107
parenximanın daxilinə keçərək, onu paycıqlara bölür.
Paycıqların parenximasında kapilyar toru ilə əhatə olunmuş
endokrin hissə yerləşir. Bu hissənin hüceyrələri A, V, D, D
1
və P P hüceyrələrə ayrılır.
A- hüceyrələr adacığın kənarında yerləşir, bütün
hüceyrələrin 20-25%-ni təşkil edir və toxumalarda
karbohidratların parçalanaraq qana keçməsini tənzim edən
qlükogon hormonu hasil edir.
V- hüceyrələr adacığın mərkəzində yerləşir, bütün
hüceyrələrin
70-75%-ni
təşkil
edir
və
glükozanın
toxumalarda glükogen halında toplanmasını tənzim edən
insulin hormonu hasil edir. İnsulin çatışmadıqda şəkər
xəstəliyi baş verir.
D- hüceyrələr armudvari, bəzən də ulduzvari olub,
adacığın kənarında yerləşir, adacığın ümumi hüceyrə
kütləsinin 5-10%-ni təşkil edir, insulin və glükogon ifrazını
ləngidən somostatin hormonu hasil edir.
D
1
–hüceyrələr az olub, qan təzyiqini aşağı salan şirə və
hormon ifrazını tənzim edən vazointesitnal peptidlər
hazırlayır.
PP –hüceyrələr adacığın kənar hissəsində yerləşir,
miqdarı ümumi hüceyrə kütləsinin 2-5%-ni təşkil edir. mədə
və mədəaltı vəzin şirələrinin ifrazını tənzim edən
polipeptidlər hasil edir.
Mədəaltı vəz simpatik və azan sinirlərlə innervasiya
olunur. Vəzin sekretor fəaliyyətini azan sinir, damarları isə
simpatik sinir şaxələri idarə edir. Endokrin hissədə sinusoid
tipə məxsus kapilyarlar qəribə tor əmələ gətirir. Adacığın
özünəməxsus sinir lifi var və bu da adacığın ətrafında kələf
əmələ gətirir, adacıq sinir kələfindən çıxan sinir şaxəsi
damarın endotelisinə və endokrin hüceyrələrə uzanıb çatır.
Şəkil 42.
Qaraciyər
Qaraciyər mürəkkəb borulu vəzdir. Bu orqan çoxlu
108
funksiyalar yerinə yetirdiyi üçün orqanizmin mərkəzi
laboratoriyası adlanır. Qaraciyər yağların həzm olunmasında
iştirak edən öd hasil edir, ammonyakı sidik cövhərinə çevirir,
qan plazmasının zülallarını sintez edir, eritrositlərin
parçalanma məhsullarını öd piqmentlərinə çevirir, qanla
daxil olan karbohidratları glükogenə çevirir, mühafizə
vəzifəsini yerinə yetirir, rüşeym dövründə qan yaradır,
bağırsaqdan qana sorulmuş zəhərli maddələri zərərsizləşdirir,
orqanizmdə olan qanın 20%-ni depo halında toplayır,
endokrin funksiyanı yerinə yetirir, yağlar, karbohidratlar və
zülallar mübadiləsində iştirak edir. Bütün bu funksiyaları
yerinə yetirən qaraciyər hüceyrələri bir tərəfdən sinusoid
tipli qan kapilyarı ilə, digər tərəfdən öd toplayıcı kapilyarla
əlaqəyə girir.
Qaraciyərin üstünü sıx birləşdirici toxumadan olan
kapsula örtür. Kapsula orqanın daxilinə keçərək atmalar verir
və orqanı paycıqlara bölür. Paycıqlar bir-birindən paycıqara
qan damarı və öd toplayıcı kanalcıqlarla sərhədlənir.
Paycıqlar çoxbucaqlı formada olub, ölçüsü 0,5-1mm-dir.
Paycığın hüceyrələri ardıcıl olaraq cərgəyə düzülür, nəticədə
radial yerləşmiş hüceyrə atmaları əmələ gəlir. Bu hüceyrə
atmaları tirlər adlanır, tirlər şaxələnərək tor əmələ gətirir,
tirlərin arasında qalan sahədə sinusoid kapilyarlar yerləşir.
