8
Yurt mehridan yurakda
Yonar otash alanga
Himoyachi bo‘lurmiz
Aziz
ona-Vatanga
Yurt ishqi qalbga payvand
Quvvat bo‘lsin, kuch bo‘lsin.
Baxtimizga
hur vatan-
O‘zbekiston tinch bo‘lsin.
1. Tinchlikni asrash deganda nimani tushundingiz?
2. Ibrohim akaning jasorati nimada?
3.“Qo‘shning tinch, sen tinch hikmatini qanday tushundingiz?
“Ajdodlar xitobi” she’rini yod oling.
9
II bo‘lim. Axloqiy tarbiya
Inson axloqi bilan go‘zal (2 soat)
Har bir farzand dunyoga kelishi bilan ota-onasi unga chiroyli ism
qo‘yadi, yedirib ichiradi, kiyintiradi, bemor bo‘lib qolsa davolatadi.
Farzand kamol topar
ekan ota-ona qalbidan quvonadi, shirin orzularni
ko‘nglidan o‘tkazadi. Ota-ona
bolasining axloqli, ilmli, hunarli inson
bo‘lishiga harakat qiladi. Farzand axloqli bo‘lsagina
ular orzusiga
erishadi. “Axloq” so‘zi “xulq” so‘zining ko‘plik shaklidir.
Axloq jamiyat, zamon, insoniyat tarixi uchun namuna bo‘la
oladigan ijobiy xatti- harakatlar yig‘indisidir.
Bir so‘z bilan aytganda
axloq yaxshilik demakdir. Falon kishi axloqli ekan deyilgani, o‘sha
odamning yaxshiligi ko‘p ekan deganidir. Abu Nasr Farobiy bobomiz:
“Har bir kishi kasb korni mukammal bilmog‘i, yaxshi tarbiya olmog‘i va
yaxshi
xulq-odob, fazilatlarga ega bo‘lmog‘i kerak”, - degan edilar.
