~~~~~~~~~~
Qarabağın Tutusu
~~~~~~~~~~
37
- Yenə döyüşlərin birində Yeddixırman ərazisində ağır
döyüşlər gedirdi. Əvəzedici qüvvə gəlmədiyi üçün biz
gecəni qalmalı olduq. Mən və əsgərlərim Yeddixırman
ərazisində səhərə qədər yağışın altında Buğdalığın içində
oturmağa məcbur idik. Səhəri gün isə Günəşin istisi o
yağışdan islanmış canımızı, paltarlarımızı qurutdu.
- Bir gün gözətçi (sərhəd) məntəqəsinə gedərkən
söylədilər ki, naməlum bir sərhəd məntəqəsində yeddi
dənə yanmış meyit var və çıxartmaq mümkün deyil. Bir
neçə əsgərlə birlikdə həmin o sözü gedən məntəqədən
meyitləri bir-bir çıxartdıq.
- 1993-cü ildə Şelli kəndində gedən döyüşlərdə 110
yaralıya ilkin tibbi yardım göstərərək Ağdamın hərbi
xəstəxanasına yola saldım.
- 1994-cü il fevral ayının 9-dan 19-na qədər mənim ən
ağır döyüşlərimdən biri oldu. Qar uçqununun altında qalan
əsgərləri xilas edə bilməməyim məni bu günə qədər çox
üzür.
Ağır günlərimizdən biri də Milli Qəhrəmanımız Şirin
Mirzəyevi itirdiyimiz gün idi. Onun tabutunu Ağdamdan
Bakı şəhərinə gətirmək üçün bir əsgər olaraq az da olsa
borcumdan çıxdım. Yəni hər bir rayona çatdıqca meyitin
üstünə buz qoyurdum ki, əzizlərinə problem olmadan
çatdıraq. Çatdırdıq da. Və daha sonra Zabitlər evinə, oradan
da Şəhidlər xiyabanına qədər komandirimizlə olduq.
20 yanvar. Qanlı-qadalı o qış gecəsindən 24 il ötür.
Hələ də gözlərimizin önündən Azərbaycanın paytaxtı
Bakının o dəhşətli anları getmir. 20 yanvar gecəsi yalnız
~~~~~~~~~~
Qarabağın Tutusu
~~~~~~~~~~
38
faciəvi gün deyil, həm də millətimizin şərəf, qürur günüdür.
Həmin gün bütün Azərbaycanlıların bir saf amalı var idi-
doğma Vətəni müstəqilliyə qovuşdurmaq. Milli azadalıq
uğrunda hər kəs ayağa qalxdı. O zaman Sovet imperiyası
terror aktları ilə xalqımızın milli düşüncə və ruhunu sarsıda
bilmədi.
Milli azadlıq hərəkatının fəal iştirakçısı olan Rüxsarə
xanım bu gecəni belə xatırlayır:
- Bizim dəyanətimiz, cəsarətimiz, qətiyyətimiz həmin
gün qalib gəldi. Bir an da olsun heç yadımdan çıxmır o
dəhşətli gecə. O zaman yaradılan müdafiə komitəsinin
nəzdində telefonlara nəzarət edirdim. Mənimlə bir yerdə
meydan hərəkatında olan oğlanlardan biri gecə zəng etdi ki,
Naxçıvandan məlumat verilib, ermənilər artıq Sədərəyə
girib. Bu xəbərdən sonra telefon xətti kəsildi. Rabitə əlaqəsi
kəsildikdən sonra mən mərkəzi telefon qovşağının
direktoru Oruc bəyin yanına gəldim. Oruc bəy də məni
sakitləşdirib -“Sən narahat olma, biz sənə bütün telefonları
qoşacağıq”- dedi. Oradan qayıdan zaman gördüm ki, 3
avtobus saqqallı, yaşları 50-55 arası olan insanlar əli
avtomatlı Şuşa restoranının yanında yerləşən bağa
doluşdular. Bu barədə yoldaşlarıma məlumat verdim.
Amma mən onu deyim ki, onları görən zaman 8-9 radələri
idi. Atışma başlamışdı. O zaman yoldaşlarıma dedim ki,
hamıya bu barədə tez məlumat vermək lazımdır ki,
küçələrdən yığışsınlar. Elə bir az keçmişdi ki, televiziyanın
partladığını eşitdik. Bundan sonra Azadlıq prospektinə
getdim. Nəsimi rayonunda yerləşən polis məntəqəsi tərəfdə
~~~~~~~~~~
Qarabağın Tutusu
~~~~~~~~~~
39
9 mərtəbəli binanın qarşısında toplaşanlara dedim ki,
küçələrdən yığışmaq lazımdır, çünki atacaqlar. Sözümü
sona qədər deməmişdim ki, artıq tankların səsi eşidildi.
Saat təxminən 12-yə qalırdı. Bir anlıq özümü itirdim, çünki
yanımda söhbət etdiyim insanlar qan içində yerə yıxıldılar
və orada olan insanlarla zaman itirmədən yaralıları dərhal
maşına qoyub, xəstəxanaya apardıq. Yaralılar artıq hər
tərəfdən gəlirdi. Mən hələ bu istiqamətdə baş verənləri
görürdüm. Biləcəri tərəfdən, aeroport yolundan, dəniz
kənarından gələn saqqallılar camaata aman vermədən güllə
atıb, həyatlarına qəsd edirdilər. O gecədəki günahsız
insanların qışqırıqları, çığırtısı, o dəhşətli anlar gözümün
önündən getməyəcək heç bir zaman. Səhər Yanvarın 21-də
saqqallıları görmədik, onların əvəzinə əli avtomatlı rus
əsgərlərini gördük. Atışma səsləri yenə də eşidilirdi. Bu
gerçəklərdən hər birimiz, xüsusən də gənclər örnək
götürməlidirlər. Şəhidlər bizim güvənc yerimiz, qürur
mənbəyimizdir. Onları unutmaq olmaz. Onları yalnız 20
Yanvar günündə yada salmamalıyıq. Biz gənclərə düzgün
yol göstərməliyik. Məktəblərdə şagirdlərlə vətənpərvərlik
mövzusunda söhbət apararkən onların necə diqqətlə
dinlədiklərini, bu mövzuya marağını gördükcə qəlbim
fərəhlə döyünürdü. Bəzən onlar mənə deyirlər ki,
müharibəyə gedən zaman qorxmurdunuzmu? Ola bilər
məndə də qorxu hissi olsun, amma vətənpərvərlik hissi o
qədər məni üstələmişdi ki, qorxu yadıma düşmürdü. İçimdə
yalnız intiqam hissi var idi- deyir Rüxsarə xanım dediyimiz,
Tutu ləqəbli igid Azərbaycanlı qızı.
~~~~~~~~~~
Qarabağın Tutusu
~~~~~~~~~~
40
Gəncliyindən həyatını od, alov içinə atan, Ana Vətən
yolunda canını əsirgəməyən Tutu heç vaxt bu yoldan
dönməyəcəyini və “biz qəhrəman xalqıq, öz əqidəmizdən
ölsək də dönmərik “ -deyə söylədi.
Vətən sizin kimi igid qadınlarımızla fəxr edir, Rüxsarə
xanım, Tanrımız sizi qorusun!
Dostları ilə paylaş: |