Paycığın mərkəzində mərkəzi vena yerləşir, qan
kapilyarlardan axaraq mərkəzi venaya toplanır. Qaraciyər
hüceyrələri çoxbucaqlı formada olub əksərən 2 nüvəlidir.
Hepatositlərdə bəzi maddələr əlavələr şəklində toplanır,
qaraciyərin tirlərini əmələ gətirən hüceyrələrin 2 səthi olur.
1-ci səth qan kapilyarına, 2-ci səth isə öd kapilyarına baxır.
Bu kapilyarların endoteli qatı ilə hepatosit arasında 0,2-1 mk
enində yarıq olur. Bu isə sinusoid ətrafı sahə adlanır.
Hüceyrənin həmin sahəyə baxan səthində mikroxovcuqlar
olur. Hepatositlərin digər səthi 2 qonşu hüceyrə tirləri
arasında yerləşir. Bunların arasındakı şırım öd kapilyarı
adlanır. Öd kapilyarlarına ifraz olunmuş öd qan axınının
109
əksinə olaraq mərkəzdən paycığın kənarına doğru axır. Öd
paycıqara sahədə yerləşən öd axarlarına toplanır, paycıqların
daxilində retikulyar liflərdən təşkil olunmuş tor yerləşir.
Qaraciyərin fizioloji və reperatif bərpa olunması
hüceyrələrin mitoz bölünməsi yolu ilə gedir. Qaraciyərə qan
qaraciyər arteriyası və qapı venası ilə daxil olur. Qapı venası
mədə və bağırsaqlardan sorulmuş zərərli maddələri
qaraciyərə gətirir. Arteriya isə qaraciyər toxumasını
oksigenlə təmin edir. bu iki damarın kapilyar şaxələri
birləşir, ümumi qaraciyər qan damar torunu əmələ gətirir.
Qaraciyərdən qan qaraciyər venası ilə geri qayıdır. Qapı
venası qaraciyərin qapısından daxil olur və ayrı-ayrı paylara
şaxələr verir, bu şaxələr paycıqara venalara şaxələnir,
bunların şaxələri isə yenidən xırda şaxələrə ayrılır. Sonuncu
şaxələr paycığın hüceyrə atmaları arası ilə gedərək, paycığın
mərkəzində bir yerə toplanır və mərkəzi venanı əmələ gətirir.
Beləliklə, qaraciyər paycığında qan paycığın kənarından
mərkəzinə doğru axır. Mərkəzi vena paycığın əsasına doğru
gedərək, oradan keçən böyük toplayıcı venalara açılır.
Toplayıcı venalar birləşərək qaraciyər venasını əmələ gətirir.
Qaraciyər arteriyası da onun qapı hissəsindən daxil olur,
qapı venası kimi şaxələnir, paycıqara arteriyalar əmələ
gətirir, bu arteriyaların şaxələri paycığın kənarında vena
kapilyarları ilə birləşir. Nəticədə arterial qan venoz qana
qarışır və axıb mərkəzi venaya tökülür.
Öd axarları paycıqların arasında yerləşir, divarının daxili
səthi birqatlı kubvari epiteli ilə örtülüdür, öd axarlarının
mənfəzi böyüdükcə kub şəkilli epiteli prizma şəklini alır,
onun arxasında yerləşən birləşdirici toxuma qatı qalınlaşır,
iri diametrli öd axarlarının divarında saya əzələlərdən ibarət
dairəvi əzələ qatı olur. Şəkil 43.
Öd kisəsinin divarı selikli, əzələ və seroz qişalardan
təşkil olunmuşdur. Selikli qişa çoxlu xırda büküşlər əmələ
gətirir, səthi bir qatlı prizma şəkilli epitellə örtülüdür.
Gövşəyən heyvanlarda öd kisəsinin selikli qişasının üstünü
Dostları ilə paylaş: |