~~~~~~~~~~
Qarabağın Tutusu
~~~~~~~~~~
61
edirdim. Həmin vaxt Qarabağda da vəziyyət gərgin idi. Baş
verənləri gördükcə dayana bilmirdim. Müharibəyə getməyə
can atırdım. Elə bu səbəbdən də universitetdə oxuya-oxuya
tibb texnikumunun nəzdində olan hazırlıq kursuna da
getdim. Buranı bitirib bir müddət Hərbi Hospitalda
çalışdım.
1991-ci ilin noyabr ayı idi. Məhəmməd Əsədov
hospitala gəlib Şuşada tibb bacısına ehtiyac olduğunu
söylədi. Həmin vaxt Şuşada vəziyyət pis idi. Ölənlər və
yaralananların sayı gündən-günə artırdı. Orada tibb bacısı
çatışmırdı. Mən Şuşaya gedəndən bir neçə gün sonra 20
noyabr hadisəsi baş verdi. Bu məni çox sarsıtdı. Sonralar
tez-tez Bakıya yaralı gətirdim. 1991-ci ilin dekabrında artıq
Malıbəylidə vəziyyət ağırlaşmışdı. Mən onda Daşaltının alt
hissəsində yerləşən Nəbilərdə idim.
O vaxt bizim güclü tibbi
ləvazimatımız yox idi. Daşaltı əməliyyatına qədər Malıbəyli,
Kərkicahan da artıq Xocalının düşdüyü vəziyyətdə idi.
1992-ci ilin yanvarın 25-dən 26-na keçən gecə uğursuz bir
əməliyyat oldu. Yaralılara Nəbilərdə tibbi xidmət
göstərdim. Bu uğursuzluğun ardınca da Xocalı hadisəsi baş
verdi. O zaman mən Şuşada idim. Bir müddət burda qalıb
hospitala qayıtdım. Xocalıdan gələn yaralılara gücüm
çatdığı qədər köməklik edirdim. Bir gün 17 yaşında Elçin
adlı gənci hospitala gətirdilər. Çox ağır yaralanmışdı.
Qolunun bir damarı işləyirdi. Vəziyyəti pis idi. Qolu
kəsilməliydi. Travmatoloqlarımızdan biri mənə müraciət
elədi ki, Cumayeva mənə kömək edə bilərsinizmi? Çətin
olsa da, razılaşdım. Çünki əlilliyin nə olduğunu mən çox