110
örtən epiteli hüceyrələri arasında selik hasil edən
qədəhəbənzər hüceyrələr yerləşir, eyni zamanda bu qişada
selik və serozlu sekresiya hasil edən çoxlu borulu vəzlər
olur. Epitel qatı altında limfa düyüncükləri müşahidə edilir.
Əzələ qişasında dairəvi əzələ qatı güclü inkişaf etmişdir. Tək
dırnaqlı heyvanlarda öd kisəsi olmur və öd axarları çoxlu
boylama qırışlara malikdir.
Qaraciyərə sinirlər onun damarları ilə yanaşı qapı
hissəsindən və kapsula altında yerləşən sinir kələfindən daxil
olur. Sinir liflərinin əksəriyyəti paycıqara toxumada yerləşir.
Müəyyən hissəsi paycığa daxil olur.
Qaraciyər sinirləri 3 növdür. 1-ci növ sekretor sinir lifləri
olub, paycıqların daxilində hüceyrə tirləri üzərində qurtarır
və hepatositlərin sekretor fəaliyyətini tənzim edir. 2-ci növ
sinirlər hissi sinirlər olub, paycıqara birləşdirici toxumada,
qan damarlarının səthində və paycıq daxilində yerləşməklə,
ucları kapilyarlarda və hepatositlərdə qurtarır. Damarların
hərəki sinir liflərini, yəni 3-cü növ sinir liflərini simpatik
sinir şaxəsi təşkil edir.
Öd kisəsi divarındakı qanqlilərlə və müxtəlif sinir ucları
ilə innervasiya olunur.
Periton
Periton qarın boşluğunu örtən seroz qişadır. Onun üstünü
örtən mezoteli hüceyrələrinin ifraz etdiyi maye sürüşkənlik
yaradaraq qarın boşluğunda yerləşən orqanların hərəkətini
asanlaşdırır. Eyni zamanda mühafizə funksiyasını yerinə
yetirməklə maddələr mübadiləsində iştirak edir. Mezoteli
hüceyrələri peritondan qoparaq faqositlərə çevrilir. Peritonun
əsasını birləşdirici toxuma təşkil edir. Peritonun divarı 6
qatdan ibarətdir: mezoteli, bazal zar, səthi kollogen, lifli qat,
səthi diffuz elastik tor qat, dərin boylama elastik tor qat və
dərin xəlbirəbənzər kollagen-elastik liflər qatı.
Müsariqə iki periton vərəqəsindən təşkil olunmuşdur.
Onun hər bir vərəqi 7 qatdan ibarətdir. Burda peritonun
111
qatlarından əlavə orta elastiki qat da mövcuddur. Peritonun
birləşdirici toxuma əsasında mielinli və mielinsiz sinir
liflərinin əmələ gətirdiyi 2 sinir kələfi yerləşir. Bunlardan
biri kollogen elastiki liflər qatında, digəri isə səthi kollogen
liflər qatında yerləşir. Göstərilən sinir kələflərinin ucları
peritonun bütün qatlarını innervasiya edir.
F
F
Ə
Ə
S
S
İ
İ
L
L
1
1
2
2
.
.
S
S
İ
İ
D
D
İ
İ
K
K
-
-
C
C
İ
İ
N
N
S
S
İ
İ
Y
Y
Y
Y
Ə
Ə
T
T
S
S
İ
İ
S
S
T
T
E
E
M
M
İ
İ
Sidik ayıran orqanlara böyrəklər, sidik axarları, sidik
kisəsi və sidik buraxıcı kanal aiddir. Bu orqanlar
orqanizmdən maddələr mübadiləsinin son məhsullarının
xaric olunmasını təmin edir və orqanizmdə su-duz
mübadiləsini tənzim edir. Böyrəklər qana, qan yaranmanı
tənzim edən eritropoetin və qan təzyiqini tənzim edən renin
hormonları buraxır.
Embrional inkişaf zamanı böyrəklər ardıcıl olaraq ön
böyrək, ilk böyrək və son böyrək formasında əmələ gəlir.
Ön böyrək mezodermanın seqment ayaqcıqlarının 8-10
kranial seqmentlərindən formalaşır. Bunlar ardıcıl olaraq bir-
biri ilə birləşir, mezonefral axar əmələ gətirir.
Ilkin böyrək bədənin axırıncı seqmentlərinin seqment
ayaqcıqlarından formalaşır. Bunların dorsal qurtaracaqları
mezonefral axara açılır. İlk böyrəyin xarakter xüsusiyyəti
onun kanalcıqlarının arterial kapilyar torla sıx funksional
əlaqədə olmasıdır. Kapilyar yumaqcıqları sidik kanalcığının
divarına yapışaraq ikiqatlı kapsula əmələ gətirir. Kapsulanın
boşluğuna qanın plazmasının filtrasiya məhsulları toplanır.
Kapilyar yumaqcığı və kapsula birlikdə böyrək cisimciyi
əmələ gətirir. Heyvanın embrional inkişafı dövründə ilkin
böyrək sidik ayıran orqan kimi fəaliyyət göstərir.
Son böyrək bunlardan sonra yaranır və embrional
inkişafın 2-ci yarısında fəaliyyət göstərir. Bu böyrək rüşeym
bədənin kaudal hissəsindən mezodermin seqmentlərə
bölünməmiş sahəsindən əmələ gəlir. Bu böyrəyə inkişaf
prosesində volf axarından kanalcıqlar sistemi bitişir.
Nəticədə sidik axarları, böyrək ləyəni, böyrək qədəhləri və
sidik toplayıcı kanallar yaranır. Seqmentlərə bölünməyən
nefrogen toxumadan son böyrəyin sidik kanalcıqları sistemi
eyni zamanda böyrək cisimciklərinin kapsulasının epitel qatı
formalaşır.
Dostları ilə paylaş: |