~~~~~~~~~~
Qarabağın Tutusu
~~~~~~~~~~
53
müstəqil həyata qədəm qoyması Azərbaycan tarixinin ən
çətin və şərəfli dövrünə təsadüf etmişdir. Rüxsarə də
tərəddüd etmədən cəmiyyətdə gedən ictimai- siyasi
prosseslərə qoşulmuş, onların iştirakçısına çevrilmişdir.
Bütün bunlar barədə onun danışdıqlarını qeydə almağı
özümə borc bildim:
-Bakı Hərbi Hospitalında tibb işçisi kimi bir müddət
işləmişəm. Hospitalda çalışdığım vaxt rəhmətlik general
Məhəmməd Əsədov hospaitala gəldi. Hospitalın rəisi Vaqif
İbrahimova müraciət etdi ki, orduya bir neçə tibb işçisi
lazımdır. Onda mən qabağa çıxdım. Ayağımın xəsarətli
olduğunu görən general dedi: “Siz yox!”. Mən təkidlə
gedəcəyimi bildirdim. Onda Vaqif İbrahimov mənim
barəmdə dedi ki, bu xanım 1988-ci ildə meydan hərkatında
aclıq aksiyasına qoşulan xanımıdr, 20 yanvar hadisələrində
fədakarlıq göstərərək yaralı insaları xəstəxanalara çatdıran
insandır. Bunları eşidəndən sonra
Məhəmməd Əsədov məni
siyahiya aldı. Rəhmətlik Qaratel, rəhmətlik Rəhilə, Sənubər
(bu qızı mən sonralar görmədim, əməliyyat yollarımız
ayrıldı) bir də mən Şuşaya-döyüş bölgəsinə yollandıq. Biz
Şuşaya yardım və döyüş sursatları aparan vertolyotla
gedib-gəlirdik. Həm də bu şeylərin aparılmasında iştirak
edirdik. . .
1992-ci ilin yanvarında Şuşada qalmalı olduq. Faciəli
Daşaltı əməliyyatı baş verdi və ordan yaralıları, meyitləri
götürərək Bakıdakı Hərbi Hospitala qayıtdıq. Bir –iki ay
hospitalda işlədikdən sonra apel ayının 3- 4- də Ağdama
yollandıq. Ağdamda Şirin Mirzəyevin 836-cı batalyonunda