~~~~~~~~~~ Qarabağın Tutusu ~~~~~~~~~~
Yüklə 2,8 Kb. Pdf görüntüsü
|
| ~~~~~~~~~~ Qarabağın Tutusu ~~~~~~~~~~ 42 German TUTU u qarayanız, ruhən döyüşkən qızın əsil adı Rüxsarədir. Amma üzdən “Qaraca qız” filmindəki Tutuya oxşadığından çox adam ona Tutu deyir. Onu ilk dəfə komandiri Şirin Mirzəyev (ölümündən sonra Azərbaycanın Milli Qəhrəmanı) belə çağırıb. Elə həmin gündən də Rüxsarə döyüşçü dostları üçün Tutu olub. Cumayeva Rüxsarə Bayraməli qızı 1968-ci ildə Zaqatala rayonunda anadan olub. Uşaqlıqdan cəld, çevik, qorxmaz olan Rüxsarə oğlanlarla oynayar, yeri gələndə onlarla dalaşmaqdan çəkinməzmiş. Döyüşkən ruhda böyüyən Rüxsarə orta məktəbi bitirdikdən sonra təhsilini artırmaq üçün paytaxta yollanır. Ali məktəbə daxil olsa da təhsilini başa vura bilmir. Ermənilərin torpaq iddiaları ilə başlayan Qarabağ münaqişəsi get-gedə kəskinləşdikcə Azəbaycanda da Milli azadlıq hərəkatı formalaşmağa başladı. Bu hərəkat maraqlı siyasi qüvvələr tərəfindən idarə olunsa da vətənpərvər insanlar ardı-arası kəsilmədən vətənin müdafiəçilərinə qoşulmaqda davam etdilər. 1988-ci ilin noyabr ayının 17- də Bakının Lenin (indiki Azadlıq) meydanında başlayan mitinq dalğası isə bu hərəkatın ümumxalq işinə çevrilməsinə təkan verdi. On yeddi gün davam edən meydan hərəkatı Şuşada ermənilərin Topxana meşəsindəki B ~~~~~~~~~~ Qarabağın Tutusu ~~~~~~~~~~ 43 ağacları kəsərək, yerində zavod tikmək təşəbbüsündən sonra başlamışdı. Mitinqdə danışılanlara qulaq asanda adama elə gəlirdi ki, bir haya sayı az qala milyona çatan mitinq iştirakçıları yürüş edib, nəinki Dağlıq Qarabağ Muxtar vilayətini, hətta Ermənistanı da ermənilərdən təmizləyər. Amma bu belə olmadı. Gözəgörünməyən bir qüvvə çox az bir zamanda Vətənin müdafiəsinə qalxan vətənpərvər insanları müxtəlif partiyalara cəlb edərək hakimiyyət davasına yönəltdi. Nəysə... Bunlar hələ sonra olacaqdı. Hələlik isə meydanda erməni həyasızlığına qarşı mitinqlər davam etməkdəydi və Rüxsarə də etirazçıların arasında idi. Burda eşitdikləri onu hiddətləndirib ermənilərə qarşı nifrətini artırdı. İyirmi yaşlı Rüxsarə başa düşür ki, ermənilər məsələni çox kəskin qoyublar. Amma heç ağlına da gətirə bilmirdi ki, dünyanın bu vaxtında müharibə olacaq, cənnət misallı Qarabağ atəşlərə qalanacaq. Və o, özü də bu müharibənin iştirakçısıolacaq. Meydan hərəkatından sonra Qarabağ hadisələri ilə yaxından maraqlanmağa başlayan Rüxsarə bu işlərlə bağlı eşidib-bildiyi bütün tədbir və mitinqlərdə iştirak edirdi. Sonra Bakıdakı hərbi xəstəxanalardan birində tibb bacısı kimi işləməyə başladı ki, yaralı əsgərlərimizin qulluğunda dayansın. Ancaqgünlərin bir günü bir qolunu itirmiş döyüşçümüzü görəndə qəti qərara aldı kı, döyüş bölgəsinə yollansın və yaralı əsgərlərə elə döyüş meydanında ilk tibbi yardım göstərsin. Çünki eşitmişdi ki, döyüş vaxtı yarası ağır olmayan əsgərlər belə ilk tibbi yardım göstərilmədiyindən qanaxmadan da ölürlər. ~~~~~~~~~~ Qarabağın Tutusu ~~~~~~~~~~ 44 . . . Və bir-iki günlük götür-qoydan sonra Rüxsarə Ağdama yollandı. Soraqlaşıb Şirin Mirzəyevi tapdı və onun batalyonuna yazılmaq istəyində olduğunu bildirdi. Təcrübəli komandir onu bu fikirindən daşındırmaq istəsə də Rüxsarə dediyindən dönmədi. Komandir onunəzmini, iradəsini görüb, yazılı əmrlə onu tibb xidməti rotasına qəbul etdi. Elə ilk gündən cəsurluğu, çevikliyi və qorxmazlığı ilə fərqlənən Rüxsarə döyüşçülərin sevimlisinə çevrildi. Döyüş vaxtı çalışırdı ki, döyüşçülərə yaxın məsafədə olsun ki, yaralananlara özünü vaxtında çatdıra bilsin. Hətta bir dəfə yaralı döyüşçünü döyüş meydanından çıxararkən “Qrad” tipli raket iri bir ağacı dibindən qoparıb onların üstünə aşıranda Rüxsarə qaçıb canını qutara bilərdi, lakin o, bunu etmədi. Əksinə, öz bədəni ilə yaralı döyüşçünü ağacın altında qalmaqdan qorudu. Özü isə onurğa sütunundan ağır zədə aldı. Bakıda bir müddət müalicə aldıqdan sonra 1994-cü illin əvvəlindəƏfqanıstan döyüşçüləri ilə birlikdə yenidən Qarabağa yollandı və Daşaltı əməliyyatında iştirak etdi. II qrup Qarabağ əlili olan Rüxsarə Cumayeva Bakıda yaşayır. Rəqsanə adlı gözəl-göyçək bir qızı var. P. S. Rüxsarə Cumayeva haqqında olan bu kiçik yazını yaxın vaxtlarda çap olunacaq növbəti kitaba daxil etmək üçün yazmışdım. Ancaq Rüxsarənin bugünkü durumu məni bu yazını qəzet səhifələrinə çıxarmağa vadar etdi. Müharibədə aldığı zədə artıq Rüxsarənin ayaqlarının fəaliyyətini tamamilə əlindən alıb. O, yerdə sürünür. Bəli, bəli sürünür. Hətta iməkləməyə belə gücü çatmır Yüklə 2,8 Kb. Dostları ilə paylaş:
|