104
sistemi sinapslarının fəaliyyətinə təsir edən enteroserotonin
hazırlayır.
12 barmaq bağırsağın selikli qişasında bağırsaq
vəzilərindən başqa, borulu alveolyar (gövşəyənlərdə ancaq
borulu) Brunner vəziləri də yerləşir. Bu vəzilərin axarları
selikaltı qatdan keçib əzələ qatını deşərək bağırsaq
vəzilərinin dibinə açılır.
Mədə-bağırsaq enteroxromofinlərindən, bağırsaqlarda F,
S, A, J, Q, D və D
1
tip hüceyrələr olur. F, S hüceyrələr çox
olub, serotonin, mutilin və P maddəsi hasil edir. A
hüceyrələr miqdarca az olub, enteroqlükaqon hasil edir. S
hüceyrələr sekretin, J hüceyrələri xolisistokinin, Q
hüceyrələri qastrin, D və D
1
hüceyrələri isə fəal peptidlər
hasil edir.
Selikli qişanın xüsusi qatı retikulyar və boş birləşdirici
toxumadan təşkil olunmuşdur. Bu qatla makrofaglar,
plazmatik hüceyrələr, limfositlər və tək-tək limfa folikulları
yerləşir.
Selikli qişanın əzələ qatı saya əzələ toxumasından olub,
daxili dairəvi, xarici boylama qatları əmələ gətirir. Qalan
qişalar və selikaltı qat mədə divarında olduğu kimidir.
Nazik bağırsağın divarını qidalandıran arteryia 3 əsas
kapilyar tor əmələ gətirir. Bunlardan biri seroz qişadakı qan
damar toru olub, bu tor seroz qişanı və əzələ qişasınının bir
hissəsini qidalandırır. Digər qan damar toru əzələ qatları
arasında yerləşib, hər iki əzələ qatını qidalandırır. 3-cü
kapilyar tor, selikaltı qatda yerləşir, selikli qişa vəziləri,
xovları və əzələ qişasının bir hissəsini qidalandırır. Xovların
hər birinə daxil olan arterial şaxə onun ucuna qədər uzanıb,
orada şaxələnir, qan burdan venullalara toplanır. Vena
damarları xüsusi qatda və selikaltı qatda kələf əmələ gətirir.
Bağırsaq xovları selikaltı qişa səthində uzun çıxıntı
şəklində yerləşir. Xovlar və selikli qişanın yerdə qalan
hissəsinin üzəri birqatlı slindr şəkilli epitel ilə örtülür.
Slindrəbənzər epitel hüceyrələri arasında selik ifraz edən
105
qədəhəbənzər hüceyrələr vardır. Xovların əsasını birləşdirici
toxuma təşkil etmişdir. Xovların daxilində limfa cibcikləri
olur. Limfa cibciklərinin daxili səthi endotel ilə örtülmüşdür.
Bağırsaq səthini örtən epitel ilə limfa cibcikləri arasında qan
damarları və saya əzələ hüceyrələri olur. Bağırsaq xovları
parçalanmış qida maddələrinin sorulması prosesində
yaxından iştirak edir. Belə ki, yağlar limfa cibciklərinə,
zülallar və karbohidratlar isə qan damarlarına sorulur. Limfa
cibcikləri ətrafındakı əzələ hüceyrələri yığılaraq onları sıxır
və nəticədə sorulub oraya toplanmış yağlar limfa
cibciklərindən selikaltı qatda olan limfa cibciklərinə keçir.
Xovların uzunluğu ayrı-ayrı heyvan növlərində eyni deyildir.
Ən uzun xov yırtıcı heyvanlarda, nisbətən qısa xovlar
gövşəyənlərdə olur. Qoyunlarda bağırsaq xovları enlidir.
Şəkil 41.
Yoğun bağırsaq
Yoğun bağırsaqda ximusda olan su çox sürətlə sorulur,
kal kütləsi formalaşır, bağırsaq çoxlu selik ifraz edir, selik
bağırsaq möhtəviyyatının hərəkətini asanlaşdırır, selikli qişa
vasitəsilə K, Mg, fosfatlar və ağır metal duzları xaric olunur,
K və B vitaminləri isə sintez olunur. Infuzorların iştirakı ilə
sellüloza həzm olunur. Yoğun bağırsaq kor, çənbər və düz
bağırsaqlara ayrılır. Bunların divarı selikli, əzələ və seroz
qişalardan təşkil olunmuşdur. Seroz və əzələ qişaları nazik
bağırsaqda olduğu kimidir. Nazik bağırsaqdan fərqli olaraq,
yoğun bağırsağın selikli qişasında aşağıdakı fərqlər
mövcuddur.
1.
Selikli qişada xovlar olmur, çıxıntılardakı haşiyəli
epiteli suyun sorulmasına xidmət edir.
2.
Selilki qişanın xüsusi qatında və selikaltı qatda vəzilər
olmur.
3.
Bağırsaq epitelisinin sərbəst qütbündə olan haşiyə
görünmür.
4.
Yoğun bağırsaqda qədəhəbənzər hüceyrələr və limfa
106
düyüncükləri çoxdur.
5.
Xovlar və vəzilər olmadığı üçün yoğun bağırsaqda
yerləşən qan damarları və sinirlər zəif inkişaf etmişdir.
6.
Yoğun bağırsaqda zolaqlar olan heyvanlarda boylama
əzələ qatı çox qalındır.
Düz bağırsaq
Düz bağırsaq divarında limfa düyüncükləri çoxdur,
elastiki liflərlə zəngindir, selikli qişanın üzərini örtən
prizmatik epitel anus şöbəsində çoxqatlı yastı epitellə əvəz
olunur.
Donuzlarda anusun divarında selik ifraz edən vəzilər
yerləşir, bunlar anus kənarı vəzilər adlanır, yırtıcılarda bu
vəzilərdən əlavə piy vəzilərinə oxşar vəzilər də olur.
Mədəaltı vəzi
Mədəaltı vəz mürəkkəb alveolalı qarışıq tipli vəzdir. Bu
vəzin 97%-ni şirə hazırlayan ekzokrin hissədən, 3%- isə
hormon hazırlayan endokrin hissədən ibarətdir. Vəz 12
barmaq bağırsağın dorsal divarında yerləşən dorsal və
ventral mayalardan inkişaf edir. Inkişafın sonrakı dövründə
paycıqlarda vəz alveolları və alveolalar arasında qalan
dəyişilməmiş hüceyrələrdən endokrin (Langers Hans)
adacıqları əmələ gəlir.
Vəzin sekret çıxaran kanalı selikli, əzələ və seroz
qişalardan ibarətdir. Selikli qişa uzununa qatlar əmələ
gətirərək, üstü bir qatlı prizmatik epitellə örtülüdür. Əzələ
qişası dairəvi saya əzələ dəstələrindən təşkil olunmuşdur.
Seroz qişa digər orqanlarda olduğu kimidir. Sekreti çıxaran
axar vəzin cisminə yaxınlaşdıqca nazilir, onun divarında
xarici qatlar itir, yalnız epiteli qatı qalır və ucu alveolaya
çatır. Alveolanın divarında konus formalı ferment hazırlayan
sekretor hüceyrələr yerləşir. Bu hüceyrələrin hazırladığı
fermentlər karbohidrat, yağ və zülalların həzm olunmasında
mühüm rol oynayır. Vəzin üzərini örtən kapsula
Dostları ilə paylaş: |