~~~~~~~~~~
Qarabağın Tutusu
~~~~~~~~~~
6
lar yazan yazıçılarımız da heç olmazsa bircə kitablarını
Vətənə, Vətənpərvər insanlara həsr edəydilər. Zahirən zərif
və kövrək görünən, elə daxilən də zərif və kövrək qəlbə
malik olan bu vətənpərvər Azəri xanımının «Qarabağın
Tutusu» adlı bu kitabı həmin insanlara cəsarətli bir
mesajdır.
Hörmətli oxucular, kitabsevərlər, ürəklərində Vətən
eşqi, torpaq sevgisi olan dəyərli insanlar, İradə Əlilinin bu
kitabı bizlər üçün bir ərməğan, məlumat toplusu və
Vətənpərvərlik üçün təbliğat mənbəyidir. Oxuyun, verin
dostlarınız və tanışlarınız da oxusun. Allah köməyimiz
olsun.
Hörmət və ehtiramla, German şair-publisist
~~~~~~~~~~
Qarabağın Tutusu
~~~~~~~~~~
7
İRADƏ ƏLİLİ
(müəllif haqqında)
İradə xanımla 2014-cü ilin avqust ayının 19-da Bakıdakı
Beynəlxalq mətbuat mərkəzində mənim çapdan yeni çıxmış
növbəti kitablarımın təqdimatında tanış olduq. Bizi Rüxsarə
Cumayeva tanış elədi. Elə ilk baxışdan İradə xanımın
görkəmindəki kübarlıq, danışıq tərzindəki etika, davranışındakı
mədəniyyət xoşuma gəldi.
İkinci dəfə biz onunla Rüxsarə xanımın evində görüşdük.
Hamının Tutu ("Qaraca qız" filmindəki Tutuya oxşadığına
görə) deyə müraciət etdiyi Rüxsarə zəng edib, mənə bildirdi ki,
İradə Əlili onun haqqında kitab yazır və bəzi məsələlərdə
mənimlə məsləhətləşmək istəyir. Mən də böyük məmnuniy-
yətlə razılıq verdim. İradə xanımla ordan - burdan xeyli söhbət
etdik. Məlum oldu ki, İradə Əlili iki şeirlər kitabının
müəllifidir. "Mənim sevgi dünyam" adlì şeirlər toplusu həm
Azərbaycan, həm də türk dillərində, "Dünya sevənlərin" kitabı
isə Bakıda Azərbaycan dilində çapdan çıxıb. Elmi işlə məşğul
olan İradə xanım həm də otuz elmi məqalənin və tezislərin
müəllifidir. Məndən məsləhət və kömək istəməsinin səbəbi isə
fərqli bir mövzuya müraciət etməsi idi. Hazırda yazmaq
istədiyi kitab "Qarabağın Tutusu" adlanır və Qarabağ qazisi
Rüxsarə Cumayevanın həyat və döyüş yolundan bəhs edir. Bu
xanımın kövrək, zərif görkəminə rəğmən daxilindəki
üsyankarlıq və çalışqanlıq çox xoşuma gəldiyinə görə ona
kömək etmək qərarına gəldim. Bir neçə dəfə kitabda zəhməti
olan insanlar və Tutu ilə birlikdə yığışıb, kitabı, onun tərtibatını
müzakirə etdik, tövsiyələrimizi bildirdik və nəhayət haqqında
~~~~~~~~~~
Qarabağın Tutusu
~~~~~~~~~~
8
danışılan kitab ərsəyə gəldi. Düzdür bu kitabda Rüxsarə
Cumayeva haqqında söz deməklə, müxtəlif vasitələrlə yardım
etmək istəyilə köməklik göstərmək istəyənlər oldu, amma kitab
İradə xanımın özünün şəxsi təşəbbüsü, iradəsi, əzmi və zəhməti
sayəsində işıq üzü gördü.
İradə Zülfəli qızı Əliyeva (Əlili) Sabirabad rayonunda
anadan olub. Orta təhsilini 1 N-li Sabirabad şəhər orta
məktəbində alıb. Ailədə iki bacı, iki qardaş olublar. 1982-ci
ildə orta təhsilini başa vurduqdan sonra Bakıdakı Mədəni
Maarif texnikomunun kitabxanaçılıq fakültəsinə daxil olub.
