18
•
Gapirsang chiroyli gapir, bo‘lmasa jim tur.
•
Qo‘pol insonni do‘sti bo‘lmas.
Beparvolik
Karima opaning ikki o‘g‘il farzandi bo‘lib, birisining ismi Tolibjon,
ikkinchisining ismi Boburjon edi. Boburjon kichik bo‘lishiga qaramay
tabiatan muloyim, kichik ko‘ngil, mehribon edi. Tolibjon esa qo‘pol,
qaysar, badfe’l bola edi. Kunlarning birida, Karima opa o‘gli Tolibjonga
“O‘g‘lim, tovuqlaringni don suvini berib qamab qo‘ygin” –deb
bir ish
bilan ko‘chaga chiqib ketdi. Tolibjon esa har kungiday o‘yin bilan ovvora
bo‘lib, onasining aytgan so‘zlari yodidan ko‘tarildi. Karima opaning
ko‘chadagi yumushlari ko‘payib, uyiga biroz kech qaytdi. Qarasa
tovuqlarining ikkitasini mushuk yeb ketibdi. Bundan jahli chiqib, o‘g‘li
Tolibjonni koyiy boshladi. Tolibjon esa onasiga “ikkita
tovuq uchun
shunchalikmi”, -deb unga gap qaytardi. Qo‘pol muomala qilib, onasining
dilini og‘ritdi.
19
Buni ko‘rib turgan Boburjon “Bu nima qilganingiz aka, onamizni
xafa qilib qo‘ydingizku. Farzand onasiga shunday muomala qiladimi?” –
dedi. Boburjon onasining oldiga borib “Onajon, qo‘ying
bu ishlarni,
bugundan boshlab tovuqlarga o‘zim qarayman, sizni endi hech qachon
xafa qildirmayman” –deb onasining quchog‘iga o‘zini otdi.
Tolibjon
qilgan ishidan pushaymon bo‘lib, onasidan kechirim so‘radi. Karima
opaning onalik mehri jo‘shib, bolasining xatosini kechirdi.
1. Muloyimlik nima?
2. Qo‘pollikning oqibatlarini aytib bering.
3. Tolibjon nima uchun onasidan uzr so‘radi?
Dostları ilə paylaş: