il, onurğalılar üçün isə son 50 il ərzində) növlər,
yarımnövlər və populyasiyalar;
I kateqoriya – yox olmaq təhlükəsi altında olan növlər,
yarımnövlər və populyasiyalar; sayı kritik həddə çatmış və ya yaşayış
yerlərinin köklü surətdə dəy1işdirilməsi nəticəsində silinmək təhlükəsi
qarşısında olan növlər; belə növlərin mühafizəsi zamanı xüsusi
tədbirlər həyata keçirilməlidir: xüsui mühafizə olunan təbiət
ərazilərinin yaradılması, süni artırma, populyasiyaların genetik
bankının yaradılması və s.
II kateqoriya – sayı getdikcə azalmaqda olan növlər,
yarımnövlər və populyasiyalar; nadir və yaxın keçmişdə adi sayılan,
Dostları ilə paylaş: |