~~~~~~~~~~
Qarabağın Tutusu
~~~~~~~~~~
56
güclü don vurmuşdu. 4 “Kamaz” dolusu döyüşçü isə hələ
Murova qalxan zaman qar uçqununun altında qaldılar.
Ayağımın don vurmasına baxmayaraq qarın altında qalan
döyüşçüləri çıxarmağa davam etdim. Bir tərəfdən də
ermənilər başladılar atmağa. Don vurmuş əsgərləri çıxarıb
Gəncəyə çatdırdım. Onları hospitala, 3 saylı xəstəxanaya,
uşaq xəstəxanasına yerləşdirdim. Onların arasında Arif və
Şirxan adlı ikisi komandir idilər. Kəlbəcərdən olan yeznə-
qayının meyitlərini bir texnikom yataqxanasından götürüb,
Xanlar qəbirstanlığının “Şəhidlər” hissəsində dəfn etdik.
Ondan sonra mən yenə Bakıya qayıtdım. Bir müddət döyüş
bölgələrinə getmədim. Günlərin bir günü xatirələrim yada
düşdü və mən Ağdamda yerləşən hərbi hissələrə baş
çəkməyə getdim. Əminliklə deyirəm ki, əgər Ali Baş
Komandanımız İlham Əliyev əmr verərsə, Hətta bu
vəziyyətdə bir tibb işçisi kimi (ayağını göstərir-N. Ə) yenə
döyüşə getməyə hazıram!
Rüxsarə xanım danışdıqca sanki elə bil həmin günləri
təkrar yaşayır. Qisas hissi onu hətta yerində sakit oturmağa
qoymur. Ona baxdıqca müharibənin qızğın vaxtı orda-
burda daldalanan kişiləri (əgər onlara kişi demək
mümkünsə) xatırlayır və necə cılız olduqlarını təsəvvür
edirəm. Rüxsarə isə II qrup əlil ola-ola odlu-alovlu döyüş
yollarını keçib. İndi yenə o yolları təkrar getməyə hazır
olduğunu deyir.
Rüxsarə 12 yaşında ikən ayağından xəsarət alıb.
Düzgün olmayan müalicə onun əlil olmasına gətirib çıxarıb.
Şikəstliyi onun Vətənin ağır günlərində mübarizəyə
~~~~~~~~~~
Qarabağın Tutusu
~~~~~~~~~~
57
qalxmasına mane olmayıb. İndi bir müharibə veteranı kimi
onun müalicəyə ehtiyacı var. İmkan isə yoxdur. O, bir uşaq
anasıdır. Qızı Rəqsanənin 5yaşı var. Hələ bağçaya gedir.
Rüxsarənin müalicəsinə 22 000 ABŞ dolları tələb olunur.
Ola bilər ki, döyüşlərdə iştirak etməyən, ancaq vicdanı
susmayan imkanlı şəxslərimiz ona kömək etmək istəyərlər.
Ölümünü göz önünə alaraq oda –alova atılmış bu xanım hər
bir hörmətə layiqdir. Yolunda canını qoyduğu ölkənin
vətəndaşı Rüxsarə xanım “Veteran Qadınlar” təşkilatının
üzvüdür. Vaxtaşırı bu təşkilatla təmasda olur. Təşkilatın
rəhbəri Radə Abbasla yaxın rəfiqə münasibətindədir. O
deyir ki, Radə xanım məndən ötrü çox əziyyət çəkir, çox
çalışır ki, mənə bir kömək etsin.
Problemlərindən də danışdı Rüxsarə xanım:
-Ən böyük problemim ayağımın müalicəsidir. Mənzil
problemim də var- 1989-cu ildən rütubətli bir evdə
yaşayıram. Bir otaqlı kiçik bir evdə. Qaz, su, işıq pulunu
özüm ödəyirəm. Həmin evi məhkəmənin qərarı ilə alsam
da, qeydiyyata düşə bilmirəm. Yəqin pul istədiklərindən
məni get-gələ salırlar.
Keçdiyi döyüş yollarından danışanda “Daşaltı” əməliy-
yatının adını çəkib tez üstündən keçdi. Mən bunun səbəbini
soruşanda dalğın, qəmli baxışlarını uzaqlara dikdi. Susdu.
İsrar edəndə isə dedi:
-Nüşabə xanım, mən həmin döyüşü xatırlayanda
həyəcandan təzyiqim qalxır. İndi sən məcbur edirsən deyə
xatırlayıram. Axı o döyüşdə bizim neçə-neçə cavanlarımız
günahsız yerə tələf oldular.
~~~~~~~~~~
Qarabağın Tutusu
~~~~~~~~~~
58
Rüxsarə xanıma baxanda ilk baxışda adi bir Azərbay-
canlı xanımı görürsən. Heç deməzsən ki, o, döyüş yolu
keçmiş bir əsgərdir. Ancaq o odlu-alovlu günləri xatırla-
yanda, danışanda necə qisas hissi ilə alovlandığının,
əsəbindən dil-dodağını çeynədiyinin, əllərini bir-birinə
necə sıxdığının, bir yerdə qərar tutmayıb, var-gəl etdiyinin
şahidi olursan.
Rüxsarə əsil vətənpərvər, mərd azəri qızıdır. Nigarlar,
Həcərlər yetirən Azərbaycanın igid qızıdır. Bu sözlərini kim
eşitsə, fikrimcə, eyni qənaətə gələr:
- Mən çiynimdəki avtomatdan başqa üstümdə bir piston
da gizlətmişdim. İşdir, əgər əsir düşsəm, düşmənə
əyilməyim, özümü məhv edim.
O vaxtı ilə Əfqanıstanda döyüşmüş dostlarının batalyon
yaratmaları planından danışanda mən ondan soruşdum ki,
qadınla kişinin, oğlanla qızın dostluğuna necə baxır.
Gülümsəyib qətiyyətlə dedi:
-Kim necə baxır baxsın. Hər kəs özünə cavabdehdir.
Şəxsən mənim qadın dostum yoxdur. Çoxlu kişi dostum var.
Elə başa düşməyin ki, hər kişi dostluğa yararlı ola bilər.
Söhbət əsil kişilərdən- dostluğu, sədaqəti, dəyanəti, ədaləti
özündə cəmləşdirən kişilərdən gedir. Bir də ki, ola bilsin
qadınla kişinin dostluğuna pis baxan şəxs özünə, öz
xasiyyətinə bələddir.
Yəqin Rüxsarənin dosta verdiyi tələblərə onunla
birlikdə çiyin-çiyinə döyüşən Cavanşir və Hacıbəy də cavab
vermişlər. Biri onun xalası oğlu, digəri isə dayısı oğludur.
Beləliklə, Rüxsarə xanım özünə, öz xasiyyətinə bələddir.
~~~~~~~~~~
Qarabağın Tutusu
~~~~~~~~~~
59
Bu məqalə ilə onun xasiyyətinin cizgilərini cızmağa, ədəbi
portretini çəkməyə çalışdım. Buna nə dərəcədə nail
olduğumu deyə bilmərəm. Amma yenə yazmağa hazıram.
Qələmə aldı Nüşabə ƏHMƏDOVA. MÜBARİZ QADIN
(Beynəlxalq İctiami-siyasi, Ədədi-Bədii qəzet) №01 26
yanvar 2007 -ci il
Dostları ilə paylaş: |