1 Ramiz Də
Yüklə 2,51 Mb. Pdf görüntüsü
|
586 Əksinə, üstünlük Migelgildə idi. Üstünlük onlarda o qədər nəzərə çarpırdı ki, cəngavərlər hər an hücuma keçə bilərdilər. Hindularda döyüş ruhu yüksək olsa da, onlar ispanlar kimi döyüşə bilmirdilər. Lakin nəyin bahasına olursa-olsun, onlar ispanları məhv etmək istəyirdilər. Evlərin yanından tüstü çəkiləndə orada artıq iyirmiyə yaxşı
aborigen cəsədinin yerə sərildiyini görmək olardı. Onların bəziləri yaralanaraq yerdə çapalayırdı. Oradakı döyüş həddindən artıq qızışmışdı. Hindular artıq evlərin arasına doluşmuş və ispanların vahid dəstəsini parçalamaq istəyirdilər. Vəziyyət həddindən artıq gəgkin idi. Hindu- ların çoxlu itki vermələrinə baxmayaraq, şimal tərəfdən onların köməyinə gələnlər olurdu. Migelgilin üstünə hücum edən dəstənin yarısından çoxu darmadağın edilmişdi. Hazırda cəngavərlər hinduların üzərinə hücum etməyə qadir idilər. Evlərdə müdafiə olunan silahdaşlarına kömək etmək üçün bunu etmək lazım idi. Migel qarşısında olan hindunu məhv edəndən sonra, nərə çəkib hücuma keçdi. İşi belə görən cəngavərlər, qışqırıq sədaları altında ağacları tərk edib vadiyə daxil oldular. Vəziyyət gözlənilmədən dəyişdi. Bu hücumdan çaş-baş qalan hindular özlərini itirdilər. Bəziləri qaçmağa, bəziləri isə müqavimət göstərməyə başladı. Hələ dəqiq demək olmurdu, üstünlük kimin tərəfindədir. Necə olsa da, sayca hinduların ispanlardan qat-
587 qat üstün idilər. Lakin Odovaldo qardaşlarının dəstəsində yaralananlar vardı. Çünki soyuq silahlardan aldıqları yara- lara dözə bilməyən əsgərlərin, ürəkağrıdıcı səsləri hamının qulağına dəyirdi. Buna baxmayaraq, Migelgil öz hücum- larını çətinlik çəkmədən davam etdirirdilər. Geri çəkilən hindular isə evlərin qarşısında mövqe tutaraq, cəngavərləri oxla qarşılayırdılar. Belə oxlardan biri Enrikenin sağ çiyninə dəydi. Möhkəm ağrıya tab gətirən Enrike yarasına əhəmiyyət verməyərək mübarizəni davam etdirdi. Nizə ilə ispanlara heç bir şey edə bilməyən hindular rəqiblərini oxla darmadağın etmək istəyirdilər. İşi belə görən Migel evlərə otuz metr qalmış hücumu dayandırır və müdafiə olunan hinduları oxla dəf etməyi qərarar alır. Sözsüz ki, kim sərrast ox atırdısa, üstünlük də onun tərəfində idi. Elə bu dəmdə şimal tərəfdə daha da böyük çaxnaşma baş verdi. Bütün hinduların arasında xaos yarandı. Onların qışqırtısı ətrafı daha da, bürüdü. Buradakı vəziyyət elə şəkil aldı ki, hindular dərhal Migelgil tərəfə şığımağa başladılar. Nə baş verdiyini anlamaq mümkün deyildi. İş ondadır ki, hindular Migelgilin üstünə hücum etmir, sadəcə olaraq, cənub istiqamətində tələm-tələsik vadini tərk edirdilər. Hətta onlar öz yaralılarını döyüş meydanından da götür- mürdülər. Burada olan ispanların hamısı məətəl qalmışdı və nə baş verdiyini anlamırdılar. Fürsətdən istifadə edən
