15
Ular bir yil avval O‘zbekistonga sayyoh bo‘lib kelgani va
yurtimizda bir necha kun turganini so‘zlab berdilar. Ayniqsa,
yoshlarni
boshida do‘ppilari borligini ko‘rib ko`zlari quvonganini zavq bilan
esladilar. Hatto o‘zbek do‘ppilaridan xarid qilib,
esdalik uchun suratga
ham tushishgan ekan. O‘z yurti haqida bunday ijobiy fikrlarni eshitib
Muzaffarning ko‘ngli tog‘day ko‘tarildi. Ona yurtiga nisbatan qalbida
g‘urur - iftixor tuyg‘ulari kuchaydi.
1. Kiyim kiyishdan asosiy maqsad nima?
2. Milliy kiyimlarimizga nimalar kiradi?
3. Muzaffarni O‘zbekistondan ekanligini qayerdan bildilar?
Hikmatli so‘zlarni yod oling.
16
Salom berish fazilati (2 soat)
Salom berish insonning eng yaxshi fazilatlaridan biri hisoblanadi.
Har bir ota - ona farzandiga tarbiya berar ekan, eng avvalo, salomlashishni
o‘rgatadi. Jahonda odobning bu jihatiga e’tibor
bermaydigan biron bir
millat yoki xalq yo‘q. Dono xalqimiz “Gapning boshi-kalom, odob boshi
-salom”deb
bejiz
aytmagan.
“Assalomu
alaykum!”
o‘zaro
munosabatlarning boshidir. Uni qancha samimiy, muloyim aytsangiz,
munosabatga
shunchalik iliqlik, samimiyat, ochiqko‘ngillik o‘rnashadi.
Salom –alikni oshkora aytishning yana bir sehrli kuchi bor. U kishilar
orasida
muhabbat paydo etib, o‘rtadagi gina va kuduratlarni ketkazadi.
Biron notanish kishi bilan ko‘rishib tanishmoqchi bo‘lsangiz, salom
berishingiz bilan gap gapga qovushadi, o‘rtadagi begonasirash,
noqulaylik barham topadi. Hatto sizni
yoqtirmaydigan insonga ham
“Assalomu alaykum” “sizga tinchlik – omonlik bo‘lsin” desangiz, u
jahlidan tushadi, ko‘ngli sizga moyillashadi.
Salom berish va alik olish xususida quyidagilarga amal qilishimiz
lozim:
➢
Oila a’zolaringiz huzuriga ya’ni uyingizga salom berib
kiring;
➢
Salom to‘liq, so‘zlarini buzmay, odob bilan beriladi;
➢
Notanish kishilarga
ham salom berish joiz;
➢
Piyoda ketayotgan odam o‘tirganga;
➢
Kichiklar kattalarga, ozchilik ko‘pchilikka, salom berishi
lozim.