Uşaqlığının bir hissəsi, yeniyetməliyi və gəncliyi Sumqayıt
şəhəri ilə bağlıdır. Çünki anası Xavər xanım xəstə olduğundan
dayısı Ramiz kişi onu himayəyə götürüb. 1986-cı ildə
texnikomu bitirən İradə xanım təyinatla öz rayonlarına qayıdıb
və kitabxanada əmək fəaliyyətinə başlayıb. Lakin ruhən
əzmkar və çalışqan bir gənc olan İradə bir yerdə dayanıb-
durmaq fikrində deyildi. O, təhsilini artırmaq, elmlə məşğul
olmaq, irəli getmək istəyirdi. Bu məqsədlə də gənc kitabxanaçı
1988-ci ildə sənədlərini S. M. Kirov adına Azərbaycan Dövlət
universitetinin (M. Rəsulzadə adına Bakı Dövlət universiteti)
Kitabxanaçılıq- informasiya fakültəsinə verir və daxil olur.
Təhsilini qiyabi yolla davam elətdirən İradə xanım işindən
ayrılmır və paralel olaraq Mədəni maarif texnikomunun
Sabirabad filialında müəllim kimi də fəaliyyət göstərməyə
başlayır. Uşaq yaşlarından şer yazmağa başlayan İradə xanım
nə təhsil illərində, nə də işləyəndə poeziyadan kənarda qalmır.
Müntəzəm olaraq yazan gənc şairə ara-sıra dövri mətbuatda
çap olunmğa başlayır. Universiteti yaxşı qiymətlərlə bitirən
İradə Əlili paytaxtda işləmək qərarına gəlir.
~~~~~~~~~~
Qarabağın Tutusu
~~~~~~~~~~
9
Bakıda Ədliyyə Nazirliyinə aid bir baş idarədə işləməklə
yanaşı daha “Savalan“ üşaq qəzetində də müxbir kimi işləyir.
Sonra ailə vəziyyəti ilə əlaqəli Almaniya dövlətinə köçür. Bu
dövlətdə xeyli yaşaması, Avropa ölkələrinin çoxuna səyahət
etməsi İradə xanımın dünya görüşünə çox böyük təsir göstərir.
2003-ci ildə Vətənə dönən şairə illərdən bəri yazdığı şerləri
yuxarıda qeyd edildiyi kimi iki kitab şəklində oxuculara təqdim
edir. İradə Əlilinin kitabları oxucular tərəfindən çox böyük
maraqla qarşılanır. Bu uğurdan ruhlanan şairə yeni-yeni
mövzular üzərində çalışır.
İradə Əlili hal-hazırda M.Rəsulzadə adına Bakı Dövlət
Universitetinin kitabxanaçılıq-informasiya fakültəsinin müəlli-
midir. Eyni zamanda o, Azərbaycan Dövlət Respublika Elmi
Tibbi kitabxanasının əməkdaşıdır. Elmi araşdırmaları ilə elmə
də öz töhfələrini verməyə çalışan İradə xanım "Müasir dövr
Azərbaycanda ekoloji problemlərin biblioqrafik informasiya
təminatı" mövzusunda elmi iş üzərində çalışır. Bu qədər gərəkli
və zəhmət tələb edən işlərlə kifayətlənməyən bu zəhmətkeş
xanım Azərbaycanın Televiziya məkanında da müxtəlif tele-
verilişlərdə ekspert qismində iştirak edir. Baş verənlərə öz
vətəndaş fikrini bildirir.
İradə xanım yuxarıda qeyd olunduğu kimi tədqiqatçıdır. O,
xeyli vaxtdır ki, namizədlik dissertasiyası üzərində çalışır.
Yəqin ki, bu yaxınlarda müdafiə edib, elmi dərəcəyə sahib
olacaq. Bu işdə ona uğurlar arzulayırıq.
Mən çalışdım ki, bu kiçik yazıyla alim-şairə İradə Əlili
haqqında oxucuda müəyyən bir fikir yaradım. Bu fikirin
tamamlanması üçün bu yazıya İradə xanımın müxtəlif illərdə
yazdığı bir neçə şeri də əlavə edirəm.
Dostları ilə paylaş: |