588 Migelgil yanlarından ötüb qaçan hinduları oxla vurub cəhənnəmə vasil edirdilər. Qaçanlardan yalnız birini vuran Migel vadidə nə baş verdiyini anlamaq istədi. Vadi bir anın içərisində hindulardan təmizləndi. Yerdə yalnız meyitlərlə yaralılar qalmışdı. Yüngül yaralılar ağrıya birtəhər dözərək, qorxularından səslərini çıxarmırdılar. Ağır yaralılar isə yarıbihuş hadda ürəksıxıcı, qeyri-insani səslər çıxarırdılar. Cəngavərlər yaralı Enrikeyə ilkin yardımı göstərməyə başladılar. Burada çoxlu qan itirmək lazım deyildi. Onun vəziyyəti cüzi bir səhlənkarlığa görə pisləşə bilərdi. Lakin bütün bunlara baxmayaraq, Enrike özünü gümrah hiss edirdi. İş ondadır ki, vadiyə şimal tərəfdən leytenant Vasko öz əsgərləri ilə gözlənilmədən daxil olmuş və arxadan hindu- lara sarsıdıcı zərbə endirmişdir. Bu hücuma tab gətirməyən hindular məcburiyyət qarşısında qalaraq, vadindən tələm- tələsik canlarını götürüb qaçmışdılar. Hər üç dəstə evlərin ətrafında bir-birilə görüşdü. Burada gedən döyüş ərəfəsində Odovaldo qardaşlarının əsgərlərin- dən üçü öldürülmüş və beşi yaralanmışdı. Onlardan birinin vəziyyəti çox ağır idi. Ağır yaralını vaxt itirmədən tezliklə düşərgəyə çatdırmaq lazım idi. Yoxsa, onu həyata qaytar- maq mümkün olmayacaqdı. Lakin buna baxmayaraq, onsuz da vadini tərk etmək lazım idi. Hinduların nə plan qur-
589 duqlarını bilmək mümkün deyildi. Ola bilsin yarım saatın içində onlar vadini iri bir dəstə ilə mühasirəyə alacaqlar. Necə olsa da, vadidə hinduların qırxa yaxın meyitləri qalmışdır. Yaralıların da sayı iyirmi-iyirmi beş olardı. Leytenant Vasko bir təcrübəli komandir kimi bütün dəstələrin komandanlığını öz üzərinə götürdü. Dərhal ağır və ağrıya dözə bilməyən yaralılar üçün xərəklər düzəlt- dirildi. Odlu silahlar barıtla dolduruldu. Vəziyyətin gəgkin olduğunu nəzərə alaraq, qərara alındı ki, həlak olan əsgərlər elə buradaca dəfn edilsinlər. Migel sorğu-sualsız anlamaq istəyirdi ki, vadidə olan hadisə neçə baş verib. Odovaldo qardaşları onlara verilən tapşırığı yerinə yetirmişdilər – ispanlar çoxlu miqdarda ət əldə etmişdilər. Bilinmirdi, həmin ətlər hinduların tədarük etdiyi ehtiyat ətləridir, yoxsa ispanların ovladığı ətlərdir? Lakin burada heyvan dəriləri çox az idi. Hindular kəndə hücum etməmişdən əvvəl Migel yuxarıdan görmüşdü ki, Odovaldo qardaşları dörd-beş nəfərə yaxın adamı öz yanlarında girov saxlayırlar. Artıq həmin girovlardan heç bir əsər-əlamət qalmamışdı. Migel bu məsələyə dair öz marağını gizlətmirdi. Burada dörd nəfər çılpaq qızların cəsədi vardı. Onlar tamamilə lüt soyundurulmuşdular. Həmin qızlar nə ox, nə də nizə ilə öldürülmüşdülər. Onların hamısının yarası eyni
Yüklə 2,51 Mb. Dostları ilə paylaş:
|